असिना पानीले फलफूल र तरकारीमा क्षति

667 पटक पढिएको

प्रकाशित मिति: ६ बैशाख २०७७, शनिबार २१:५१

सम्पादक: धादिङ न्यूज

धादिङ । धादिङ जिल्लाका मध्य र उत्तरी भेगका अधिकांश भूभागमा शनिबार परेको असिना पानीले हिउँदे बाली तरकारी र फलफूल नष्ट गरेको छ । शनिबार बेलुकीपख परेको असिना पानीले बेमौसमी तरकारी तथा फलफूललगायतका बालीमा क्षति पुगेको हो ।

धादिङ जिल्लाको उत्तरी भेगमा पर्ने रुवीभ्याली गंगाजमुना, खनियाबास, नेत्रावती डबजङ, त्रिपुरासुन्दरी गाउँपालिकाका साथै मध्य क्षेत्रको नीलकण्ठ नगरपालिकाको विभिन्न भागमा शनिबार असिना र पानी परेको स्थानीयले वताएका छन् । असिना पानीले तरकारीबालीका साथै फूल खेलिरहेका फलफूल नष्ट भएको किसानले जानकारी दिएका छन् ।

पानी र ठूला ठूला दानासहित परेको असिनाले जिल्लाका विभिन्न भागमा तरकारी फलफूलमा लाखौँको क्षति पु¥याएको गंगाजमुना गाउपालिकाको बुढाथुमबाट किरण श्रेष्ठले जानकारी दिनुभयो ।

दिउँसोबाट एकाएक मौसम बदली भई साँझपख असिना पानीसहित हुरीले जनजीवन अस्तव्यस्त पारेको हो । असिना पानीले बर्सेनि हिउँदे बाली तरकारी तथा फलफूलमा ठूलो क्षति पु¥याउने गरेको छ । तरकारी तथा फलफूलमा क्षति पुगे पनि मकैवाली छर्ने तयारीमा रहेका किसानहरुले भने जमिन मलिलो हुने भन्दै खुसी व्यक्त गरेका छन् ।

यसैगरी, जिल्लाको दक्षिणी भेगका धेरैजसो ठाउँका साथै चितवनको राप्ती नगरपालिकाको गाउँबस्तीमा पनि असिना परेको स्थानीयले जानकारी दिएका छन् ।

फोटो  :  किरण श्रेष्ठ



धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो ।

६ बैशाख २०७७, शनिबार २१:५१ मा प्रकाशित

समाचार

सबै

रोकिराखेको ट्रकमा हायस ठोक्किंदा १२ जनाको ज्यान गयो

  बाँके जिल्लाको ठुरिया जंगल स्थित प्रूर्व पश्चिम राजमार्गमा मध्यराति भएको सवारी दुर्घटनामा परि १२ जनाको ज्यान गएको छ । २१ जना घाइते भएका छन् । भारतबाट फर्केका मानिसहरुलाई लिएर नेपालगञ्जबाट दाङ तर्फ.....

कोरोनाबाट विश्वभर १२८ नेपालीको मृत्यु

विश्वभर महामारीका रुपमा फैलिएको कोरोना भाइरस (कोभिड–१९) संक्रमणका कारण शनिवार (३० मे २०२०) साँझसम्म नेपाल बाहिर.....

सुकौराको विकासको लागि के गर्ने ?

मेरो सुकौरा आर्थिक वर्ष २०७७÷७८ को लागि त्रिपुरासुन्दरी गाउँपालिकाले समानीकरण अनुदानमाफर्त १३ करोड ८ लाख,.....

धादिङका स्थानीय तहले ४ अर्ब ३७ करोड बढी बजेट अनुदान पाउने

धादिङ- संघीय सरकारबाट धादिङका १३ स्थानीय तहले ४ अर्ब ३७ करोड बढी बजेट अनुदान पाउने भएको छ । आर्थिक वर्ष २०७७/७८ का.....

भारतबाट नेपाली ल्याउन २० नाका खोलिंदै

काठमाण्डौ । कोरोना संक्रमणले महामारीको रुप लिन थालेपछि वन्द हुन पुगेको नेपाल भारत सिमा नाका खुकुलो पारेर.....

Categories