धादिङका आठ सामुदायिक बिद्यालयमा आईटि ल्याव स्थापना हुंदै

461 पटक पढिएको

प्रकाशित मिति: ३ कार्तिक २०७६, आईतवार ०६:४५

सम्पादक: Dhading News

 

 

धादिङ,३ कात्तिक- सरकारले साढे ३ अर्ब रुपैयाँ खर्च गरेर धादिङका ८ सहित देशभरका १ हजार विद्यालयमा सामुदायिक सूचना प्रविधि प्रयोगशाला (आईटी ल्याब) स्थापना गर्ने भएको छ ।

नेपाल दूरसञ्चार प्राधिकरणको ग्रामीण दूरसञ्चार कोषबाट रकम खर्चिने गरी ७७ वटै जिल्लाका समुदायिक विद्यालयमा सरकारले आईटी ल्याब स्थापना कार्यक्रम सञ्चालन गर्न लागेको हो ।

परियोजना अन्तर्गत प्रत्येक विद्यालयमा विद्यार्थी संख्याको अनुपातमा १० देखि २४ ओटासम्म कम्प्युटर, दुई हार्ड डिस्क, प्रोजेक्टर, मल्टिफङ्सनल प्रिन्टर, साउन्ड सिस्टम, यूपीएस, चार थान ब्याट्री र नेटवर्किङ तथा इन्टरनेट सहितको आईटी ल्याब स्थापना गरिने छ । यसका लागि दूरसञ्चार प्राधिकरणले ३ अर्ब ६० करोड रुपैयाँ लागत अनुमान सहित २०७५ जेठ २ मा टेन्डर आह्वान गरेको थियो ।

कार्यविधि र मन्त्रालयको सिफारिसकै आधारमा आईटी ल्याब स्थापनाका लागि विद्यालयको छनौट गरिएको नेपाल दूरसञ्चार प्राधिकरणका प्रवक्ता मीनप्रसाद अर्यालको दाबी छ । ‘सुरुमा ७९२ विद्यालयमा आईटी ल्याब स्थापना गर्ने भनिएपनि पछि आएर मन्त्रालयको नीतिगत निर्णयबाट २ सय ८ विद्यालय थप गर्दै एक हजार विद्यालयमा आईटी ल्याब स्थापना गर्न लागिएको हो ।

जिल्लामा एउटा मात्रै प्रतिनिधि सभा निर्वाचन क्षेत्र भए ६ वटा र दुई वटा निर्वाचन क्षेत्र भएमा प्रति निर्वाचन क्षेत्र ४ वटाका दरले धादिङ जिल्लामा ८ वटा बिद्यालयमा आईटि ल्याव स्थापना हुन लागेको हो ।

धादिङ जिल्लामा आईटि ल्याव स्थापना हुन लागेका बिद्यालयहरुमा प्रतिनिधि सभा निर्वाचन क्षेत्र नम्बर १ बाट डोलभन्ज्याङ मावि गजुरी,शंखादेवी मावि वेनिघाटरोराङ,नलाङ पात्ले मावि सिद्धलेक र केवलपुर हरिहर भोजकुमारी मावि थांक्रे रहेका छनु । यसै गरी क्षेत्र नम्बर २ बाट निरन्जना मावि नेत्रावती डवजोङ, सल्यानटार मावि र महेन्द्रोदय मावि त्रिपुरासुन्दरीका साथै सालवास मावि ज्वालामुखी रहेका छन ।

सूचना प्रविधि प्रयोगशाला स्थापना तथा व्यवस्थापन कार्यविधि ,२०७५ को परिच्छेद ३ अनुसार सूचना प्रविधि प्रयोगशाला स्थापनाको मापदण्ड तोकिएको भएपनि काभ्रे जिल्लामा भने मापदण्ड विपरित ९७ वटा बिद्यालयमा आईटि ल्याव सिफारिश भएपछि अन्य जिल्लाले विरोध जनाएका छन । कार्यविधि अनुसार काभ्रे जिल्लामा ८ वटा बिद्यालयमात्रै सिफारिश हुने पर्ने थियो ।



धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो ।

३ कार्तिक २०७६, आईतवार ०६:४५ मा प्रकाशित

समाचार

सबै

प्रहरी उपरीक्षक राजकुमार बैदवारको धादिङबाट विदाई

धादिङ- गएको एघार महिना देखि जिल्ला प्रहरी कार्यालय धादिङको कार्यालय प्रमुखको रुपमा कार्यरत प्रहरी उपरिक्षक (एसपि)राजकुमार बैदवारलाई विहिबार धादिङबाट विदाई गरिएको छ । जिल्लामा कार्यरत रहँदा जिल्लाको.....

सुनखानीमा बोलेरो जिप दुर्घटना १२ जना घाईते

धादिङ, २६ मंसिर - सदरमुकाम धादिङबेसीबाट ज्वालामुखी गाउँपालिकाको ढोलातर्फ जाँदै गरेको बोलेरो जिप दुर्घटना भएको.....

नागढुङ्गा-सिस्नेखोला सुरुङमार्ग निर्माणको तयारी शुरु

 काठमाडौँ। काठमाडौँ भित्रने सहज मार्गका रुपमा हेरिएको नागढुङ्गा–सिस्नेखोला सुरुङमार्ग निर्माणको तयारी शुरु.....

साङकोष माविका शिक्षक नविन श्रेष्ठले किन थाम्न सकेनन आँसु ?

धादिङ– मेरो नाम नविन श्रेष्ठ हो । नीलकण्ठ नगरपालिका वडा नम्बर १२ मा रहेको साङकोष माविमा शिक्षक पदमा कार्यरत छु ।.....

बूढीगण्डकी प्रभावित आरुघाटबासीको आन्दोलन स्थगित

धादिङ, २२ मंसिर - प्रस्तावित १२ सय मेगावाटको बूढीगण्डकी जलबिद्युत्त आयोजनाको डुवान क्षेत्रमा पर्ने जग्गाको.....

Categories