धादिङमा राती ९ बजेपछि देउसीभैलो खेल्न नपाइने

594 पटक पढिएको

प्रकाशित मिति: ७ कार्तिक २०७६, बिहीबार ०६:४९

सम्पादक: Dhading News

 

 

धादिङ,७ कात्तिक – तिहारको अवसरमा रमाइलोका लागि खेलिने देउसीभैलोलाई व्यवस्थित र मर्यादत बनाउन राति ९ बजेसम्म मात्र खेल्न पाइने जिल्ला प्रशासन कार्यालय धादिङले जनाएको छ ।

९ बजेपछि देउसीभैलो खेलेमा वा पैसा तोकेर मागेमा कानुन अनुसार कानून वमोजिम कारबाही हुने प्रशासनले जानकारी दिएको छ । तिहारलाई मर्यादित र सांस्कृतिक पर्वको रुपमा मनाउन आग्रह गर्दै स्थानीय प्रशासनले जिल्ला भित्र कुनै प्रकारको पट्का लगायतका विष्फोटक पदार्थ उत्पादन, बिक्री वितरण र प्रयोग गरिएमा कानून बमोजिम कारवाही हुने जानकारी दिएको छ ।

धादिङका प्रमुख जिल्ला अधिकारी अस्मान तामाङले बुधवार एक सूचना जारी गर्दै देउसी भैलो खेल्ने बहानामा साँस्कृतिक मूल्य मान्यतामा आँच् आउन सक्ने कार्य नगर्न, देउसी भैलो जस्ता मनोरन्जनात्मक कार्य बेलुकी ९ वजे सम्म मात्र गर्न जिल्लावासीलाई आग्रह गर्नु भएको हो ।

तिहार नजिकिँदै जाँदा धादिङ जिल्ला सदरमुकाम धादिङबेसीका साथै जिल्लाभर प्रहरीले सुरक्षा व्यवस्थामा कडाइ गरेको छ । देउसीभैलो, जुवातास, पटकालगायत विभिन्न संवेदनशील विषयमा प्रहरीले नियमित गस्ति, छड्के चेकजाँच लगायतका कार्य गरेर नियन्त्रण शुरु गरेको हो

तिहारको अवसर पारेर सदरमुकाम र जिल्लाका अन्य वजारहरुमा बिक्रीका लागि पटकाजस्ता विस्फोटक पदार्थ भित्रिने भएकाले मुख्य राजमार्ग र ग्रामीण सडक र वजारहरुमा चेकजाँच टोली खटाइएको जिल्ला प्रहरी कार्यालय धादिङले जनाएको छ ।

त्यस्तै, तिहारमा जुवातास खेल्नेहरुलाई नियन्त्रणमा लिन नियमित गस्तिका साथै सादा पोशाकका प्रहरी समेत परिचालन गरिएको जिल्ला प्रहरी कार्यालय धादिङका एसपी राजकुमार वैदवारले जानकारी दिनुभयो ।
तिहारको समयमा भिडभाड बढी हुने व्यापारिक क्षेत्रमा पनि थप जनशक्ति परिचालन गरिएको वैदवारले बताउनुभयो ।

तिहारको समयमा मादक पदार्थ सेवन गरेर सवारी चलाउने र अन्य आपराधीक गतिविधि हुन नदिन प्रहरीले विशेष चेकप्वाइन्ट राख्ने जनाएको छ ।



धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो ।

७ कार्तिक २०७६, बिहीबार ०६:४९ मा प्रकाशित

समाचार

सबै

प्रहरी उपरीक्षक राजकुमार बैदवारको धादिङबाट विदाई

धादिङ- गएको एघार महिना देखि जिल्ला प्रहरी कार्यालय धादिङको कार्यालय प्रमुखको रुपमा कार्यरत प्रहरी उपरिक्षक (एसपि)राजकुमार बैदवारलाई विहिबार धादिङबाट विदाई गरिएको छ । जिल्लामा कार्यरत रहँदा जिल्लाको.....

सुनखानीमा बोलेरो जिप दुर्घटना १२ जना घाईते

धादिङ, २६ मंसिर - सदरमुकाम धादिङबेसीबाट ज्वालामुखी गाउँपालिकाको ढोलातर्फ जाँदै गरेको बोलेरो जिप दुर्घटना भएको.....

नागढुङ्गा-सिस्नेखोला सुरुङमार्ग निर्माणको तयारी शुरु

 काठमाडौँ। काठमाडौँ भित्रने सहज मार्गका रुपमा हेरिएको नागढुङ्गा–सिस्नेखोला सुरुङमार्ग निर्माणको तयारी शुरु.....

साङकोष माविका शिक्षक नविन श्रेष्ठले किन थाम्न सकेनन आँसु ?

धादिङ– मेरो नाम नविन श्रेष्ठ हो । नीलकण्ठ नगरपालिका वडा नम्बर १२ मा रहेको साङकोष माविमा शिक्षक पदमा कार्यरत छु ।.....

बूढीगण्डकी प्रभावित आरुघाटबासीको आन्दोलन स्थगित

धादिङ, २२ मंसिर - प्रस्तावित १२ सय मेगावाटको बूढीगण्डकी जलबिद्युत्त आयोजनाको डुवान क्षेत्रमा पर्ने जग्गाको.....

Categories