लापा जोडियो सडक सञ्जालमा,गाउँमा पुग्यो मोटर

839 पटक पढिएको

प्रकाशित मिति: १३ बैशाख २०७७, शनिबार ११:१४

सम्पादक: Dhading News

रुवीभ्याली- कहाली लाग्दो भिर अनि चट्टानका गगनचुम्बी पहाडहरु छिचोल्दै निर्माण थालिएको ३० बर्ष वर्षपछि रुवीभ्यालीको लापामा मोटर पुगेको छ  ।

 सदरमुकाम धादिङबेसीबाट जिल्लाको विकट उत्तरी भेगको मूख्य गाउँबस्तीसम्म मोटर पुर्‍याउने लक्ष्यका साथ सडक निर्माण शुरु भएको ३० बर्ष बर्षपछि रुवीभ्याली गाउँपालिकाको वडा नम्बर ५ लापामा मोटर पुगेको हो ।

धादिङको उत्तरी भेगमा पर्ने रुविभ्याली गाउँपालिकाको लापामा शुक्रबार निर्माण कार्यमा रहेको डोजरका लागि इन्धन बोकेर मोटर लापा पुगेको हो। लापाको ठूलोगाउँसम्म पुर्‍याउने योजनाअनुसार निर्माण भइरहेको सडकबाट अहिले लापासम्म मोटर पुगेको हो। रुवीभ्याली गाउँपालिकामा पर्ने साविकको लापा गाविसमा अहिलेसम्म सडक सञ्जालले छोएको थिएन।

विश्वमा महमारीको रुपमा फैलिईरहेको कोरोना भाइरसको संक्रमणबाट बच्न मुलुकमा लकडाउन जारी रहेकै बेला कामदारको सुरक्षाका निम्ति सर्तकताका अपनाउँदै वोराङ बतासेडाँडाबाट लापा ठूलो गाउँ जोड्ने सडक विस्तारको काम जारी राखिएको रुवीभ्याली गाउँपालिकाले जनाएको छ । वर्खा लाग्नासाथ त्यहाँबाट मेशिन फर्काउन समस्या हुने भएकाले अहिले सडक निर्माण कार्य जारी राख्नु परेको बताइएको छ।

सडक सुविधा नभएका कारण भीरपाखा र उकालोओरालो हुँदै उत्तरी धादिङका स्थानीय वर्षौंदेखि कष्टका साथ सदरमुकाम आउजाउ गर्दै आइरहेका छन । मोटरबाटोले नछोएका कारण लापाका गाउँबस्तीमा खाद्यान्न पुर्‍याउन खच्चडको भर पर्नुपर्ने, नत्र आफैंले बोकेर पुर्‍याउनुपर्ने बाध्यता थियो, अब त्यो बाध्यता नरहने स्थानीय सामाजिक कार्यकर्ता सुकलामा तामाङले बताउनु भयो ।

विकास र अवसरबाट टाढा पारिएको धादिङको उत्तरी भेगाका लापा, तिप्लिङ, सेर्तुङका गाउँबस्तीसम्म सडक पुर्‍याउने लक्ष्यका साथ अहिले निर्माणका कार्य भइरहेको छ । लापामा मोटर पुगेपछि जिल्लाको १३ वटै स्थानीय तह अब मोटरबाटोबाट जोडिन पुगेको तामाङ बताउनुहुन्छ ।


जिल्लाकै सबैभन्दा विकटको वासिन्दा भएका कारण लापाका नागरिक शिक्षा, स्वास्थ्य जस्ता आधारभूत अधिकार पाउनबाट पनि बञ्चित रहँदै आएका थिए। बिरामी पर्दा अस्पताल पुर्‍याउने बाटोसमेत थिएन, अब केही सुविधा पुग्ने आशा पलाएको छ,ु स्वास्थ्यकर्मी समेत रहनु भएका नेपाल कम्युनिष्ट पार्टी ( नेकपा) रुवीभ्याली गाउँपालिका कमिटीका पुरन तामाङले बताउनु भयो ।

