धादिङमा १०४ जनामा स्क्रब टाइफसको संक्रमण

496 पटक पढिएको

प्रकाशित मिति: २५ कार्तिक २०७६, सोमबार ०६:३९

सम्पादक: Dhading News

 

 

धादिङ-प्रदेश नम्बर ३ का १३ जिल्ला मध्ये धादिङ जिल्लामा स्क्रब टाइफसबाट संक्रमण हुनेको संख्या सबै भन्दा धेरै देखिएको छ । कीटजन्य रोग व्यवस्थापन गर्ने इपिडिमियोलोजी तथा रोग नियन्त्रण महाशाखाले दिएको जानकारी अनुसार साउन १ गते देखि कात्तिक १७ गते सम्ममा देशका ६३ जिल्लामा १ हजार २ सय ७१ जनामा स्क्रब टाइफस देखिएको छ भने प्रदेश ३ मा ३ सय ७८ जनामा संक्रमण देखिएकोमा धादिङ जिल्लाका मात्रै १०४ जना रहेका छन् ।

महाशाखाका अनुसार प्रदेश नम्बर ३ को १३ जिल्ला मध्ये सबै भन्दा धेरै धादिङ जिल्लामा स्क्रब टाइफसको संक्रमण देखिएको छ भने रसुवा र रामेछापमा संक्रमणको संख्या शुन्य रहेको छ । प्रदेश नम्बर ३ को धादिङमा १०४,काठमाण्डौंमा ८३, चितवनमा ६७,ललितपुरमा ३१,काभ्रेपलाञ्चोकमा २७,मकवानपुरमा २५, नुवाकोटमा १६,सिन्धुली ८ ,सिन्धुपाल्चोक र भक्तपुरमा ७/७ र दोलखामा ३ जनामा स्क्रब टाईपसको संक्रमण देखिएको छ ।

देशभरीमा सबैभन्दा बढी प्रदेश ५ मा ४ सय ६७ जनामा स्क्रब टाइफसको संक्रमण देखिएको छ भने सबैभन्दा कम कर्णाली प्रदेशमा १६ जना रहेका छन् ।

स्क्रब टाइफस संक्रमण हुनेमा सुदूरपश्चिम प्रदेशमा २ सय ५५, गण्डकी प्रदेशमा ७६, प्रदेश १ मा ५७ र प्रदेश २ मा २२ जना छन् ।

चिकित्सकहरका अनुसार स्क्रब टाइफस माइट नामक जीवाणुबाट संक्रमण हुन्छ । माइट जीवाणु खेतबारी, वनजंगल, चउर र घरवरिवरि झाडी भएका ठाउँमा पाइन्छ । यसबाट जोगिन खेतबारीमा काम गर्दा वा झाडी र जंगलमा जाँदा शरीर ढाक्ने कपडा लगाउनुपर्ने शुक्रराज ट्रपिकल तथा सरुवा रोग विशेषज्ञ शेरबहादुर पुनको सुझाब छ । पुनका अनुसार चौर वा बारीमा बस्दा गुन्द्री ओछ्याएर बस्ने, सकेसम्म भुइँमा नबस्ने, मुसा नियन्त्रणका लागि उपयुक्त अन्न भण्डारण गर्ने गर्नुपर्छ ।

सो रोग उत्पन्न गर्ने ब्याक्टेरिया सङ्क्रमित मुसाको पेटभित्रका प्वालहरूमा बस्छ । मुसाको टोकाइबाट बच्नु नै यो रोगबाट बच्ने मुख्य उपाय हो । खेतबारीमा काम गर्न जाँदा पूरा बाहुला भएको कपडा लगाउनुपर्छ । खुला चौरमा सुत्नु हुँदैन । रोगको पहिचान बिरामीमा देखिएको लक्षण, सुक्ष्म कीराले टोकेको चिनोबाट हुने गर्दछ । विसं २०७२ वैशाखमा विनाशकारी भूकम्पपछि बढी मात्रमा मुसा देखिन थालेका र मुसाको टोकाइबाट रोगको संक्रमण बढेको महाशाखाले जनाएको छ ।

अचानक उच्च ज्वरो आउने, टाउको दुख्ने, शरीरमा बिमिरा देखिने, आँखा रातो हुने, खोकी लाग्ने, ग्रन्थी सुन्निने, सास फेर्न गाह्रो हुने जस्ता लक्षण देखिनेबित्तिकै उपचार गर्नुपर्ने चिकित्सकहरु बताउँछन् ।

समयमै उपचार नगरे मिर्गौला, फोक्सो, मुटुमा असर हुँदै श्वासप्रश्वासमा समस्या भई बिरामीको मृत्यु समेत हुन सक्ने चिकित्सकहरुको भनाई छ ।

अघिल्ला तीन वर्षमा सोही रोगका कारण देशभरमा१६ जनाले अकालमा ज्यान गुमाएका थिए । जेठ महीनाको अन्तिमदेखि कात्तिक महीनाभर रोगको उच्च जोखिम मानिन्छ । सन् २०१६ मा ४८ र सन् २०१८ मा ५६ जिल्लामा यो रोग देखापरेको थियो ।

महाशाखाका अनुसार सन् २०१७ मा ६७० संक्रमित भई नौ, सन् २०१८ मा एक हजार ९८ मा संक्रमित भई चार जनाको मृत्यु भएको थियो ।



धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो ।

२५ कार्तिक २०७६, सोमबार ०६:३९ मा प्रकाशित

समाचार

सबै

प्रहरी उपरीक्षक राजकुमार बैदवारको धादिङबाट विदाई

धादिङ- गएको एघार महिना देखि जिल्ला प्रहरी कार्यालय धादिङको कार्यालय प्रमुखको रुपमा कार्यरत प्रहरी उपरिक्षक (एसपि)राजकुमार बैदवारलाई विहिबार धादिङबाट विदाई गरिएको छ । जिल्लामा कार्यरत रहँदा जिल्लाको.....

सुनखानीमा बोलेरो जिप दुर्घटना १२ जना घाईते

धादिङ, २६ मंसिर - सदरमुकाम धादिङबेसीबाट ज्वालामुखी गाउँपालिकाको ढोलातर्फ जाँदै गरेको बोलेरो जिप दुर्घटना भएको.....

नागढुङ्गा-सिस्नेखोला सुरुङमार्ग निर्माणको तयारी शुरु

 काठमाडौँ। काठमाडौँ भित्रने सहज मार्गका रुपमा हेरिएको नागढुङ्गा–सिस्नेखोला सुरुङमार्ग निर्माणको तयारी शुरु.....

साङकोष माविका शिक्षक नविन श्रेष्ठले किन थाम्न सकेनन आँसु ?

धादिङ– मेरो नाम नविन श्रेष्ठ हो । नीलकण्ठ नगरपालिका वडा नम्बर १२ मा रहेको साङकोष माविमा शिक्षक पदमा कार्यरत छु ।.....

बूढीगण्डकी प्रभावित आरुघाटबासीको आन्दोलन स्थगित

धादिङ, २२ मंसिर - प्रस्तावित १२ सय मेगावाटको बूढीगण्डकी जलबिद्युत्त आयोजनाको डुवान क्षेत्रमा पर्ने जग्गाको.....

Categories