धादिङमा खुल्ला हिले दौड प्रतियोगिता सम्पन्न

743 पटक पढिएको

प्रकाशित मिति: १५ असार २०७६, आईतवार २०:१८

सम्पादक: Dhading News

धादिङ, १५ असार – राष्ट्रिय धान दिवसको अवसर पारेर धादिङमा खुल्ला हिले दौड प्रतियोगिता सम्पन्न भएको छ । राष्ट्रिय लोक खेल संरक्षण तथा अनुसन्धान संघले धादिङ जिल्लाको नीलकण्ठ नगरपालिका वडा नम्बर ८ बिर्तावेसीमा हिले दौड प्रतियोगिताको आयोजना गरेको होे ।


आधुनिक विकासले नेपाली लोक संस्कृति र चाल चलन ओझेलमा पर्दै गएकोले नयाँ पुस्तालाई परम्परागत संस्कृति र पौराणिक महत्वका बारेमा जानकारी दिने उद्धेश्यले पहिलो पटक जिल्लामा खुल्ला हिले दौड प्रतियोगिता आयोजना गरिएको संघका संरक्षक राजकुमार श्रेष्ठले जानकारी दिनुभयो ।

प्रतियोगितामा पुरुष र महिला गरी एक सय आठ जना खेलाडीहरुले भाग लिएका थिए ।
दौडमा महिलातर्फ सिद्धलेक गाउँपालिकाकी सोनी गुरुङ्ग प्रथम, धुनीवेसी नगरपालिकाकी रसिला तामाङ द्धितिय र ललितपुर पाटनकी निर्जला ताम्राकार तृतीय भएका थिए ।

यसै गरी पुरुषतर्फ संखुवासभाका विशाल राई प्रथम, कैलालीका किरण मल्ल द्धितिय र नेपालगंजका खिन बहादुर खत्री तृतीय भएका थिए । उनीहरु तीन सय पचास मिटर हिले दुरी दौडिएर पार गरि विजेता बन्न सफल भएका हुन । प्रतियोगितामा पहिलो, दोस्रा र तेस्रो हुनेहरुलाई क्रमशः पचास हजार, तीस हजार र विस हजार नगद पुरस्कार सहित प्रमाण पत्र र टफि प्रदान गरिएको थियो ।


प्रतियोगिता शुरु हुनु अघि धदिङबेसी बिचवजारबाट पञ्चैवाजा र नाचगान सहित ¥याली निकालिएको थियो । बिचवजारचोकबाट शुरु भएको ¥याली सुगमटोल, शान्तबजार,एमालेचोक, पुछारवजार, पुल्चोक, सांघुटार हुंदै विर्ता बेसी पुगेर सभामा परिणत भएको थियो ।

जिल्ला समन्वय समितिका प्रमुख जगन्नाथ नेपालको प्रमुख आतिथ्यमा भएको प्रतियोगिता उद्घाटन समारोहमा जिल्लाका विभिन्न क्षेत्रका बिशिष्ट व्यक्तिहरुको आतिथ्य रहेको थियो । प्रतियोगिता हेर्न एक हजार भन्दा बढी दर्शक विर्ताबेसीमा उत्रिएका थिए ।



धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो ।

१५ असार २०७६, आईतवार २०:१८ मा प्रकाशित

समाचार

सबै

‘प्रत्येक पालिकमा एउटा आयुर्वेद औषधालय हुनुपर्छ’

धादिङका प्रत्येक स्थानीय तहमा कम्तिमा एउटा आयुर्वेद औषधालय स्थापना गर्न सरोकारवालाहरुले सुझाव दिएका छन् । जिल्ला आयुर्वेद स्वास्थ्य केन्द्र धादिङले विहीवार धादिङबेसीमा आयोजना गरेको जनप्रतिनिधि तथा.....

पहिरोले पाइप बगाएपछि छुम्राङ गाउँमा खानेपानी संकट

रुबीभ्याली (धादिङ ) -  पहिरोले खानेपानीको पाइप बगाएपछि धादिङको रुबीभ्याली गाउँपालिका ५ छुम्राङ गाउँमा पानीको.....

प्रधानमन्त्री केपी शर्मा ओलीको पक्षमा धादिङबेसीमा प्रदर्शन

धादिङबेसी–प्रधानमन्त्री केपी शर्मा ओलीको पक्षमा बुधबार सदरमुकाम धादिङबेसीमा प्रदर्शन भएको छ । प्रधानमन्त्री.....

ग्लोवल आईएमई बैकबाट गल्छी गाउँपालिकालाई सहयोग

धादिङ, २३ असार ः ग्लोबल आइएमई बैंक गल्छी शाखाले कोरोना भाईरस विरुद्धको अभियानमा गल्छी गाउँपालिकालाई सहयोग गरेको.....

कोरोना भाइरसबाट विदेशमा रहेका १४३ जना नेपालीको मृत्यु

धादिङ ।संसारभर महामारीको रुपमा फैलिरहेको कोरोना भाइरसको सङ्क्रमणबाट विदेशमा रहेका १४३ जना नेपालीको मृत्यु.....

Categories