सडक सञ्जालले नछोएको लापाको अति विकटको गाउँबस्तीसम्म मोटर पुर्‍याउने लक्ष्यका साथ बोराङको बतासे डाँडासम्म सडक निमार्णको काम यसअघि नै भएको थियो। अहिले बतासे डाँडाबाट लापा ठूलो गाउँसम्म जोड्ने गरी रुबीभ्याली गाउँपालिकाको ५० लाख र वागमती प्रदेश सरकारको ४० लाख गरि ९० लाख रुपैयाँको लागतमा काम भइरहेको तामाङले बताउनु भयो ।

जिल्लाका उत्तरी भेगका बस्तीसम्म मोटर वाटो विस्तार गर्ने लक्ष्यका साथ सदरमुकाम धादिङवेशीबाट साङ्गकोष हुंदै तिप्लिङ जोड्ने सडकको निर्माण कार्यको सुरुवात २०४७ सालबाट सुरु भए भएपनि लापामा सडक सञ्जाल भने पुगेको थिएन। धादिङवेशी-साङ्गकोष-तिप्लिङ सडक नाम दिइएको उत्तरी धादिङ जोड्ने सडक निमार्णकार्यका नाममा बर्षेनी करोडौं रुपैयाँ लगानी भइरहेपनि वर्षा याम लागेपछि मोटर गुड्न नसक्दा यहाँका वासिन्दाले निकै सास्ती खेप्नु परेकोमा अब भने त्यो समस्या नआउने लापाका राजनीतिक कार्यकर्ता दिनेश तामाङ बताउनुहुन्छ ।

साविकको पाँचवटा गाविस तिप्लिङ, सेर्तुङ, लापा, रिगाउँ र झार्लाङसम्म मोटरबाटो नजोडिएका कारण सदरमुकामबाट गएका सवारीसाधन दार्खाको डुण्डुरेखोलासम्म पुगेर रोकिने गर्दथे। डुण्डुरेमा पुल नबनेकै कारण उत्तरी धादिङको रुबिभ्याली गाउँपालिकाअन्तर्गत पर्ने साविकको तिप्लिङ, सेर्तुङ, लापा र खनियाबास गाउँपालिकाअन्तर्गत पर्ने झार्लाङ जिल्ला सदरमुकामसँग सडक सञ्जालमा जोडिएको थिएन। सेर्तुङको बोराङसम्म सडक खनिएपनि डुन्डुरे खोलामा पुल नहुँदा सवारीसाधन खोलावारि नै रोकिने गरेका थिए। यात्रुवाहक जिप र बसले यात्रुलाई डुन्डुरेसम्म मात्रै पुर्‍याउने गरेका थिए। निर्माण सामग्री तथा दैनिक उपभोग्य सामान पनि डुन्डेरे खोलासम्म मात्र पुर्‍याउने गरिएको थियो।

आधारभूत आवश्यकताबाटै वञ्चित हुनुपरेको स्थानीयको वषौंदेखिको माग र पहलपछि स्थानीय सडक पुल कार्यक्रम (एलआरबिपी) ले डुन्डुरे खोलामा पाई आकारको स्ट्रिल ट्रस्ट ब्रिज बनाउन शुरु गरेको छ। आरजे कन्स्ट्रक्सन जेभि हिम्दुङ एन्ड थोकर कम्पनीले ठेक्का पाएको पुल एक वर्ष अघिनै बनाइसक्नुपर्ने सम्झौता भए पनि भौगोलिक अवस्थाका कारण निर्माण सामाग्री ढुवानीमा समस्या, डिजाइनमा सुधार गर्नुपरेका जस्ता कारणले पुल निर्माणमा केही समय ढिलाइ भएको पुलका साइड इन्चार्ज रामसिंह तामाङले बताउनुभयो।

यसैगरी जिल्लाको उत्तरी भेगलाई सदरमुकामसँग मोटर सञ्जाल जोड्न त्रिपुरासुन्दरी गाउँपालिकाको लपाङफेदीमा पनि पक्की पुल निर्माण कार्य भइरहेको छ। राष्ट्रिय पुनर्निर्माण प्राधिकरणको आर्थिक सहयोगमा सो पुल निर्माण हुन लागेको हो। प्राधिकरणको जिल्ला आयोजना कार्यान्वयन इकाई (अनुदान व्यवस्थापन तथा स्थानीय पुर्वाधार) मार्फत खर्च गर्ने गरी निर्माण भइरहेको पुलको लागत पाँच करोड ५४ लाख ५० हजार रुपैयाँ रहेको छ। पुल निर्माणको ठेक्का रसुवा कन्ट्रक्शन जेभि एनएस कम्पनीले पाएका छन ।

