नागढुंगा मुग्लिन सडक साउन पछि विस्तारको काम अघि बढ्ने

835 पटक पढिएको

प्रकाशित मिति: १८ असार २०७६, बुधबार २१:११

सम्पादक: Dhading News

धादिङ- सवारी चाप अनुसार सडक साँघुरो हुँदा दुर्घटनाको संख्या बढ्नुका साथै सवारी जाम हुनेक्रम पनि बढ्दै गईरहेको नागढुङ्गा—मुग्लिङ सडक विस्तार गरिने भएको छ । आगामी आर्थिक वर्षदेखि सडक विस्तारको काम अघि बढ्ने जनाईएको छ । विस्तार हुन लागेको सडक १० किमि ४ लेन र २५ किमि नयाँ लेनको निर्माण गरिने सडक विभागले जनाएको छ । बजार क्षेत्र आसपासमा ४ लेन र उकालो ओरालोमा अहिले भएको भन्दा १ लेन फराकिलो बनाइने छ । दुई वर्षभित्र सम्पन्न गर्ने गरी आव २०७६/७७ देखि आयोजना अघि बढाइने सडक विभागका प्रवक्ता शिवहरि सापकोटाले जानकारी दिनुभयो।

एक वर्षमा खरिद प्रक्रिया लगायतका कागजी प्रक्रिया पूरा गर्ने र अर्को वर्षदेखि सडक विस्तार गरिने सापकोटाले बताउनु भयो । आयोजनाको कुल अनुमानित लागत २२ अर्ब रुपैयाँ रहेको छ । विश्व बैङ्कको ऋण सहयोगमा सडक विस्तार हुन लागेको हो । नयाँ सडक निर्माण, १ र ४ लेनको सडक, पुल विस्तार र नयाँ पुल निर्माण गर्न उक्त लागत अनुमान गरिएकोे विभागले जनाएको छ ।

आगामी आवमा सडक र पुल निर्माणका लागि टेन्डर गरिने विभागले जनाएको छ । अन्य अध्ययन र मूल्याङ्कन गर्ने काम एक वर्षभित्र सक्ने विभागको तयारी छ । अर्को वर्ष २०७७/०७८ भित्र सडक विस्तार गर्ने लक्ष्य लिइएको छ ।

नौबिसे–मुग्लिङ खण्डमा पर्ने अहिलेको सबै पुललाई चौडा गरिने भएको छ । अहिले त्यो खण्डमा २४ ओटा मोटरेबल पुल छन । पुलका लागि मूल्याङ्कनको अन्तिम चरणमा रहेको सडक विभाग पुल महाशाखा प्रमुख अर्जुनजङ्ग थापाले बताउनु भयो । अधिकांश मोटरेबल पुललाई चौडा गरिनेछ । केही पुललाई भने नयाँ रेखाङ्कन गरी निर्माण गरिने थापाले जानकारी दिनुभयो ।

नागढुङ्गा—मुग्लिन सडकको लम्बाइ ९५ किमि छ । सडक विस्तार र पुल अध्ययनसमेत भइसकेको छ ।



धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो ।

१८ असार २०७६, बुधबार २१:११ मा प्रकाशित

समाचार

सबै

मलेखुमा बन्यो माछाको प्रतिमा

केशव अधिकारी (मलेखु)धादिङ – माछा बजारको रुपमा देशमै ख्याति कमाएको मलेखुमा शनिबारदेखि नयाँ पहिचान थपिएको छ । माछाका परिकारहरुका पारखीका लागि थप आकर्षित गर्न मलेखु चोकमा माछाको प्रतिमा निर्माण गरिएको.....

मौवाखोलाबाट साना मोटर गुड्न थाल्यो

धादिङ - बाढीले पुल भत्काएपछि अवरुद्ध हुन पुगेको पृथ्वीराजमार्गको मौवाखोलाको पुल मर्मत गरी चार दिनपछि साना.....

हट्यो लकडाउन

काठमाडौं । कोरोना भाइरस (कोभिड–१९) को रोकथाम तथा नियन्त्रणका लागि सरकारले साढे तीन महिनादेखि घोषणा गरेको लकडाउन.....

बाढी–पहिरोबाट सतर्क रहन सांसद भूमी त्रिपाठीको आग्रह

धादिङ - अविरल बर्षापछि धादिङ लगायत देशका विभिन्न भागमा बाढी पहिरोको जोखिम बढेको भन्दै विपदपूर्ण घडीमा सुरक्षित.....

बाढीेले मौवाखोलाको पुल बगायो ,राजधानी संगको सम्पर्क टुट्यो

धादिङ,५ साउन - देशका विभिन्न जिल्लाबाट राजधानी प्रवेश गर्ने पृथ्वीराजमार्गको धादिङ र चितवन जिल्लाको सिमानामा.....

Categories