धम्क्याएर २० लाख लिन खोज्ने सन्तोष कँडेल पक्राउ

2163 पटक पढिएको

प्रकाशित मिति: १७ भाद्र २०७६, मंगलवार २२:४१

सम्पादक: Dhading News

काठमाडौँ – धम्की दिएर एकल महिलासँग २० लाख रुपैयाँ असुली गर्न खोजेको आरोपमा धादिङको वेनिघाटरोराङ -५ का सन्तोष कँडेल पक्राउ परेका छन् ।

धादिङको वेनिघाट रोराङ ५ घर भई काठमाण्डौ नयाँबजार बस्ने २७ वर्षका कँडेललाई काठमाण्डौ बालालुबाट प्रहरीले मंगलबार पक्राउ गरेको हो । कँडेललाई स्युचाटारकी एकल महिला रन्जु त्रिपाठी  संग २० लाख रुपैयाँ नदिए छोरीलाई मार्ने र घरमा बम पड्काउने धम्की दिएको आरोपमा प्रहरीले पक्राउ गरेको हो ।

महानगरीय प्रहरी परिसर काठमाडौँका प्रवक्ता होवीन्द्र बोगटीका अनुसार कँडेलले भदौ १३ गते एकल महिला रन्जु त्रिपाठीलाई चिठ्ठी पठाएर रु २० लाख माग गरेको र मागे अनुसार पैसा नदिए छोरीलाई हत्या गर्ने र घरमा समेत बम पड्काउने धम्की दिएका थिए ।

भदौ १७ को मिति दिँदै बालाजुको पुल नजीक आएर पैसा दिन चिट्ठीमा भनिएको थियो । सोही सूचनाका आधारमा नक्कली पैसा लिएर गएको प्रहरी टोलीले उनलाई पक्राउ गरेको हो । कालिमाटीका प्रहरी प्रमुख डीएसपी रुँगम कुँवरका अनुसार पक्राउ परेका कँडेलविरुद्ध फिरौती असूलीको कसूरमा म्याद थप गरेर विस्तृत अनुसन्धान थालिएको छ । उनले नेत्रविक्रम चन्दको नाम लिएर धेरै जनालाई धम्क्याउँदै आएको आरोप लागेको महानगरीय प्रहरीले जानकारी दिएको छ ।

अनुसन्धानमा संलग्न अधिकृतका अनुसार पक्राउ परेका कँडेलले केही बर्ष अघि त्रिपाठीको हातबाट भाइटीका समेत लगाएका थिए । त्रिपाठीको  श्रीमानको  ५ वर्षअघि  मृत्यु भएको थाहा पाएका कँडेललाई उनको ३ छोरीको अवस्थाबारे पनि जानकारी भएको प्रहरीले बताएको छ ।

भदौ १३ गते त्रिपाठीको घर छेऊमा पुगेर एक बालकलाई चिठ्ठी दिएर फर्कदाँ जुन हुलियामा सीसी टीभी क्यामरामा देखिएका थिए मंगलबार पक्राउ पर्दा  पनि उही टोपी, टिसर्ट र जुत्तामा भेटिएको प्रहरीको दावी छ ।



धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो ।

१७ भाद्र २०७६, मंगलवार २२:४१ मा प्रकाशित

समाचार

सबै

गल्छीबाट हेटौंडा जोड्ने छोटो सडकको खोजि

केशव अधिकारी  धादिङ- नुवाकोट र रसुवा जिल्लाबाट बागमती प्रदेश राजधानी हेटौंडा जोड्ने छोटो दुरीको सडक निर्माणका लागि प्रारम्भिक सर्वेक्षण गरिएको छ । वैकल्पिक राजमार्गको रुपमा समेत ल्याउन सकिनेगरी पहिचान.....

शुक्रवार देखि धादिङबेसीमा सातौँ धादिङ महोत्सव शुरु

धादिङ, -शुक्रवार देखि धादिङको सदरमुकाम धादिङबेसीमा सातौँ धादिङ महोत्सव शुरु भएको छ । शुक्रवार देखि.....

चाम्बासमा दुर्घटना, नायिका महिमा सिलवालको मृत्यु

धादिङ- बुधबार साँझ धादिङको गजुरी गाउँपालिका वडा नम्बर २ चाम्बास स्थित पृथ्वीराजमार्गमा भएको दुर्घटनामा परि .....

शुक्रवार देखि धादिङबेसीमा सातौं धादिङ महोत्सव

धादिङबेसी- सातौं धादिङ महोत्सव फागुन २ गते शुक्रवार देखि धादिङबेसीमा शुरु हुंदैछ । धादिङ उद्योग वाणिज्य संघको.....

रुबीभ्याली र गंगाजमुना सन २०२२ भित्र सफा गाउँ हुने

धादिङ- धादिङको उत्तरी भेगमा पर्ने रुबीभ्याली गाउँपालिकाले सन २०२१ भित्र र गंगाजमुना गाउँपालिकाले सन् २०२२.....

Categories