धादिङमा यसरी मनाइँदैछ संविधान दिवस

212 पटक पढिएको

प्रकाशित मिति: २९ भाद्र २०७६, आईतवार ०७:११

सम्पादक: Dhading News

धादिङबेसी । धादिङमा यस बर्षको संविधान दिवस विभिन्न कार्यक्रमका साथ भव्य तरिकाले मनाइने भएको छ । २०७६ सालको संविधान दिवस भव्यताका साथ मनाउनका लागि २०७६ भाद्र २५ गते जिल्ला समन्वय समिति धादिङका प्रमुख जगन्नाथ नेपालको अध्यक्षतामा बैठक बसेको छ । वैठकले दिवस मनाउनका लागि १५१ सदस्यीय मूल समारोह समिति गठन गरेको छ ।

‘‘संविधान दिवस तथा राष्ट्रिय दिबस हर्षोल्लासका साथ मनाऔं । घर घरमा राष्ट्रिय झण्डा फहराऔं, घर घरमा दिपावली गरौं’’ भन्ने मूल नाराका साथ असोज २, ३ र ४ गते सरकारी र गैरसरकारी कार्यालय तथा संस्था र जनताको घरघरमा साँझ दिपावली गर्ने र गर्न भनी अनुरोध गर्ने निर्णय भएको छ ।

असोज २ गते जिल्ला बार एशोसियशनको समन्वयमा संविधान र राष्ट्रभक्ति सम्वन्धी बिचार गोष्ठीको आयोजना गर्ने मूल समारोह समितिले निर्णय गरेको छ । ३ गते बिहान ७ वजे पुछारबजारबाट प्रभातफेरी शुरु गरि बीचबजार हुंदै ,रेडक्रस चोक ,खुल्लामञ्च, प्रशासन चोक हुंदै कभर्ड हलमा गएर औपचारिक कार्यक्रम गरेर समापन गर्ने निर्णय भएको छ ।

असोज २ गते गैर सरकारी संस्थाहरु मार्फत साँझ ६ वजे जिल्लाका मुख्य बजार चोकहरुमा दिपावली गर्ने निर्णय भएको छ । त्यस्तै वर्तमान संविधानको बारेमा गोष्ठी तथा अन्तरक्रिया कार्यक्रम असोज २ गते बार एशोसिएसन धादिङले गर्ने निर्णय भएको छ । जिल्लाका विद्यार्थीहरु लक्षित वक्तृत्वकला प्रतियोगिता शिक्षा विकास तथा समन्वय इकाइले गर्ने निर्णय गरिएको छ ।

यसै गरी जिल्ला स्थित सबै कार्यालयहरुले असोज २, ३ र ४ गते आफ्नो कार्यालय परिसर सरसफाई गर्ने सांझ अनिवार्य रुपमा दिवापली गर्ने, कार्यालयमा राष्ट्रिय झण्डा फहराउने र ति कार्यहरुको अनुगमन जिल्ला प्रशासन कार्यालयबाट अनुगमन गर्ने निर्णय भएको छ ।

धादिङ जिल्ला खेलकुद विकास समिति धादिङ मार्फत असोज ३ गते खेलकुद कार्यक्रमको आयोजना गरिने भएको छ । यसै गरी जिल्लाका स्थानीय तहमा पनि संविधान दिवस मूल समारोह समिति गठन गरिएका छन । स्थानीय तहस्तरीय मुल समारोह समितिले पनि विभिन्न कार्यक्रमको आयोजना गरि संविधान दिवस मनाउने भएका छन् ।



धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो ।

२९ भाद्र २०७६, आईतवार ०७:११ मा प्रकाशित

समाचार

सबै

ब्रुसबाङका चेपाङलाई दशैंमा खाद्यान्न सहयोग

ब्रुसबाङ- दक्षिणी धादिङको विकटमा बसोबास गर्दै आएका अति विपन्न चेपाङ समुदायलाई खाद्यान्न सहयोग गरिएको छ । लायन्स क्लब नेपाल हाईलाईटको आयोजना मा धादिङको वेनिघाट रोराङ गाउँपालिका वडा नम्बर २ मा पर्ने.....

औषधिको राजा पिपलको पात

हाम्रो घर वरपर कतिपय प्राकृतिक बनस्पति उम्रिरहेका हुन्छन, तर चिन्न न सकेर व्यर्थ त्यसलाई नास पार्दै जान्छौ ।.....

कार्तिक १ देखि देशभरका सामुदायिक विद्यालयमा निःशुल्क स्यानिटरी प्याड

धादिङ। सरकारले आगामी १ कात्तिकदेखि देशैभरका सामुदायिक विद्यालयमा निःशुल्क स्यानिटरी प्याड उपलब्ध गराउने.....

खेस्टेखोलामा माइक्रो र मोटरसाइकल ठोक्किंदा रामकृष्ण भट्टको मृत्यु

धादिङ ,२४ असोज, । धादिङको गल्छी गाउँपालिका–७ मा पर्ने पृथ्वीराजमार्गको खेस्टेखोलामा माइक्रोबस र मोटरसाइकल एक.....

झुटो समाचार लेखाएर चरित्र हत्या गर्न खोजियो -सांसद लोहनी

धादिङ १८ असोज । धादिङ जिल्ला निर्वाचन क्षेत्र नम्बर २ का प्रतिनिधि सभा सदस्य एवम नेपाल कम्युनिष्ट पार्टी.....

Categories