कोरोना हल्ला र सावधानी

778 पटक पढिएको

प्रकाशित मिति: ८ जेष्ठ २०७७, बिहीबार १५:२८

सम्पादक: Dhading News

 सानुबाबु तिमिल्सिना

 


केही दिन अगाडिको कुरा हो, म औषधि आवश्यक परेकाले धादिङबेसीको एक औषधि पसलमा गए । औषधि पसल सञ्चालकले भन्नुभयो ‘सर तपाई धादिङमै हुनुहुन्छ ? तपाई त कोरोना उपचार गराउन काठमाण्डौ जानु भएको भन्ने पो सुनेको थिए मैले त । के हो कुरा ? उहाको कुरा सुनेर म छक्क परे । मैले उहालाई भने– हेर्नुहोस म यतै छु, मलाई केही पनि भएको छैन । मैले चेक गराएको पनि छैन भने किन म कोरोनाको उपचार गराउन काठमाण्डौ जानु ? यस्तो हल्ला कस्ले चलायो ? तर उहाले यसबारे थप केही भन्नु भएन । म घर फर्के तर मनमा भने धेरै कुरा खेलिरह्यो ।

मैले सोचे म बजारमा धेरै ननिस्किएको कारणले यस्तो कुरा आएको त होइन, फेरी अहिले लकडाउनको समयमा बजारमा म मात्र बाहिर ननिस्किएको पनि त होइन नि, अहिले प्राय सबै मानिसहरु आफ्नो घरमा हुनुहुन्छ । म पनि घरमै छु । घरमै बसेर मैले नियमित कामहरु गर्दै आएको छु । यसरी नै अरु साथीहरु पनि घरमै बसेर घरबाट गर्न सकिने काम गरिरहनुभएको छ । फेरी म माथि यस्तो प्रश्न कसरी आयो ? कारण भेट्टाएको छैन तर पनि मनबाट कौतुहलता पनि मेटिएको छैन । यस घटनाले मलाई के लाग्यो भने हामी कान नछामी कागको पछाडि दौडिरहेका छौं । अहिलेको विशम परिस्थितिमा यस्ता विषयलाई प्रस्तुत गरिरहँदा त्यसबाट कस्तो प्रभाव पर्छ भन्ने कुरा ख्याल गरिएको छैन । यस्ता कुराले सम्बन्धीत व्यक्तिलाई कस्तो असर पार्न सक्छ भन्ने विषयमा हामीले सोच्नु जरुरी छ ।

यस विषयलाई यसरी पनि हेर्न सकिन्छ कि अहिले मानिसमा नचाहिदा हल्ला गर्ने, कोरोनाका विषयमा अनेक चर्चापरिर्चा गर्ने क्रम पनि बढेको छ । यो पनि यसैको एउटा उदाहरण हुन सक्छ । कोरोनाको परिक्षणका क्रममा आएका नतिजाका विषयलाई लिएर टिकाटिप्पणि गर्ने, यस्तो उस्तो भन्ने, लगायतका क्रियाकलाप पनि देखिएको छ । यस्तैमा केही दिन अगाडि मात्र स्वास्थ्य कार्यालय धादिङको पहलमा जिल्लाका पत्रकारहरुको आरडिटी परिक्षण गरियो । परिक्षणका क्रममा सबै पत्रकारहरुको रिपोर्ट नेगेटिभ देखियो । तर बजारमा भने एक जना पत्रकारको रिपोर्ट पोजेटिभ आएको छ रे, को होला ? भन्ने खालका कुराले बजार ततायो । यसैपनि अघिपछि जिल्लाकै विभिन्न स्थानमा देखिएका गतिविधिका बारेमा आफ्ना सञ्चार माध्यममा जानकारी गाराउँदै आएका पत्रकारहरुलाई यस घटनामा पनि मुछियो । यतिसम्म कि ‘भए नभएका कुरा देख्ने पत्रकार आफ्नै कुुरा किन सार्वजनिक गर्थे’ ? भनेको समेत सुनियो । तर आरडिटी परिक्षण के हो ? यसपछिको अर्को पिसिआर परिक्षण के हो ? भन्ने कुरा बुझेको बुझाइएको पनि छैन ।

