ज्यान मुद्दामा फरार दार्खाका दुई जना १७ बर्ष पछि पक्राउ

501 पटक पढिएको

प्रकाशित मिति: २५ कार्तिक २०७६, सोमबार २०:२०

सम्पादक: Dhading News

अदालतबाट कैद फैसलाको सजायँ पाएर पनि फरार रहँदै आएका अभियुक्तको खोजीलाई अभियानको रुपमा सञ्चालन गरिरहेको धादिङ प्रहरीले कर्तव्य ज्यान मुद्दामा फरार भएका धादिङका २ जना अभियुक्तलाई १७ बर्ष पछि पक्राउ गरेको छ ।

भारतीय सेनामा कार्यरत जिल्लाको खनियाबास गाउँपालिका वडा नम्बर ३ दार्खाका पर्शुराम तामाङ दशैं तिहार मनाउन घर विदामा आएको बेला २०५९ साल कात्तिक २९ गते सांझ ५.३० वजेको समयमा  गोम लामा तामाङ र सुकलामा तामाङलगायतले हत्या गरेको आरोपमा कर्तव्य ज्यान मुद्धामा कारवाही गर्न प्रहरीमा जाहेरी परेपछि उनिहरु फरार रहँदै आएका थिए । १७ बर्ष देखि फरार रहेका उनिहरुलाई  केन्द्रीय अनुसन्धान ब्युरो (सिआइबि)ले पक्राउ गरेको हो ।

काठमाडौँमा लुकिछिपी बसिरहेको सूचनाको आधारमा धादिङ प्रहरीको आग्रहमा प्रहरीको केन्द्रीय अनुसन्धान ब्युरोले उनीहरुलाई आईतबार काठमाण्डौंबाट पक्राउ गर्न सफल भएको जिल्ला प्रहरी कार्यालय धादिङले जनाएको छ ।

जिल्ला प्रहरी कार्यालय धादिङले सोमबार पत्रकार सम्मेलन गरी पक्राउ परेका अभियुक्तहरुलाई सार्वजनिक गरेको हो । उक्त घटनामा संलग्न भनिएका अन्य ४ जना अझै अभियुक्त फरार रहेको प्रहरीले जनाएको छ । अभियुक्तहरुले तामाङलाई घाइते बनाएपछि स्थानीय स्वास्थ्य चौकीमा उपचारको क्रममा उनको मृत्यु भएको थियो । मृतक पर्शुरामकी श्रीमती छन्दर तामाङको जाहेरीका आधारमा प्रहरीले अभियुक्तहरु पक्राउ गरेको जिल्ला प्रहरी कार्यालय धादिङका प्रहरी उपरिक्षक राजकुमार बैदवारले वताउनु भयो ।



धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो ।

२५ कार्तिक २०७६, सोमबार २०:२० मा प्रकाशित

समाचार

सबै

‘प्रत्येक पालिकमा एउटा आयुर्वेद औषधालय हुनुपर्छ’

धादिङका प्रत्येक स्थानीय तहमा कम्तिमा एउटा आयुर्वेद औषधालय स्थापना गर्न सरोकारवालाहरुले सुझाव दिएका छन् । जिल्ला आयुर्वेद स्वास्थ्य केन्द्र धादिङले विहीवार धादिङबेसीमा आयोजना गरेको जनप्रतिनिधि तथा.....

पहिरोले पाइप बगाएपछि छुम्राङ गाउँमा खानेपानी संकट

रुबीभ्याली (धादिङ ) -  पहिरोले खानेपानीको पाइप बगाएपछि धादिङको रुबीभ्याली गाउँपालिका ५ छुम्राङ गाउँमा पानीको.....

प्रधानमन्त्री केपी शर्मा ओलीको पक्षमा धादिङबेसीमा प्रदर्शन

धादिङबेसी–प्रधानमन्त्री केपी शर्मा ओलीको पक्षमा बुधबार सदरमुकाम धादिङबेसीमा प्रदर्शन भएको छ । प्रधानमन्त्री.....

ग्लोवल आईएमई बैकबाट गल्छी गाउँपालिकालाई सहयोग

धादिङ, २३ असार ः ग्लोबल आइएमई बैंक गल्छी शाखाले कोरोना भाईरस विरुद्धको अभियानमा गल्छी गाउँपालिकालाई सहयोग गरेको.....

कोरोना भाइरसबाट विदेशमा रहेका १४३ जना नेपालीको मृत्यु

धादिङ ।संसारभर महामारीको रुपमा फैलिरहेको कोरोना भाइरसको सङ्क्रमणबाट विदेशमा रहेका १४३ जना नेपालीको मृत्यु.....

Categories