कोरोनाको सन्त्रासले सुदूरपश्चिममा उच्च सतकर्ता

180 पटक पढिएको

प्रकाशित मिति: २३ चैत्र २०७६, आईतवार १२:५६

सम्पादक: धादिङ न्यूज

डडेल्धुरा: सुदूरपश्चिममा नेपालकै सबैभन्दा बढी कोरोना भाइरस (कोभिड–१९) पोजेटिभ देखिएको पुष्टि भएपछि यस क्षेत्रमा उच्च सतकर्ता अपनाउन थालिएको छ।

यससंगै डडेल्धुराको गन्यापधुरा गाउँपालिकाले एक गाउँबाट अर्को गाउँमा जान पूर्णरूपमा रोक लगाउने निर्णय गरेको छ।

गन्यापधुरा गाउँपालिकाको शनिबार सम्पन्न आकस्मिक बैठकले गाउँपालिकाका हरेक गाउँ शिल गर्नुका साथै भारतबाट घर फर्किएकाहरूको उच्च निगरानी गर्ने निर्णय गरेको गाँउपालिका अध्यक्ष नवलबहादुर मल्लले जानकारी दिए।

गाउँपालिकाले कोरोनाको संक्रमणबाट बच्न र बचाउनका लागि गाँउपालिका भित्रका एक गाँउबाट अर्को गाउमा जान रोक लगाएको हो।

शनिबार सुदुरश्चिममा एकैसाथ तीनजनामा कोरोना भाइरस (कोभिड–१९) पोजेटिभ देखिएको पुष्टि भएपछि गाँउपालिकाले सजकता अपनाएको अध्यक्ष मल्लले जानकारी दिए।

कैलालीका कोरोना संक्रमति युवक चैत ११ गते गौरीफन्टा नाकाबाट नेपाल भित्रिएको बुझिएसंगै सर्तकता अपनाइएको अध्यक्ष मल्लले बताए। सोही दिन डडेल्धुरा जिल्लाको गन्यापधुरा गाँउपालिकामा ३० जना युवाहरु भित्रीएका र अहिले सबै घर घरमै बसिरहेकाले सबैलाई सुरक्षित रूपमा बस्न गन्यापधुरा गाउँपालिकाले आग्रह गरेको छ।

सोही दिन गौरीफन्टा नाकाबाट ती युवकसँगै फर्किएका विभिन्न जिल्लाका ९ सय ९९ जनामध्ये अधिकांश अहिले घरमा रहेका र केही व्यक्ति मात्रै क्वारेन्टाइनमा बसेकाले उच्च सर्तकता अपनाउन थालिएको हो।

शनिबार कैलालीमा एक महिला र एक पुरुष गरी दुई जना र कञ्चनपुरमा एकजना पुरुषमा कोरोना भाइरस (कोभिड–१९) पुष्टि भएको हो।

उनीहरू मध्ये दुईजना भारतबाट आएका व्यक्ति हुन भने एकजना सातौँ संक्रमित धनगढीका चौथो संक्रमित ३४ वर्षीय युवाकी भाउजू हुन्।

नेपालमै पहिलो एकजनामा स्थानीय संक्रमण देखिएपछि यहाँका सबै क्षेत्रमा उच्च सर्तकता अपनाइएको हो।

यसले कोरोनाको संक्रमण बढ्ने भन्दै यहाँका हरेक स्थानीय तह र स्थानीय प्रशासन उच्च सर्तक रहेको जनाइएको छ।



धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो ।

२३ चैत्र २०७६, आईतवार १२:५६ मा प्रकाशित

समाचार

सबै

रोकिराखेको ट्रकमा हायस ठोक्किंदा १२ जनाको ज्यान गयो

  बाँके जिल्लाको ठुरिया जंगल स्थित प्रूर्व पश्चिम राजमार्गमा मध्यराति भएको सवारी दुर्घटनामा परि १२ जनाको ज्यान गएको छ । २१ जना घाइते भएका छन् । भारतबाट फर्केका मानिसहरुलाई लिएर नेपालगञ्जबाट दाङ तर्फ.....

कोरोनाबाट विश्वभर १२८ नेपालीको मृत्यु

विश्वभर महामारीका रुपमा फैलिएको कोरोना भाइरस (कोभिड–१९) संक्रमणका कारण शनिवार (३० मे २०२०) साँझसम्म नेपाल बाहिर.....

सुकौराको विकासको लागि के गर्ने ?

मेरो सुकौरा आर्थिक वर्ष २०७७÷७८ को लागि त्रिपुरासुन्दरी गाउँपालिकाले समानीकरण अनुदानमाफर्त १३ करोड ८ लाख,.....

धादिङका स्थानीय तहले ४ अर्ब ३७ करोड बढी बजेट अनुदान पाउने

धादिङ- संघीय सरकारबाट धादिङका १३ स्थानीय तहले ४ अर्ब ३७ करोड बढी बजेट अनुदान पाउने भएको छ । आर्थिक वर्ष २०७७/७८ का.....

भारतबाट नेपाली ल्याउन २० नाका खोलिंदै

काठमाण्डौ । कोरोना संक्रमणले महामारीको रुप लिन थालेपछि वन्द हुन पुगेको नेपाल भारत सिमा नाका खुकुलो पारेर.....

Categories