कोरोना पुष्टि भएसँगै थांक्रेका युवाको बस्ती शिल

314 पटक पढिएको

प्रकाशित मिति: ६ जेष्ठ २०७७, मंगलवार १२:०१

सम्पादक: धादिङ न्यूज

धादिङ, ६ जेठ – धादिङमा कोरोना भाईरस संक्रमित भएका तेश्रो व्यक्ति भेटिएका छन । काभ्रेको धुलिखेल अस्पतालको ल्यावमा गएर स्वाब परिक्षण गराउँदा कोरोना संक्रमण भएको पुष्टि भएके धादिङका ति युवा जिल्लाको थाक्रे गाउँपालिका वडा नम्बर ७ का वासिन्दा हुन ।

सोमबार स्वास्थ्य तथा जनसंख्या मन्त्रालयले सार्वजनिक गरेको बिबरण अनुसार ति युवामा कोरोना सँक्रमण भएको पुष्टि भएपछि थप संक्रमण फैलन नदिन स्थानीय प्रशासनले मंगलबार पालिकाको विभिन्न स्थानमा शील गरेको छ ।

मंगलबार विहान थांक्रे गाउँपालिकाको जुंगेखोलामा बसेको सर्वपक्षिय बैठकको सिफारिसबाट जिल्ला प्रशासन कार्यालय धादिङले मंगलबार विहानबाटै लागू हुने गरि सँक्रमित व्यक्तिको घर तथा बस्ती र पुर्वमा गोजेखोल्सा एभरेष्ट पम्प, पश्चिममा पृथ्वी राजमार्गको ८ किलो, उत्तरमा महेशखोला र दक्षिणमा उडुवादेवी आधारभुत विद्यालय भित्रको चार किल्ला शील गरिएको थांक्रे गाउँपालिका वडा नम्बर ७ का वडाअध्यक्ष रामकुमार बस्नेतले वताउनु भयो ।

शील गर्नु अगाडी मँगलबार बिहान थांक्रेमा धादिङका प्रमुख जिल्ला अधिकारी अस्मान तामाङको अध्यक्षतामा जिल्ला सुरक्षा समितिको बैठक बसेको थियो । बैठकले आगामी जेठ ११ गते राती १२ बजे सम्म सँक्रामक रोग ऐन २०२० को दफा २ र स्थानिय प्रशासन ऐन २०२८ को दफा ६ उपदफा २ बमोजिम निषेधाज्ञा जारी गर्ने निर्णय गरेको हो । बैठकले उल्लेखित चार किल्ला क्षेत्र भित्र पुर्ण शिलबन्दी गर्ने, पुर्णरुपमा आवतजावत बन्द गर्ने, नेपाल प्रहरी र शसस्त्र प्रहरी बल नेपालले सुरक्षा व्यवस्था मिलाउने र आवश्यकता अनुसार नेपाली सेनाले सवारी गस्ति गर्ने लगायतका निर्णय गरेको पनि वडाअध्यक्ष बस्नेतले जानकारी दिनुभयो ।

बैठकले सँक्रमित व्यक्तिको सम्पर्कमा आएका व्यक्तिहरुको क्लोज मनिटरिङ गर्ने, कन्ट्याक्ट ट्रेसिङ गर्ने र क्वारेन्टाईनको व्यवस्था गर्ने लगायतका निर्णय सँगै एम्बुलेन्सलाई कोभिड प्रतिकार्यका लागि २४ घण्टा तयारी अवस्थामा राख्ने निर्णय समेत गरेको छ ।

थांक्रे गाउँपालिका वडा नम्बर ७ घर भई काठमाण्डौं वागवजारमा छापाखाना सञ्चालन गर्दै आएका ४० बर्षिय पुरुषको सोमबार धुलिखेल अस्पतालको रिपोर्टबाट कोरोना संक्रमित भएको पुष्टि गरिएको थियो । लकडाउन शुरु भएपछि घर आएर ४० दिन घर बसि बैशाख २८ गते काठमाण्डौं फर्केका ति युवा यस बिचमा कहाँ कहाँ पुगे र कति जना मानिसलाई भेटे भन्ने बारेमा खोजी शुरु भएको स्वास्थ्य कार्यालय धादिङका प्रमुख एवम जिल्ला कमाण्ड पोष्टका सचिव भुवन पौडेलले जानकारी दिनुभयो ।

धादिङ जिल्ला घर भएका पहिलो संक्रमित नेत्रावती डवजोङ गाउँपालिकाका युवा निको भएर घर फर्किसकेका छन भने दोश्रो संक्रमित गल्छी गाउँपालिका कटुवालपौवाकी ३० बर्षिया युवतीको पाटन अस्पतालको आईशोलेसन कक्षमा उपचार भईरहेको छ ।



धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो ।

६ जेष्ठ २०७७, मंगलवार १२:०१ मा प्रकाशित

समाचार

सबै

रोकिराखेको ट्रकमा हायस ठोक्किंदा १२ जनाको ज्यान गयो

  बाँके जिल्लाको ठुरिया जंगल स्थित प्रूर्व पश्चिम राजमार्गमा मध्यराति भएको सवारी दुर्घटनामा परि १२ जनाको ज्यान गएको छ । २१ जना घाइते भएका छन् । भारतबाट फर्केका मानिसहरुलाई लिएर नेपालगञ्जबाट दाङ तर्फ.....

कोरोनाबाट विश्वभर १२८ नेपालीको मृत्यु

विश्वभर महामारीका रुपमा फैलिएको कोरोना भाइरस (कोभिड–१९) संक्रमणका कारण शनिवार (३० मे २०२०) साँझसम्म नेपाल बाहिर.....

सुकौराको विकासको लागि के गर्ने ?

मेरो सुकौरा आर्थिक वर्ष २०७७÷७८ को लागि त्रिपुरासुन्दरी गाउँपालिकाले समानीकरण अनुदानमाफर्त १३ करोड ८ लाख,.....

धादिङका स्थानीय तहले ४ अर्ब ३७ करोड बढी बजेट अनुदान पाउने

धादिङ- संघीय सरकारबाट धादिङका १३ स्थानीय तहले ४ अर्ब ३७ करोड बढी बजेट अनुदान पाउने भएको छ । आर्थिक वर्ष २०७७/७८ का.....

भारतबाट नेपाली ल्याउन २० नाका खोलिंदै

काठमाण्डौ । कोरोना संक्रमणले महामारीको रुप लिन थालेपछि वन्द हुन पुगेको नेपाल भारत सिमा नाका खुकुलो पारेर.....

Categories