कुसुण्डेमा सडक भासिएपछि टेलर फस्यो खाल्डोमा(फोटो फिचर)

367 पटक पढिएको

प्रकाशित मिति: १३ आश्विन २०७६, सोमबार १८:४९

सम्पादक: Dhading News

 

 

धादिङ- धादिङको नीलकण्ठ नगरपालिका वडा नम्बर ६ कुसुण्डेमा फेरी सडक भासिएको छ । धादिङबेंसी सुनौलबजार खाल्टे सडक खण्डमा पर्ने कुसुण्डेमा यस अघि पनि पटक पटक सडकमा सवारी आवागमन अवरूद्ध हुने गरि खाल्डा परेर सडक भासिने गरेको छ ।


केही वर्षदेखि यो ठाउँको सडक र आसपासमा जमिन भासिएर ठूलाठूला खाल्डा पर्ने गरेकोले नजिकको बस्ती समेत संकटमा पर्न थालेको स्थानीयको भनाई छ । केही महिना अघि पनि उक्त स्थानमा सडकमै खाल्डो भएर भासिन थालेपछि ढुंगा माटोले खाल्डा पुरेर सडक सञ्चालनमा ल्याइएको थियो।

सोमबार बिहान एक्कासी सडक भासिएर ठूलो खाल्डो बनेपछि धादिङबेंसीबाट ग्रामीण सडक मर्मतका लागि स्काभेटर बोकेर गएको टेलर सोही खाल्डोमा फसेको स्थानीयले बताएका छन् ।खाडलमा फसेको टेलरबाट स्काभेटर वाहिर झारेर सोही स्काभेटरको माध्यमबाट खाडलबाट तानिएको थियो ।

एउटै ठाउँमा पटक पटक खाल्डा भएर सडक भासिनेक्रम बढेपछि ३ नम्बर प्रदेश सभाका सांसद डाक्टर रामकुमार अधिकारी, नीलकण्ठ नगरपालिकाका उप प्रमुख मनराज भण्डारीले सोमबार नै सो स्थानको अनुगमन गरेका छन् ।

सडक भासिने र खाल्डा हुने मुख्य कारण पत्ता लगाउन बिशेषज्ञहरु ल्याउनु पर्ने देखिएकाले त्यस्का लागि आंफुले पहल गर्ने नीलकण्ठ नगरपालिकाका उपप्रमुख भण्डारीले धादिङ न्यूज संगको कुराकानीमा वताउनु भयो ।


सडक भासिने क्रम नियन्त्रण गर्ने उपायको खोजी नगरिए आंफुहरुको घर बस्तीनै संकटमा पर्र्ने गाउँलेहरुले वताएका छन् ।

  • तस्बिरहरु – नारायणकुमार श्रेष्ठको फेसबुकबाट


धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो ।

१३ आश्विन २०७६, सोमबार १८:४९ मा प्रकाशित

समाचार

सबै

प्रहरी उपरीक्षक राजकुमार बैदवारको धादिङबाट विदाई

धादिङ- गएको एघार महिना देखि जिल्ला प्रहरी कार्यालय धादिङको कार्यालय प्रमुखको रुपमा कार्यरत प्रहरी उपरिक्षक (एसपि)राजकुमार बैदवारलाई विहिबार धादिङबाट विदाई गरिएको छ । जिल्लामा कार्यरत रहँदा जिल्लाको.....

सुनखानीमा बोलेरो जिप दुर्घटना १२ जना घाईते

धादिङ, २६ मंसिर - सदरमुकाम धादिङबेसीबाट ज्वालामुखी गाउँपालिकाको ढोलातर्फ जाँदै गरेको बोलेरो जिप दुर्घटना भएको.....

नागढुङ्गा-सिस्नेखोला सुरुङमार्ग निर्माणको तयारी शुरु

 काठमाडौँ। काठमाडौँ भित्रने सहज मार्गका रुपमा हेरिएको नागढुङ्गा–सिस्नेखोला सुरुङमार्ग निर्माणको तयारी शुरु.....

साङकोष माविका शिक्षक नविन श्रेष्ठले किन थाम्न सकेनन आँसु ?

धादिङ– मेरो नाम नविन श्रेष्ठ हो । नीलकण्ठ नगरपालिका वडा नम्बर १२ मा रहेको साङकोष माविमा शिक्षक पदमा कार्यरत छु ।.....

बूढीगण्डकी प्रभावित आरुघाटबासीको आन्दोलन स्थगित

धादिङ, २२ मंसिर - प्रस्तावित १२ सय मेगावाटको बूढीगण्डकी जलबिद्युत्त आयोजनाको डुवान क्षेत्रमा पर्ने जग्गाको.....

Categories