सिद्धलेकका ६ सय ४९ घर परिवारलाई खाद्यान्न सहयोग

366 पटक पढिएको

प्रकाशित मिति: ७ जेष्ठ २०७७, बुधबार ०६:१९

सम्पादक: धादिङ न्यूज

धादिङ, ७ जेठ – धादिङको सिद्धलेक गाँउपालिकाले एकद्धार प्रणाली मार्फत पालिका भित्रका गरिब तथा अति विपन्न ६ सय ४९ परिवारलाई खाद्यान्न वितरण गरेको छ ।

गाउँपालिकाको सिफारिसमा अन्र्तराष्ट्रिय गैरसरकारी संस्था क्रिस्चियन एडले आफ्नो साझेदार संस्था फोकस नेपाल धादिङ मार्फत जनप्रतिनिधिहरुको प्रत्यक्ष रोहबरमा गरिब र विपन्नहरुका लागी खाद्यान्न सहयोग गरेको हो ।

विश्वभर महामारीको रुपमा फैलिरहेको कोरोना भाईरस संक्रमण फैलन नदिन रोकथामको लागी नेपाल सरकारले जारी राखेको लकडाउनका कारण खाद्यान्न संकटमा परेका दैनिक ज्यालादारी मजदुर,असहाय, गरिब तथा अति विपन्नहरुका लागी गाँउपालिकाको सिफारिसमा आकस्मिक सहयोग स्वरुप खाद्यान्न बितरण गरिएको फोकस नेपालले जनाएको छ ।

सम्वन्धित वडा कार्यालयबाट आएको सिफारिसका आधारमा अहिले सम्म वडा नम्बर १ मा १०९, २ मा १४२, ३ मा ७३, ४ मा ७८, ५ मा ७४ , ६ मा ६४ र ७ मा १०९ समेत गरि कुल ६ सय ९४ घर परिवारलाई प्रति घर ३० केजी चामल,२ केजी नुन,३ केजी दाल, २ लिटर तेल, ५ वटा साबुन र पन्जा वितरण गरिएको फोकस नेपालका कार्यक्रम संयोजक जिवन सिलवालले जानकारी दिनु भयो ।
कार्यक्रम संयोजक सिलवालका अनुसार संस्थाले समुदायका साथै गाउँपालिकाको लागि ६५ थान एन नाईन्टि फाईभ मास्क, ३० थान पिपिई,१३ थान थर्मलगन, १०० सेट पन्जा र मास्क उपलव्ध गराएको छ ।

यसै गरि पालिका भित्रका १ सय घर सुत्केरी तथा गर्भवतीहरुका पोषणयुक्त सामाग्री अन्र्तगत १ बोतल हर्लिक्स,केराउ, चना, भट्मास,रहर र मुसुरोको दाल दिने तयारी भईरहेको पनि सिलवालले जानकारी दिनु भयो ।

सहयोग सामाग्री बितरण बितरण कार्यमा गाउँपालिकाका अध्यक्ष पे्रमनाथ सिलवाल,उपाध्यक्ष कमला शर्माका साथै सम्वन्धित वडाका अध्यक्षहरु, वडाका सदस्यहरु फोकस नेपालका प्रतिनिधि, क्रिश्चियन एडका प्रतिनिधिहरुको उपस्थिति रहने गरेको सिलवालले वताउनु भयो ।

गाउँपालिकाको ८ वटै वडामा सम्वन्धित वडाको सिफारिसका आधारमा संस्थाले सहयोग सामाग्री बितरण गरेको हो ।



धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो ।

७ जेष्ठ २०७७, बुधबार ०६:१९ मा प्रकाशित

समाचार

सबै

रोकिराखेको ट्रकमा हायस ठोक्किंदा १२ जनाको ज्यान गयो

  बाँके जिल्लाको ठुरिया जंगल स्थित प्रूर्व पश्चिम राजमार्गमा मध्यराति भएको सवारी दुर्घटनामा परि १२ जनाको ज्यान गएको छ । २१ जना घाइते भएका छन् । भारतबाट फर्केका मानिसहरुलाई लिएर नेपालगञ्जबाट दाङ तर्फ.....

कोरोनाबाट विश्वभर १२८ नेपालीको मृत्यु

विश्वभर महामारीका रुपमा फैलिएको कोरोना भाइरस (कोभिड–१९) संक्रमणका कारण शनिवार (३० मे २०२०) साँझसम्म नेपाल बाहिर.....

सुकौराको विकासको लागि के गर्ने ?

मेरो सुकौरा आर्थिक वर्ष २०७७÷७८ को लागि त्रिपुरासुन्दरी गाउँपालिकाले समानीकरण अनुदानमाफर्त १३ करोड ८ लाख,.....

धादिङका स्थानीय तहले ४ अर्ब ३७ करोड बढी बजेट अनुदान पाउने

धादिङ- संघीय सरकारबाट धादिङका १३ स्थानीय तहले ४ अर्ब ३७ करोड बढी बजेट अनुदान पाउने भएको छ । आर्थिक वर्ष २०७७/७८ का.....

भारतबाट नेपाली ल्याउन २० नाका खोलिंदै

काठमाण्डौ । कोरोना संक्रमणले महामारीको रुप लिन थालेपछि वन्द हुन पुगेको नेपाल भारत सिमा नाका खुकुलो पारेर.....

Categories