दाताहरुले बनाईदिएको घरमा बस्न मानेनन् शुक्रबहादुर , फर्किए त्रिशूली बगरमै (भिडियो सहित)

413 पटक पढिएको

प्रकाशित मिति: २५ असार २०७६, बुधबार ०७:२७

सम्पादक: Dhading News

धादिङ,२५ असार – तुईन वाजेको नामले चिनिएका धादिङ चरौंदीका शुक्रबहादुर चेपाङ सहयोगी दाताहरुले बनाईदिएको नयाँ घरमा नबस्ने भएका छन् । हाँस्यकलाकार कुमार कट्टेल (जिग्री) र अर्जुन घिमिरे (पाँडे) को प्रमुख आतिथ्यतामा असार ८ गते शुक्रवहादुरलाई नयाँ घर हस्तान्तरण गरिएको थियो । त्रिशूली नदीको किनारमा बर्षौ देखि कष्टकर जिवन विताउँदै आएका चेपाङ अब कहिल्यै नबस्ने भन्दै एक रात नयाँ घरमा बसेर फेरी पहिल्यैकै ठाउँमा फर्किएका छन् ।

हेर्नुहोस भिडियो

आठ दशक उमेर पार गरिसकेका शुक्रबहादुर २० वर्ष देखि गोरखाको घ्यालचोकबाट धादिङको चरौंदी जोड्ने त्रिशूली नदी माथिको तुईन तानेर जिविकोपार्जन गर्दै आईरहेका थिए । असार ८ गते आइतबार एक कार्यक्रमका बीच भद्रगोल हांस्य सिरियलका कलाकारहरु जिग्री र पाँडे , ‘सिते बा; व्यवसायी हरि काफ्ले, स्थानीय बासिन्दाको व्यापक उपस्थितीमा धादिङको वेनिघाट रोराङ गाउपालिका वडा नं ७ मा निर्माण गरिएको घर शुक्रवहादुरलाई हस्तान्तरण गरिएको हो ।

सञ्चारकर्मी श्यामहरि शिवभक्तिको संयोजनमा स्वदेश तथा विदेशमा रहेका नेपालीको सहयोगमा शुक्रवहादुरको लागि नयाँ घर निर्माण गरिएको हो । फिल्मीकुरा डट कम युट्युव च्यानलका संचालक समेत रहेका पत्रकार शिवभक्तिले ६ महिना अघि शुक्रवहादुरको कारुणिक दिन चर्याका वारेमा समाचार लेखेपछि उनको सहयोगमा देश विदेशमा रहेका नेपालीहरु जुटेका थिए ।

देश विदेशमा रहेका नेपालीहरुले सहयोग जुटाएर चेपाङको लागि बनाईएको घर प्रयोग विहिन भएको छ । आर्थिक अभावका कारण ८० बर्षको उमेरमा दिनहुं तुइन तानेर आफ्ना अशक्त छोराको समेत लालन पालन गर्दै आईरहेको शुक्रवहादुर लाई त्रिशूली नदी किनारबाट पञ्चैवाजा वजाएर नाच गान गर्दै गाउँले र सहयोगी दाताहरुले नयाँ वनाईएको घर सम्म पु¥याएका थिए ।

जिग्री र पाँडेले शुक्रबहादुरको हातको नङ काट्दै नयाँ घरको चाबी दिएर घर हस्तान्तरण गरेका थिए । ‘ शुक्रवहादुरलाई आफ्नै नयाँ घरमा राख्न पाउँदा एउटा पूण्यको काममा सहभागी हुन पाएको भन्दै जिग्रि र पाँडेले व्यक्त गरेको खुसी एक दिन पनि टिकेन ।

शुक्रवहादुरको लागि नयाँघर निर्माणका लागि वेलायतमा बस्ने चार दिदि वहिनीहरु गिता,शारदा, कौसिला र सम्सिला गुरुङ, धादिङबेसी बिचवजार घर भई अष्ट्रेलियामा बसोवास गरिरहेका कुमार अधिकारीका साथै विभिन्न देशमा रहेका नेपाली दाजुभाई दिदि वहिनीले सहयोग जुटाएका थिए ।


नयाँ घरमा बस्न पाउँदा निकै खुसी देखिएका शुक्रबहादुर अहिले घरमा गएर नबस्ने भन्दै नदी किनारमा फर्कनुलाई धेरैले दुःखद घटना भएको बताएका छन् । घरको चाबी लिंदै गर्दा शुक्रवहादुरले भनेका थिए ‘घर थिएन, जग्गा थिएन । अब त जग्गा पनि पाएँ, घर पनि पाएँ ।यो उमेरमा अब तुईन तान्न जाँदिन ।’ शुक्रबहादुर सँग एक छोरा बस्छन् । शारिरीक रुपमा अशक्त उनका छोरा बोल्न र सुन्न सक्दैनन् । सोही छोराको कारण देखाउँदै चेपाङ बाउ छोरा निकै सांघुरो र फोहोरले ढाकिएको तुईनको जिप तलको भागमा बसिरहेका छन् ।

उनिहरु बर्षौ देखि यहि ठाउँमा बस्दै आईरहेका थिए । चरोंदी स्थित सहकारीको तरकारी संकलन केन्द्रमा तरकारी ल्याउनका लागि गोर्खा जिल्लाका किसानहरुले सो तुईनको प्रयोग गर्दै आईरहेका छन् । तुइनको नजिकै झोलुङ्गे पुलको निर्माण शुरु भएपनि समयमै काम सम्पन्न नहुंदा गोर्खा जिल्लाको घ्यालचोकका किसानले तुईन हटाउन मानेका छैनन् । शुक्रवहादुर सोही तुईन तानेर जिवन निर्वाह गर्दै आईरहेका छन् ।



धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो ।

२५ असार २०७६, बुधबार ०७:२७ मा प्रकाशित

समाचार

सबै

बुद्धिमान तामाङलाई राप्रपाको कार्यवाहक अध्यक्षको जिम्मेवारी

काठमाण्डौं -वरिष्ठ उपाध्यक्ष बुद्धिमान तामाङलाई कार्यवाहक अध्यक्षको जिम्मेवारी दिएर राष्ट्रिय प्रजातन्त्र पार्टीका अध्यक्ष कमल थापा अमेरिका प्रस्थान गरेका छन्। आगामी मंसिर १८ र १९ गते (डिसेम्बर ४ र ५.....

बूढीगण्डकी आयोजनाले बाँड्यो २७ अर्ब ८० करोड मुआब्जा

धादिङ-बूढीगण्डकी जलविद्युत् आयोजनाले डुबान क्षेत्रमा पर्ने बासिन्दालाई रु २७ अर्ब ८० करोड मुआब्जा वितरण.....

रणबहादुर शाही सहित तीन जना कारागार चलान

धादिङ–विभिन्न अभियोगमा अदालतले सजायँका लागि फैसला गरेपनि फरार रहँदै आएका प्रतिवादी पक्राउ अभियानलाई जिल्ला.....

हत्या गरी फरार अभियुक्त १७ बर्ष पछि यसरी पक्राउ परे

धादिङ-हत्या गरी फरार रहेका धादिङ दार्खाका २ जना अभियुक्त १७ बर्ष पछि पक्राउ परेको समाचार यति बेला निकै चासोको.....

ज्यान मुद्दामा फरार दार्खाका दुई जना १७ बर्ष पछि पक्राउ

अदालतबाट कैद फैसलाको सजायँ पाएर पनि फरार रहँदै आएका अभियुक्तको खोजीलाई अभियानको रुपमा सञ्चालन गरिरहेको धादिङ.....

Categories