धादिङबेसीबाट १२ लाख ८० हजार लुटेर भागेका रामवहादुुर नागढुंगामा पक्राउ

1343 पटक पढिएको

प्रकाशित मिति: २५ असार २०७६, बुधबार २१:०२

सम्पादक: Dhading News

धादिङ, २५ असार – धादिङको सदरमुकाम धादिङबेसीबाट उपभोक्ता समितिको १२ लाख ८० हजार रुपैया लुटेर भागेको आरोपमा धादिङ खनियाबास गाउँपालिकाका एक युवक काठमाण्डौंको नागढुंगाबाट पक्राउ परेका छन् ।

धादिङको खनियावास गाउँपालिका वडा नं २ झार्लाङको अक्थली–फ्याजा गाउँ सडक निर्माण उपभोक्ता समितिको नाममा चेक साटेर बैकंबाट रकम निकाल्ना साथ समितिकै सदस्य रामबहादुर तामाङ सो रकम लिएर भागेपछि उनको खोजीका लागि प्रहरीमा उजुरी परेको थियो । बुधबार दिउँसो धादिङबेसी स्थित राष्ट्रिय बाणिज्य बैकबाट पैसा झिक्नासाथ रकम लिएर फरार भएको आरोप लागेका झार्लाङका रामवहादुर तामाङ मोटरसाइकलमा काठमाण्डौंतर्फ जाँदै गरेको अवस्थामा नागढुङगाबाट पक्राउ परेको जिल्ला प्रहरी कार्यलय धादिङका प्रमुख (प्रहरी उपरिक्षक) राजकुमार बैदवारले बताउनु भयो ।

गाउँपालिकाले दिएको चेकबाट १७ लाख ८० हजार रुपैया साटिएको भएपनि १२ लाख ८० हजार रुपैया लिएर रामवहादुर फरार भएका थिए । समितिको पैसा लिएर रामवहादुर सम्पर्क विहिन भएपछि उपभोक्ता समितिका अध्यक्ष कान्छा तामाङले रकम लुटिएको भन्दै खानेजबिनका लागि प्रहरीमा उजुरी दिएका थिए ।

खनियाबास गाउँपालिकास्थित साविकको दार्खा गाविसको कुरीबाट झार्लाङ गाविसको अक्थली जोड्नको लागि गाउँपालिकाले ४५ लाख रुपैया विनियोजन गरेको थियो । काम हुदै गर्दा रनिङ विलको आधारमा पैसा निकाल्दै काम गरिरहेपनि काम सम्पन्न भएपछि वाँकी रकम निकाल्ने क्रममा पैसा लुटिएको अध्यक्ष तामाङले वताए ।



धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो ।

२५ असार २०७६, बुधबार २१:०२ मा प्रकाशित

समाचार

सबै

धादिङमा १२९ जनाका लागि खुल्यो जागिर (सूचना सहित )

धादिङ ।तपाई बेरोजगार हुनुहुन्छ र कामको खोजीमा लागि रहनु भएको छ भने धादिङको १३ वटै स्थानीय तहका लागि धेरै जना कर्मचारीको माग भएको छ । भुकम्प पिडितहरुको लागि भवन निर्माण कार्यमा आर्थिक तथा प्राविधिक सहयोग.....

राष्ट्रिय झण्डा घर, अफिसदेखि गाडीमा समेत राख्न पाइने

काठमाण्डौं -विश्वमै आफ्नो छुट्टै पहिचान बोकेको नेपालीको शान राष्ट्रिय झण्डा विगतका सरकारी कार्यालय र सरकारी.....

राष्ट्रियसभाबाट राष्ट्रिय परिचयपत्र विधेयक पारित

काठमाडौं । राष्ट्रियसभाबाट राष्ट्रिय परिचयपत्र विधेयक राष्ट्रिय परिचयपत्र तथा पञ्जीकरण विधेयक २०७५ पारित.....

बीआरआई विश्वसँग नेपाललाई जोड्ने महत्वपूर्ण ढोका

काठमाडौं, - नेपालको विकासका लागि विश्वसँग जोडिने सहज मार्ग खोल्नुपर्ने आवश्यकतामाथि विभिन्न विज्ञहरुले जोड.....

विप्लव माओवादीलाई धक्का, जिल्ला सेक्रेटरी पक्राउ

धादिङ, १ असोज – प्रहरीको सर्वाधिक खोजी सूचीमा रहेकानेत्र विक्रम चन्द नेत्तृत्वको नेकपाका धादिङ जिल्ला.....

Categories