बैरेनी गल्छी खण्डमा सडकमा लेदो माटो- बालुवा व्यवसायीलाई भ्याई नभ्याई

579 पटक पढिएको

प्रकाशित मिति: १४ असार २०७६, शनिबार १०:३०

सम्पादक: Dhading News

 

 

धादिङ,१४ असार-  धादिङको गल्छी गाउँपालिकामा पर्ने पृथ्वीराजमार्गको बैरेनी गल्छी खण्डमा सडकमा लेदो माटो सहितको पहिरोका कारण सवारी आवागमन रोकिन पुगेको छ । रातभरीको बर्षात कारण आएको लेदो माटोले राजमार्गको गल्छी बैरेनी खण्डमा ठाउँ ठाउँमा अवरोध पु¥याएको छ । सडक अबरुद्ध हुँदा पृथ्वीराजमार्गमा गुडिरहेका सयौँ सवारी साधन विहानै देखि रोकिन पुगेका छन् । सडकमा जमेको लेदो माटो र वालुवा निकाल्न स्थानीय वालुवा व्यवसायीहरुले भागवण्डा लगाएर काम शुरु गरेका छन् । वालुवा र माटो छान्दै निकाल्दा सडक ४ घण्टा भन्दा बढी अबरुद्ध हुने अवस्था रहेको छ ।

धादिङको गल्छी गाउँपालिका–६ बैरेनीबजार गर्दोखोला मोडबाट महेशदोभान बजारसम्म डेढ किलोमिटर सडकमा ठाउँ ठाउँमा बालुवा र माटोको लेदो बगेर आएपछि सडक अबरुद्ध हुन पुगेको बैरेनी वजारका स्थानीय वासिन्दा नरेश खतिवडाले वताउनु भयो । सडकमा जमेको लेदोले सवारी आगमन ठप्प हुन पुगेको छ । अबरुद्ध सडक खुलाउन प्रयास भईरहेको धादिङका प्रहरी उपरिक्षक राजकुमार वैदवारले वताउनु भयो ।
लेदो माटो र ढुंगा थुप्रिंदा सडक नदीको बगर जस्तै हुन पुगेको छ । सडक जलमग्न भएपछि सवारी साधनहरु ग्ड्न समेत सकेका छैनन् । देशका मुख्य मार्ग हुंदै राजधानी प्रवेश गर्ने मुख्य सडकको रुपमा रहेको पृथ्वीराजमार्ग अबरुद्ध हुंदा हजारौं व्यक्ति प्रभावित हुने गर्दछन् । मंगलबार पनि यहि ठाउँमा पहिरोका कारण ११ घण्टा सम्म सडक अबरुद्ध हुन पुगेको थियो । बिहीवार पनि हजारौं यात्रु बिच बाटोमै अलपत्र परिरहेका छन् । सडकमा खसेको लेदो माटो र वालुवा निकाल्न स्थानीय व्यवसायीले क्षेत्र तोकेर डोजरको प्रयोग गरिदिंदा सडक खुलाउन ढिलाई भईरहेको जिल्ला समन्वय समिति धादिङका प्रमुख जगन्नाथ नेपालले वताउनु भयो ।

देश विदेशका यात्रुलाई सडकमा अलपत्र पारेर वालुवा निकाल्ने काम तत्काल वन्द गरि सडक तत्काल सफा गर्ने कार्यमा लाग्न प्रहरी प्रशासन र सडक विभागलाई आग्रह गरिएको नेपालले जानकारी दिनु भयो । अहिले सडक खुलाउने प्रयास भईरहेको र आवागमन नियमित हुन अझै ३,४ घण्टा भन्दा बढी लाग्ने प्रहरीले जानकारी दिएको छ ।

राजमार्ग भन्दा माथि तिर बाताबारणिय प्रभाव मुल्याङ्कन नगरि हचुवाको भरमा खोलिएका ग्रामीण सडकका कारण बर्षा संगै भलबाढी राजामार्गमा आईपुग्ने गर्दछ । गाउँ गाउँमा करोडौं खर्च गरेर सडक निर्माण गरिनुका साथै बालुवाका लागि डाँडापाखा उत्खनन समेत गरिएका छन् । ग्रामीण सडक र वालुवा उत्खनन स्थलबाट बर्षात संगै माटो वग्दै आएर राजमार्ग अबरुद्ध हुन पुगेको हो ।



धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो ।

१४ असार २०७६, शनिबार १०:३० मा प्रकाशित

समाचार

सबै

मिटर व्याज थेग्न नसकेपछि सामूहिक आत्महत्याको प्रयास

धादिङ - व्याजमा ऋण लिएर शेयर बजारमा लगानी गर्दै आएका काठमाण्डौंको चन्द्रागिरि नगरपालिका–४, थानकोटका ३७ वर्षीय विनय लामिछानेले लगानी ऋण तिर्नै नसक्ने अवस्था आएपछि बच्चासहित त्रिशूली नदीमा हाम फालेर.....

Two held with illegal drugs in Dhading

Two persons have been arrested in possession of a huge cache of banned pharmaceutical drugs from Gajuri of Dhading district, on Friday, police said. Police intercepted a bus (Na 6 Kha 1760) heading to Lamjung from Kathmandu at Gajuribazaar along Prithvi highway and arrested Hemanta Gurung, 19, of.....

दुई बच्चासहित दम्पत्ति त्रिशूली नदीमा हामफाले

धादिङ- काठमाडौं थानकोट घर भएका बिनय लामिछानेको दम्पत्तिले आफ्ना दुई नाबालक सन्तानसहित बिहिवार साँझ त्रिशूली.....

सल्यानटारमा रंगशाला र गल्छी ६ मा वडा कार्यालय निर्माण गरिने

 धादिङको त्रिपुरासुन्दरी गाउँपालिकामा पर्ने सल्यान्टारको असिन फाँटमा रंगशाला निर्माण गरिने भएको छ ।.....

गाउँ गाउँमा गोरु जुधाएर मनाईयो माघे संक्रान्ति

- धादिङ न्यूज समाचारदाता धादिङ, - माघ १ अर्थात माघे संक्रान्ति बुधबार धादिङ लगायत देशभर विभिन्न कार्यक्रम गरी.....

Categories