गल्छीमा क्वारेन्टाईनमा बसेका १७ जना खुसी हुँदै घर फर्किए

231 पटक पढिएको

प्रकाशित मिति: २५ चैत्र २०७६, मंगलवार १०:१६

सम्पादक: धादिङ न्यूज

धादिङ, २५ चैत – धादिङको गल्छी गाउँपालिकाको क्वारेन्टाईनमा बस्दै आएका १७ जना दुई साताको क्वारेन्टाईन बसाई सकेर मंगलबार विहानबाट खुसी साथ आ–आफ्नो घर फर्किएका छन । मजदुरीका लागि भारत गएका उनिहरु भारतमा कोरोना संक्रमण फैलन थालेपछि चैत महिना शुरु भएपछि आफ्नो गाउँ फर्किएका थिए ।

गाउँपालिकाले वागेश्वरी माध्यमिक विद्यालयमा बनाएको क्वारेन्टाईनमा बसेका २० जना मध्ये १७ जना १४ दिनको स्वास्थ्य निगरानीपछि मंंगलबार विहानबाट घर फर्किएको गाउँपालिकाको स्वास्थ्य शाखाका उपप्रमुख शिव पौडेलले वताउनुभयो । दुई जना चैत १८ गते नै घर फर्किसकेका छन भने अब एक जना मात्र क्वारेन्टाइनमा रहेको पनि पौडेलले जानकारी दिनुभयो ।

सरकारले भारतबाट आएका सबै व्यक्तिलाई क्वारेन्टाइमा राख्न निर्देशन दिएपछि दुई साता अघि उनिहरुलाई क्वारेन्टाइनमा ल्याई राखिएको थियो । गल्छी गाउँपालिकामा चैत महिना लागेपछि भारत लगायत विभिन्न देशबाट ८३ जना व्यक्ति गाउँ फर्किएको गाउँपालिकाले जनाएको छ । विदेशबाट आएका मध्ये भारतबाट ७५ जना, युएईबाट ४ जना, कोरिया,कतार,मलेसिया, बंगलादेशबाट १÷१ जना रहेका छन । अन्य मुलुकबाट भन्दा भारत बाट आउनेहरुको संख्या धेरै रहेको र भारतमा संक्रमण देखिएपछि समूहमा गाउँ फर्किएकहरुलाई दुई साता क्वारेन्टाईनमा राखिएको गाउँपालिका उपाध्यक्ष राधा तिमिल्सिनाले वताउनु भयो ।

भारतबाट आएका ७५ मध्ये २० जनालाई गाउँपालिकाको क्वारेन्टाईनमा राखिएको थियो भने बाँकीलाई घरमै सुरक्षित बस्न निर्देशन दिईएको थियो । क्वारेन्टाइनमा रहेकाहरु कसैलाई पनि कोराना सँग मिल्दो मात्रै होइन अरु स्वास्थ्य समस्या पनि नदेखिएको उनिहरुको नियमित स्वास्थ्य जाँचमा खटिएका स्वास्थ्यकर्मीहरुले वताएका छन ।

दुई साताको बसाई पछि घर फर्किएकाहरुले आंफुहरुलाई शुरुमा नरमाईलो लागेपनि कुनै स्वास्थ्य समस्या बिना घर फर्कन पाएकोमा खुसी व्यक्त गरेका छन । ‘आँखाले नदेख्ने रोगले भेटेको भए न हामी रहन्थ्यौं, नत घर परिवारनै । धन्न हामीलाई कुनै समस्या देखिएन यहिनै खुसीको कुरा भो’ क्वारेन्टाईनको बसाईबाट घर फर्कदै गर्दा उनिहरुले वताए ।

मंगलबार क्वारेनटाइनबाट घर फर्किएकाहरुमा गल्छी गाउँपालिका वडा नम्बर ८ का १६ जना र वडा नम्बर २ का एक जना रहेका छन । उनिहरुलाई गाउँपालिकाले आफन्तको जिम्मा लगाएर घर पठाएको हो । घर फर्काउनु अघि गाउँपालिका अध्यक्ष कृष्णहरि श्रेष्ठ, उपाध्यक्ष राधा तिमिल्सिना, स्वास्थ्य संयोजक रामप्रसाद ज्ञवाली लगायतले संसारभरी फैलिएको कोरोना महामारीबाट बच्नु भनेको आँफु सुरक्षित हुनु हो । क्वारेन्टाइनमा राख्दा कुनै समस्या नदेखिएपनि अब घर फर्किएर अझै सुरक्षित बसिदिन आग्रह गरेका थिए ।



धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो ।

२५ चैत्र २०७६, मंगलवार १०:१६ मा प्रकाशित

समाचार

सबै

रोकिराखेको ट्रकमा हायस ठोक्किंदा १२ जनाको ज्यान गयो

  बाँके जिल्लाको ठुरिया जंगल स्थित प्रूर्व पश्चिम राजमार्गमा मध्यराति भएको सवारी दुर्घटनामा परि १२ जनाको ज्यान गएको छ । २१ जना घाइते भएका छन् । भारतबाट फर्केका मानिसहरुलाई लिएर नेपालगञ्जबाट दाङ तर्फ.....

कोरोनाबाट विश्वभर १२८ नेपालीको मृत्यु

विश्वभर महामारीका रुपमा फैलिएको कोरोना भाइरस (कोभिड–१९) संक्रमणका कारण शनिवार (३० मे २०२०) साँझसम्म नेपाल बाहिर.....

सुकौराको विकासको लागि के गर्ने ?

मेरो सुकौरा आर्थिक वर्ष २०७७÷७८ को लागि त्रिपुरासुन्दरी गाउँपालिकाले समानीकरण अनुदानमाफर्त १३ करोड ८ लाख,.....

धादिङका स्थानीय तहले ४ अर्ब ३७ करोड बढी बजेट अनुदान पाउने

धादिङ- संघीय सरकारबाट धादिङका १३ स्थानीय तहले ४ अर्ब ३७ करोड बढी बजेट अनुदान पाउने भएको छ । आर्थिक वर्ष २०७७/७८ का.....

भारतबाट नेपाली ल्याउन २० नाका खोलिंदै

काठमाण्डौ । कोरोना संक्रमणले महामारीको रुप लिन थालेपछि वन्द हुन पुगेको नेपाल भारत सिमा नाका खुकुलो पारेर.....

Categories