पहिचानका लागि हिन्दुराष्ट्र -राप्रपा बरिष्ठ उपाध्यक्ष तामाङ

385 पटक पढिएको

प्रकाशित मिति: २६ भाद्र २०७६, बिहीबार २१:०१

सम्पादक: Dhading News

धादिङ -नेपालको पहिचानका लागि हिन्दुराष्ट्र आवश्यक भएको राष्ट्रिय प्रजातन्त्र पार्टीका बरिष्ठ उपाध्यक्ष एवम पुर्व गृहमन्त्री बुद्धिमान तामाङले वताउनु भएको छ । राजसंस्था सहितको हिन्दुराष्ट्र स्थापनाको एजेण्डा लिएर तेश्रो चरणको राष्ट्रिय स्वाभिमान यात्रा अभियानमा जुटेको राप्रपाको जिल्ला स्तरीय कार्यकर्ता भेलालाई सम्वोधन गर्न गृह जिल्ला धादिङ आउनु भएका नेता तामाङले बुधवार सदरमुकाम धादिङबेसीमा पत्रकार सम्मेलन गरि आफ्नो धारणा सार्वजनिक गर्नु भएको हो ।राप्रपाले अहिलेको संविधानलाई स्विकार गरिसकेकाले संविधानको मर्मलाई आत्मसाथ गर्दै जनताको बिचमा पार्टीको एजेण्डाको रुपमा हिन्दुराष्ट्र सहितको राजसंस्था स्थापनाको एजेण्डा लिएर आएको उहाँले बताउनु भयो ।

मुलुक धर्म निरपेक्षमा गईसकेको भएपनि करिव ८० प्रतिशत जनसंख्या ओमकार समुदाय (हिन्दु र वौद्धधर्मावलम्बी) भएको जिकिर गर्दै नेपालमा हिन्दुराष्ट्र अपरिहार्य भएको नेता तामाङले दावी गर्नु भयो । संसारमा हिन्दु धर्ममान्नेहरुको संख्या धेरै भएपनि हिन्दुधर्म सहितको देश नभएकाले नेपालमा त्यो सम्भावना भएकोले राप्रपाले स्पष्ट दृष्टिकोणका साथ आफ्नो एजेण्डा अघि सारेको नेता तामाङले वताउनु भयो ।

राप्रपा पुरानै शैलीको राजतन्त्रको पक्षमा नरहेको तर हिन्दु धर्मको प्रतिकका रुपमा रहने राजाको पक्षमा भने रहेको उहाँले वताउनु भयो । कुनै बेला नेपाल राष्ट्र निर्माणमा राजसंस्थाको भूमिका महत्वपूर्ण रहेको कुरालाई भुल्न नहुने तर पहिलेकै जस्तो राजसंस्था चाहिन्छ भन्नु अव उचित नहुने उहाँको भनाई थियो ।
जापान, वेलायत लगायत विश्वका ४० भन्दा बढि राष्ट्रमा अहिले पनि राजसंस्था रहेको स्मरण गराउँदै नेता तामाङले नेपालमा पनि राजसंस्था चाहिन्छ भनेर जनताका बिचमा छलफल शुरु गरेको जानकारी दिनु भयो ।

पत्रकार सम्मेलनमा वोल्दै नेता तामाङले संघीयतामा जांदा गाउँका जनताले गाउँमै धेरै सुविधा पाएपनि प्रदेशको संरचनाले राज्यको ठूलो धनराशी खर्च बढाईरहेकाले स्थानीय तहलाई अझै वलियो बनाएर प्रदेश हटाउनु पर्ने सुझाव दिनु भयो ।

राप्रपाले २०७६ साललाई संगठनको बर्षको रुपमा विभिन्न कार्यक्रम गरेर पार्टीको गतिविधि गाउँ गाउँमा संगठन बिस्तार र कार्यकर्ता जागरण अभियान संचालन गरिने नेता तामाङले वताउनु भयो । राप्रपाका जिल्ला अध्या नवराज श्रेष्ठको अध्यक्षतामा भएको पत्रकार सम्मेलनमा सो पार्टीका सहमहामन्त्री भक्ति सिटौला, केन्द्रिय सदस्य एवम पुर्व मन्त्री परशुराम तामाङ, केन्द्रिय सदस्यहरु लालध्वज तामाङ,सहदेवराज भारती, गिताप्रसाद आचार्य ३ नम्बर प्रदेश समिति सदस्य राजनप्रसाद शिवाकोटी लगायतको उपस्थिति रहेको थियो ।



धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो ।

२६ भाद्र २०७६, बिहीबार २१:०१ मा प्रकाशित

समाचार

सबै

स्कुटर चोरेर बिक्री गर्ने चार जना धादिङबाट पक्राउ

धादिङ,२९ कात्तिक । स्कुटर चोरी  गरि बिक्री गर्ने कार्यमा संलग्न रहेका चार जना लाई धादिङ प्रहरीले पक्राउ गरि सार्वजनिक गरेको छ । स्कुटर चोरी गर्ने तथा चोरीका स्कुटर किन्ने कार्यमा संलग्न रहेको अभियोगमा.....

Vacancy Announcement

Published Date:  25 Kartik  2076 Dhading Chamber of Commerce and Industry and Mott MacDonald  has been  implementing a DFID-funded Post-earthquake recovery project (Purnima) in Dhading Districts. The program aims to create long-term positive change in the lives of people in.....

बुद्धिमान तामाङलाई राप्रपाको कार्यवाहक अध्यक्षको जिम्मेवारी

काठमाण्डौं -वरिष्ठ उपाध्यक्ष बुद्धिमान तामाङलाई कार्यवाहक अध्यक्षको जिम्मेवारी दिएर राष्ट्रिय प्रजातन्त्र.....

बूढीगण्डकी आयोजनाले बाँड्यो २७ अर्ब ८० करोड मुआब्जा

धादिङ-बूढीगण्डकी जलविद्युत् आयोजनाले डुबान क्षेत्रमा पर्ने बासिन्दालाई रु २७ अर्ब ८० करोड मुआब्जा वितरण.....

रणबहादुर शाही सहित तीन जना कारागार चलान

धादिङ–विभिन्न अभियोगमा अदालतले सजायँका लागि फैसला गरेपनि फरार रहँदै आएका प्रतिवादी पक्राउ अभियानलाई जिल्ला.....

Categories