अहिले हामी कोरोना भाईरस (कोभिड १९) को सन्त्रासमा छौं । चीनको वुआनमा पहिलोपटक देखापरेको यो भाइरस अहिलेसम्म विश्वका २१३ देशमा फैलिएको छ । यसका कारण विश्वभर लाखौँ मानिस संक्रमित भएका छन् भने हजारौँको ज्यान गएको छ । अहिलेसम्म पनि रोगको औषधि पत्ता लागेको छैन यसबाट झन मानिसमा सन्त्रास फैलिएको छ । यसले सिंगो अर्थतन्त्रलाई समेत असर पारेको छ । कोरोना रोग यसरी जटिल बन्दै गएको छ कि शक्तिशाली देशको रुपमा आफुलाई उभ्याएका अमेरिका, इटाली लगायतका देशमा समेत यसले वितन्डा मच्चाइरहेको छ ।

कोरोनाको उद्गम स्थल चिनको वुहानमा रहेका नेपालीलाई उद्धार गरी क्वारेन्टाइनमा राख्दै नेपालले कोरोनाविरुद्धको लडाइँ सुरु गरेको थियो । तत्पश्चात नेपाल सरकारले योजनाबद्ध रूपमा नियन्त्रणका उपाय अवलम्बन गरेको छ । सबै राजनीतिक दल र नागरिक समाज, निजी क्षेत्रसहित सिंगो देश कोरोनाविरुद्धको लडाइँमा एक ठाउँमा छन् । विदेशबाट आएका व्यक्तिमा संक्रमण देखिएपछि सरकारले पहिलो पटक देशमा चैत्र ११ गतेदेखि लकडाउन ग¥यो भने तत्पश्चात अहिलेसम्म जारी नै छ । यस विचमा विभिन्न रोगीको पहिचान, नियन्त्रण र उपचारका सबै उपाय सरकारले अपनाएको छ । औषधि उपकरण र चिकित्सकका लागि आवश्यक सुरक्षा सामग्री लगायत अन्य सामग्री खरिदमा अलमल देखिए पनि नियन्त्रणको काम प्रभावकारी रूपमा अगाडि बढिरहेको देखिन्छ । लकडाउनले प्रभावित हुन सक्ने गरिब तथा सीमान्तकृत समुदायलाई राहत वितरण गर्नका लागि प्रदेश र स्थानीय सरकारलाई परिचालन गरिएको छ । भलौ स्थानीय तहहरु पनि राहत वितरणमा कहि न कहि अलमलिइरहेको भएपनि शुरुवात भने भएको छ ।

रोग फैलदै गएको र औषधि समेत पत्ता नलागिसकेको वर्तमान अवस्थामा यसको विकल्प स्वरुप सरकारले देशमा लकडाउन कायम राखेको छ । लडकडाउन नेपालमा मात्र नभएर अन्य मुलुकमा पनि लागेको छ । लकडाउन शुरु भएपछि शहरबजारमा बस्दै आएका प्राय नागरिकहरु आफ्नो घरगाउँ फर्किएका छन् । यसैविच सरकारले कोरोना रोग फैलन नदिन भन्दै गरेको लकडाउनले केही मनोसामाजिक समस्या भने उत्पन्न गर्नसक्ने जोखिम बढेको पनि छ । तर रोग फैलिरहेको अहिलेको अवस्थामा छिट्टै लकडाउनको अन्त्य हुने अवस्था पनि देखिँदैन । यसकारण अव आउने समस्यातर्फ सचेत हुनु आवश्यक छ ।

लकडाउनको कुरा गर्दा किसानहरुले यस अवधिमा सिजन अनुसारका खेतीपाती र कृषि कर्मलाई निरन्तरता दिइरहेका छन् । सरकारले खेतीपातिको काम गर्दा भौतिक दुरी कायम गर्दै काम गर्न भनेको छ । किसानहरुले यसको पालना पनि सकेसम्म गर्दै आएका छन् । अहिले गाउँघरमा खासै समस्या देखिँदैन । किनभने किसानहरु खेतीपातीको काममा व्यस्त छन् । सिजन अनुसारका काम भइरहेका छन् । तर शहरबजारमा भने अलि समस्या देखिएको छ । लकडाउनले गर्दा घरमा बस्नुपर्दा मानिसहरुमा अहिलेआएर बोर लाग्न थालेको, कतै बाहिर जानपाए पनि हुन्थ्यो जस्तो लाग्न थालेको, रोग लागेको छैन, म बजारमा हिड्दा के होला र भन्ने सोच्दै साँझ विहान हिड्ने गरेको पनि देख्न सकिन्छ । कतिपय भने बजारका मुख्य चोकहरुमा प्रहरीले केरकार गर्न थालेपछि प्रहरीको आँखा छल्दै यताउती हिड्ने गरेको पनि देखिएको छ । यो आफ्नै लागि हो भन्ने जान्दाजान्दै पनि मानिसहरुले ख्याल ख्याल गरेको जस्तो देखिएको छ । यस्ता गतिविधि अहिले हरेक दिन साँझ विहान मुख्य बजार भन्दा बाहिरका क्षेत्रका धेरै देख्न सकिन्छ । यसले जोखिम बढाउन सक्ने देखिएको छ । रोग फैलिरहेको अहिलेको अवस्थामा हाम्रा यस्ता गतिविधिले समस्या नल्याउला भन्न सकिन्न यसकारण यतातिर ध्यान दिनु जरुरी छ ।



धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो ।

८ जेष्ठ २०७७, बिहीबार १५:२८ मा प्रकाशित

धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो । आम नागरिकलाई सूचना, समाचार, विचार, विश्लेषण र विविध विषयमा सुसूचित गर्ने ध्येयका साथ संचालनमा रहेको धादिङ न्यूज डट कम निस्पक्ष सूचना र संचारको संवाहक हो । हामी स्वतन्त्र छौं, हामी कुनै पनि राजनीतिक. सामाजिक तथा अन्य किसिमका पूर्वाग्रहबाट अलग छौं । तपाईंको सूचना र संचारको हकको लागि समाजका विकृति र विसंगतिहरू बिरुद्ध हामी निरन्तर कलम चलाइरहनेछौँ । हामीलाई सूचना जानकारी उपलब्ध गराएर हाम्रो यस अभियानमा तपाईंले पनि साथ् दिन सक्नुहुनेछ ।  धादिङ जिल्लाको सूचना, समाचार, विचार र मनोरञ्जन छिटो छरितो रूपमा विश्वभर पुर्याउनु हाम्रो मुख्य उद्देश्य रहेको छ । ‘धादिङ न्यूज’ यहाँहरू सबैको डिजिटल पत्रिका हो ।व्यवसायको लागि विज्ञापन लगानी हो,धादिङ न्यूज डट कम मा कुनै पनि विज्ञापन वा सन्देश संप्रेषण गर्न  चाहनुहुन्छ भने हामीलाई सम्पर्क गर्न सक्नुहुनेछ ।

 

 

समाचार

सबै

सानाकिसान सहकारी संस्था लि. गोगनपानीमा तालाबन्दि, सञ्चालक समितिद्धारा प्रेस विज्ञप्ति मार्फत छलफल गर्न आह्वान

थाक्रे, ७ असोज सानाकिसा सहकारी संस्था लि. गोगनपानीमा सहकारीका केही शेयर सदस्यहरुले संस्थामा विगत लामो समयदेखी कार्यरत कर्मचारीहरुले किर्तेरुपमा किसानहरुको नामबाट रिण प्रभाहगरी आफुखुसी रु.६७ लाख ५० हजार.....

सामाजिक सेवा दिवशको अवशरमा खुला वक्तृत्वकला प्रतियोगिता सम्पन्न

  महादेववेंशी, ६ असोज सामाजिक क्षेत्रमा राष्ट्रिय गौरब आजको आवश्यकता, सम्वृद्धि र सुखको लागि सामाजिक.....

धादिङका तीन सहित नेपाल प्रहरीका ४८८ इन्स्पेक्टरको सरुवा

काठमाण्डौं । नेपाल प्रहरीका ४ सय ८८ जना प्रहरी निरीक्षक (इन्सपेक्टर)को सरुवा भएको छ । प्रहरी प्रधान कार्यालयले.....

युवाहरुको सवालका सन्दर्भमा युवा अन्तर संवाद कार्यक्रम सम्पन्न

५ असोज, महादेववेशी, ४१ औं सामाजिक सेवा दिवसको अवसरमा थाक्रे गाउँपालिका, महादेववेशीमा सामाजिक क्षेत्र, राष्ट्रिय.....

मापदण्ड विपरित चलेका पाँच क्रसर उद्योग बन्द

नुवाकोट- नुवाकोट जिल्लामा  मापदण्ड विपरित सञ्चालन भइरहेका क्रसर उद्योगहरु जिल्ला प्रशासन कार्यालयले बन्द.....

Categories