धौखोला नजिकै बोलेरो दुर्घटना, १५ जना घाइते

563 पटक पढिएको

प्रकाशित मिति: १५ भाद्र २०७६, आईतवार १६:१७

सम्पादक: Dhading News

धादिङ, १५ भदौ –  धादिङको नीलकण्ठ नगरपालिका –९ धौखोला नजिकै बोलेरो जिप दुर्घटना हुंदा १५ जना घाईते भएका छन् । जिल्लाकै ज्वालामुखी गाउँपालिका–५ खरिबाट यात्रु लिएर सदरमुकाम धादिङबेसी आउँदै गरेको ग १ ज ५४३१ नम्बरको बोलेरो जिप आईतबार विहान ९.२० वजे तिर धौखाला नजिकै सडकबाट ५ मिटर तल खस्दा १५ जना घाइते भएका हुन ।

दुर्घटनामा परि घाइते भएका मध्ये ज्वालामुखी ५ खरिकी काली गुरुङ र रामवहादुर दुवाडीको अवस्था गम्भिर भएको कारण उपचारका लागि काठमाडौको ट्रमा सेन्टर लगिएको छ । जिल्ला प्रहरी कार्यालय धादिङका सूचना अधिकारी प्रहरी नायब उपरीक्षक रुपक खड्काले दिएको जानकारी अनुसार दुवै जनाको जिल्लामा उपचार हुन नसक्ने भएपछि उपचारको लागि काठमाडौं पठाईएको हो ।

क्षमताभन्दा बढी यात्रु बोकेर आएको जिप विग्रेको सडकमा एक्कासी अनियन्त्रित पल्टिएपछि दुर्घटना भएको हो । दुर्घटनामा ज्वालामुखी ५ खरीका २९ वर्षीय सोमबहादुर मगराती, २२ वर्षीय लक्ष्मी रोक्का, १२ वर्षीय रमेश रोक्का, २५ वर्षीया गीता रोक्का, २२ वर्षीय धनबहादुर दुवाडी, ६ वर्षीया रोचिता गुरुङ, बर्ष १७ की रसिता रोक्का घाईते भएका छन ।

त्यस्तै १० वर्षीया सरिता रोक्का, र पार्वती नेपाली, ५० वर्षीया देवकुमारी थापा मगर, १० वर्षीय सुनिल बालकोटी, १७ वर्षीया सरस्वती गुरुङ, नीलकण्ठ नगरपालिका २ साँखुका १३ वर्षीय सिर्जना नेपाली घाइते भएका छन । सामान्य घाइतेहरुको जिल्ला अस्पताल धादिङबेसीमा उपचार भइरहेको प्रहरी नायब उपरीक्षक खड्काले जानकारी दिनुभयो ।



धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो ।

१५ भाद्र २०७६, आईतवार १६:१७ मा प्रकाशित

समाचार

सबै

ब्रुसबाङका चेपाङलाई दशैंमा खाद्यान्न सहयोग

ब्रुसबाङ- दक्षिणी धादिङको विकटमा बसोबास गर्दै आएका अति विपन्न चेपाङ समुदायलाई खाद्यान्न सहयोग गरिएको छ । लायन्स क्लब नेपाल हाईलाईटको आयोजना मा धादिङको वेनिघाट रोराङ गाउँपालिका वडा नम्बर २ मा पर्ने.....

औषधिको राजा पिपलको पात

हाम्रो घर वरपर कतिपय प्राकृतिक बनस्पति उम्रिरहेका हुन्छन, तर चिन्न न सकेर व्यर्थ त्यसलाई नास पार्दै जान्छौ ।.....

कार्तिक १ देखि देशभरका सामुदायिक विद्यालयमा निःशुल्क स्यानिटरी प्याड

धादिङ। सरकारले आगामी १ कात्तिकदेखि देशैभरका सामुदायिक विद्यालयमा निःशुल्क स्यानिटरी प्याड उपलब्ध गराउने.....

खेस्टेखोलामा माइक्रो र मोटरसाइकल ठोक्किंदा रामकृष्ण भट्टको मृत्यु

धादिङ ,२४ असोज, । धादिङको गल्छी गाउँपालिका–७ मा पर्ने पृथ्वीराजमार्गको खेस्टेखोलामा माइक्रोबस र मोटरसाइकल एक.....

झुटो समाचार लेखाएर चरित्र हत्या गर्न खोजियो -सांसद लोहनी

धादिङ १८ असोज । धादिङ जिल्ला निर्वाचन क्षेत्र नम्बर २ का प्रतिनिधि सभा सदस्य एवम नेपाल कम्युनिष्ट पार्टी.....

Categories