लापा सम्म जोड्ने मोटरबाटो बनेपनि बर्षा लागेपछि झार्लाङको पहिरो र आँखुखोलाको पनिसेबाट मोटर चल्न नसक्ने भएकाले पनिसेमा दुई वटा र  पहिरोमा एउटा गरी तीन वटा पक्कि पुल आवश्यक भएको सुक लामाले वताउनु भयो ।

  • तस्बिर – शुक लामा तामाङबाट


धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो ।

१३ बैशाख २०७७, शनिबार ११:१४ मा प्रकाशित

धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो । आम नागरिकलाई सूचना, समाचार, विचार, विश्लेषण र विविध विषयमा सुसूचित गर्ने ध्येयका साथ संचालनमा रहेको धादिङ न्यूज डट कम निस्पक्ष सूचना र संचारको संवाहक हो । हामी स्वतन्त्र छौं, हामी कुनै पनि राजनीतिक. सामाजिक तथा अन्य किसिमका पूर्वाग्रहबाट अलग छौं । तपाईंको सूचना र संचारको हकको लागि समाजका विकृति र विसंगतिहरू बिरुद्ध हामी निरन्तर कलम चलाइरहनेछौँ । हामीलाई सूचना जानकारी उपलब्ध गराएर हाम्रो यस अभियानमा तपाईंले पनि साथ् दिन सक्नुहुनेछ ।  धादिङ जिल्लाको सूचना, समाचार, विचार र मनोरञ्जन छिटो छरितो रूपमा विश्वभर पुर्याउनु हाम्रो मुख्य उद्देश्य रहेको छ । ‘धादिङ न्यूज’ यहाँहरू सबैको डिजिटल पत्रिका हो ।व्यवसायको लागि विज्ञापन लगानी हो,धादिङ न्यूज डट कम मा कुनै पनि विज्ञापन वा सन्देश संप्रेषण गर्न  चाहनुहुन्छ भने हामीलाई सम्पर्क गर्न सक्नुहुनेछ ।

 

 

समाचार

सबै

सानाकिसान सहकारी संस्था लि. गोगनपानीमा तालाबन्दि, सञ्चालक समितिद्धारा प्रेस विज्ञप्ति मार्फत छलफल गर्न आह्वान

थाक्रे, ७ असोज सानाकिसा सहकारी संस्था लि. गोगनपानीमा सहकारीका केही शेयर सदस्यहरुले संस्थामा विगत लामो समयदेखी कार्यरत कर्मचारीहरुले किर्तेरुपमा किसानहरुको नामबाट रिण प्रभाहगरी आफुखुसी रु.६७ लाख ५० हजार.....

सामाजिक सेवा दिवशको अवशरमा खुला वक्तृत्वकला प्रतियोगिता सम्पन्न

  महादेववेंशी, ६ असोज सामाजिक क्षेत्रमा राष्ट्रिय गौरब आजको आवश्यकता, सम्वृद्धि र सुखको लागि सामाजिक.....

धादिङका तीन सहित नेपाल प्रहरीका ४८८ इन्स्पेक्टरको सरुवा

काठमाण्डौं । नेपाल प्रहरीका ४ सय ८८ जना प्रहरी निरीक्षक (इन्सपेक्टर)को सरुवा भएको छ । प्रहरी प्रधान कार्यालयले.....

युवाहरुको सवालका सन्दर्भमा युवा अन्तर संवाद कार्यक्रम सम्पन्न

५ असोज, महादेववेशी, ४१ औं सामाजिक सेवा दिवसको अवसरमा थाक्रे गाउँपालिका, महादेववेशीमा सामाजिक क्षेत्र, राष्ट्रिय.....

मापदण्ड विपरित चलेका पाँच क्रसर उद्योग बन्द

नुवाकोट- नुवाकोट जिल्लामा  मापदण्ड विपरित सञ्चालन भइरहेका क्रसर उद्योगहरु जिल्ला प्रशासन कार्यालयले बन्द.....

Categories