गजुरी र बेनिघाटका कृषकलाई उद्यमशीलता विकास तालिम

204 पटक पढिएको

प्रकाशित मिति: २५ भाद्र २०७६, बुधबार ०५:५६

सम्पादक: Dhading News

धादिङ – धादिङको गजुरी र बेनिघाटरोराङ गाउँपालिकाका कृषकहरुलाई लक्षित गरि  उद्यमशीलता विकास तालिम सम्पन्न भएको छ ।

परम्परागत रुपमा स्थानीय स्तरमा कृषिमा आधारित निर्वाहमुखी कृषि व्यवसाय  गर्दै आएका कृषकहरुका लागि तीन दिन सम्म संचालन गरिएको उद्यमशिलता विकास तालिम मंगलबार सम्पन्न भएको हो ।

तालीममा सिकेको ज्ञान सीप व्यवहारमा लागू गरी कृषि पेशालाई व्यवसाय बनाउन प्रेरणा मिलेको किसानहरुले वताएका छन । लगानी र आम्दानीको लेखाजोखा गरेर व्यवसाय गर्नु पर्ने,व्यवसाय संचालन गर्दा ध्यान दिनु पर्ने विविध कुराहरु,अपनाउनु पर्ने सावधानीहरु र सफल उद्यमी बन्न गर्नु पर्ने कुराहरु तालीमबाट सिकेको कार्यक्रममा सहभागी हिमाली सामुदायीक संस्था छेपाङका सदस्य तथा कुखुरा व्यवसायी विशाल चेपाङले वताए । तालीममा सिकेको ज्ञानलाई व्यवहारमा लागू गर्न सके थप आम्दानी बृद्धि गर्न सकिने उनको भनाई छ ।
गठ्ठेडाँडा आत्मनिर्भर महिला समुहकी निर्मला चेपाङ, भस्मेखोला आत्मनिर्भर महिला समुहकी शान्ता चेपाङ,जलदेवी महिला समुहको कृष्णहरी चेपाङ, भँगेरी सामुदायिक विकास समाजका राम कुमारी चेपाङ र गजुरी १ का श्याम प्रसाद विसुन्के लगायतका सहभागीले पनि उद्यमशिलता विकास तालिम साना लगानीका कृषकहरुको लागि महत्वपूर्ण रहेको बताएका छन् ।

भदौ २२ आईतबारबाट शुरु भएको तालिम मंगलबार सम्पन्न भएको हो । प्रयत्नशिल सामुदायिक विकास समाज प्रयास नेपाल धादिङ र प्लानेट इन्फान्ट एण्ड डेभलपमेन्टसंगको साझेदारीमा सञ्चालन भएको तालिम महिला संरक्षण तथा शसक्तिकरण कार्यक्रमको सहयोगमा गजुरीमा सम्पन्न भएको हो । बेनिघाट र गजुरी गाउँपालिकाका ७ जना महिला सहित १३ जना सहभागी रहेका तालीममा गजुरी गाउँपालिकाका अध्यक्ष राजेन्द्र बिक्रम बस्नेत,उपाध्यक्ष सिता ढुङ्गाना ,प्रयास नेपालका अध्यक्ष सबिता अर्याल लगायतले सहभागीहरुलाई व्यवसायिक सफलताको शुभाकामना दिनु भएको थियो ।

सिकेको सिप व्यवहारमा लागू गरी पारवारिक आम्दानी बृद्धि गर्न सहभागीहरुलाई अनुरोध गरिएको प्रयास नेपालका सामाजिक परिचालक उषा थापामगरले जानकारी दिनु भयो । परम्परागत रुपमा जिविकोपार्जनको लागि थोरै पशुपालन गर्दै आएको भए पनि व्यवसायिक रुपमा आम्दानीको लागि ज्ञान सीपको अभावमा रहेका ग्रामीण कृषकहरुलाई व्यवसायीक र उत्पादन बृद्धि तथा बजारीकरण गर्न सहयोग पुर्याउन उद्यमशीलता तालीम संचालन गरिएको कार्यक्रम संयोजक सुनिल केसीको भनाई रहेको छ ।



धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो ।

२५ भाद्र २०७६, बुधबार ०५:५६ मा प्रकाशित

समाचार

सबै

ज्यान मुद्दामा फरार दार्खाका दुई जना १७ बर्ष पछि पक्राउ

अदालतबाट कैद फैसलाको सजायँ पाएर पनि फरार रहँदै आएका अभियुक्तको खोजीलाई अभियानको रुपमा सञ्चालन गरिरहेको धादिङ प्रहरीले कर्तव्य ज्यान मुद्दामा फरार भएका धादिङका २ जना अभियुक्तलाई १७ बर्ष पछि पक्राउ गरेको छ.....

धादिङमा १०४ जनामा स्क्रब टाइफसको संक्रमण

धादिङ-प्रदेश नम्बर ३ का १३ जिल्ला मध्ये धादिङ जिल्लामा स्क्रब टाइफसबाट संक्रमण हुनेको संख्या सबै भन्दा धेरै.....

भुमेस्थानका सोनाम आठ किलो चरेससहित पक्राउ

धादिङं । काठमाण्डौंको चन्द्रागिरि नगरपालिका २ नागढुङ्गाबाट प्रहरीले आठ किलो चरेससहित एक जनालाई पक्राउ गरेको.....

सातौं धादिङ महोत्सव, २४ वटा बिषयगत समिति गठन

धादिङ २४ कात्तिक - सातौं धादिङ महोत्सव मुल आयोजक समिति र विभिन्न बिषयगत समितिको गठन गरिएको छ । महोत्सव आयोजनाको.....

आज हरिवोधिनी एकादशी , भगवान विष्णुको आराधना गरी मनाईंदै

आज हरिबोधिनी एकादशी, भगवान विष्णुको आराधना गरी मनाईंदैछ । असार शुक्ल एकादशीका दिन जलमा सयन भएका विष्णु अर्थात.....

Categories