नागढुङ्गा-नौविसे सुरुङमार्गको निर्माण तिहारपछि सुरु हुने

450 पटक पढिएको

प्रकाशित मिति: २७ भाद्र २०७६, शुक्रबार ०६:३९

सम्पादक: (Dnews)

काठमाडौं। बहुचर्तित नागढुङगा-नौविसे सुरूङमार्ग दुई महिनापछि मात्रै निर्माण सुरु हुने भएको छ। गत असारमै शिलान्यास गरेर निर्माण सुरु गर्ने लक्ष्य राखिएको भएपनि पाँच महिना ढिला गरि निर्माण थाल्न लागिएको हो।

आगामी साता ठेक्का सम्झौता गर्ने र नोभेम्वरबाट काम सुरु गर्ने योजनाका साथ काम भैरहेको नागढुङगा-नौविसे सुरुङमार्ग आयोजना प्रमुख श्यामप्रसाद खरेलले जानकारी दिए।

उनका अनुसार गत साता जापानी टोलीसँग आयोजना सम्वन्धमा पाँच दिनसम्म छलफल चलेको थियो। छलफलपछि १८ सेप्टेम्वरसम्ममा सम्झौता गर्ने निर्णय भएको हो। बैंक ग्यारेण्टी सहित प्रक्रिया सकेर जापानी कम्पनी आगामी साता नेपाल आउन लागेको छ। आयोजनाका अनुसार सुरुङमार्ग निर्माण गर्न जापानी कम्पनी हाज्मारआन्दो जेभीसँग सम्झौता हुँदैछ।

आगामी साता ठेक्का सम्झौता गर्न लागिएको भएपनि दँशै तिहारपछि मात्रै निर्माण कार्य सुरु हुनेछ। खरेलका अनुसार यो वीचमा ठेक्का सम्झौता भएपछि निर्माण कम्पनीले साईटमा क्याम्प बनाउने, मेसिनहरु ल्याउने लगायतका तयारीका कामहरु गर्ने छ।

नोभेम्वरसम्ममा नेपालका तर्फबाट साईट क्लियर गरिसक्नुपर्ने चुनौती रहेको आयोजनाले जनाएको छ। मुआब्जा वितरणका लागि काठमाडौंतिर कुनै समस्या छैन। अधिकांश मुआब्जा वितरण भैसकेको छ भने केहि वितरण हुने प्रक्रियामा रहेको छ।

धादिङतिर भने समस्या रहेको पाईएको छ। व्यक्तिका नाममा रहेको जग्गामा समस्या नभएपनि गुठी र लालपुर्जा नभएको जग्गाका कारण समस्या भएको आयोजना प्रमुख खरेलले जानकारी दिए।

केहि समयअघि बसेको बैठकले व्यक्तिका नाममा रहेका र प्रक्रिया पुरा गरेका जग्गाहरुका हकमा मुआब्जा निर्धारण गरिसकेको छ। धादिङतर्फ करिव ५० रोपनी र करिव ५० टहरा जग्गा अधिग्रहण गर्नुपर्नेछ।

गुठी र लालपुर्जा नभएका जग्गाहरुको हकमा मन्त्रीपरिषदबाट निर्णय गराएर अघि बढ्ने तयारीमा आयोजना छ। प्रस्ताव केहि दिनमै मन्त्रीपरिषद पठाउन लागिएको आयोजनाले जनाएको छ। करिव ६ अर्ब रुपैयाँ मुआब्जा वितरण गर्नुपर्नेमा करिव पाँच अर्ब वितरण भैसकेको छ भने अब ८० करोड रुपैयाँ वितरण गरे मुआब्जाको विषय टुङगिने खरेलले जानकारी दिए।

वलम्वुदेखि सुरुङमार्गसम्म पुग्न फ्लाईओभर निर्माण गर्ने योजना छ। यसका लागि करिव ११ रोपनी जग्गा र ४७ वटा घर अधिग्रहण गर्नुपर्नेछ। जग्गाको मात्रै ७५ करोड रुपैयाँ लाग्ने अनुमान छ। सडकको सीमा २५र२५ मिटर भएपनि सर्वोच्च अदालतले मुआब्जा दिएर मात्रै सडक विस्तार गर भन्दै फैसला गरेपछि जग्गा अधिग्रहण गर्नुपर्ने अवस्था आएको हो। गुर्जुधाराबाट टनेलको प्रस्थान विन्दुसम्म पुग्नका लागि करिव ६ सय मिटरको फ्लाई ओभर निर्माण गर्नुपर्ने छ।

नागढुङगा नौविसे सडक खण्डको किसिपिढी खोल्सीदेखि सिस्नेखोलासम्म करिव २।७ किलोमिटर सुरुङमार्ग निर्माण गर्न लागिएको हो। जसका लागि करिव २१ अर्ब लाग्ने अनुमान गरिएको छ। जसमा १६ अर्ब जापानको सहुलियत ऋण सहयोग हुनेछ भने ५ अर्ब रुपैयाँ नेपाल सरकारको आन्तरिक स्रोतबाट व्यहोर्ने छ। जापान सरकारको आर्थिक र प्राविधिक सहयोगमा आयोजनाको विस्तृत आयोजना प्रतिवेदन तयार पारिएको थियो। निर्माण थालेको ४० महिनामा कम्पनीले सुरुमार्ग तयार पारेर नेपाल सरकारलाई हस्तान्तरण गर्नुपर्नेछ।



धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो ।

२७ भाद्र २०७६, शुक्रबार ०६:३९ मा प्रकाशित

समाचार

सबै

धादिङका एम्बलेन्स चालक भन्छन ‘एउटै पिपिई कति दिन लगाउने”

धादिङ- धादिङ जिल्लाका एम्बुलेन्स चालकहरुले लकडाउन शुरु भएको दुई साता विति सक्दा पनि एउटै पिपिई सेट लगाएर काम गर्नु परेको दुःखेसो गरेका छन । जुनसुकै बेला विरामी संग नजिक हुनुपर्ने एम्बुलेन्स चालकहरु आंफै.....

नेपाल एम्बुलेन्स सेवा र सीसीएमसी बीच साझेदारी

काठमाडौं- कोराना भाइरसको महामारीले विश्वलाई आतङ्कित बनाइरहेको अवस्थामा नेपाल एम्बुलेन्स सेवा (नास) र नेपाल.....

निक साइमन इन्स्टिच्युटद्धारा १० वटा पोर्टेबल भेन्टिलेटर र एक हजार थान पिपिइ हस्तान्तरण

 काठमाडाैँ । निक साइमन इन्स्टिच्युटले स्वास्थ्य तथा जनसंख्या मन्त्रालयलाई १० वटा पोर्टेबल भेन्टिलेटर र एक.....

नागरिकको जीवनरक्षा महत्वपूर्ण कुरा : प्रधानमन्त्री ओली (सम्बोधनको पूर्णपाठ)

आदरणीय दिदीबहिनी तथा दाजुभाईहरु, – आज सिङ्गो मानवजाति कोभिड–१९ को महामारी विरुद्ध कठिन युद्ध लडिरहेको छ ।.....

गल्छीमा क्वारेन्टाईनमा बसेका १७ जना खुसी हुँदै घर फर्किए

धादिङ, २५ चैत - धादिङको गल्छी गाउँपालिकाको क्वारेन्टाईनमा बस्दै आएका १७ जना दुई साताको क्वारेन्टाईन बसाई सकेर.....

Categories