उपत्यका प्रवेश गर्न आरडीटी नेगेटिभ प्रमाणपत्र चाहिने

167 पटक पढिएको

प्रकाशित मिति: ९ जेष्ठ २०७७, शुक्रबार २१:३१

सम्पादक: धादिङ न्यूज

धादिङ–ं उपत्यकाका स्थानीय तहहरुले उपत्यका सील गर्न माग गरेसंगै गृह मन्त्रालयले सूचना जारी गरी काठमाडौं उपत्यका प्रवेश गर्ने सम्पूर्ण नाकाहरु सिल गरिएको छ । मन्त्रालयले लकडाउन अवधिभर अत्यावश्यक काम बाहेक उपत्यका प्रवेशमा रोक लगाउँदै कार्यान्वयनको जिम्मा स्थानीय तहलाई दिएको छ ।

गृहमन्त्री रामबहादुर थापा बादलको अध्यक्षतामा १ जेठमा बसेको नगरपालिका फोरमका पदाधिकारी र उपत्यकाको नाकासँग जोडिएका स्थानीय तहका प्रमुख–उपप्रमुख सहित उपत्यकाका प्रमुख जिल्ला अधिकारी र सुरक्षा निकायका प्रमुखसंग परामर्श गरिएको थियो ।

काठमाडौं प्रवेश गर्नुपर्नेले आफ्नै खर्चमा उपलब्ध भएसम्म आरडीटी परीक्षण गरी सो को रिपोर्ट साथ काठमाडौं उपत्यका प्रवेश अनुमतिका लागि माग गर्नुपर्ने सूचनामा उल्लेख छ ।

गृहले उपत्यकाका स्थानीय तहलाई पठाएको पत्रमा स्थानीय संघसंस्था–क्लबहरुले गरिरहेको सामूहिक राहत र खाना वितरणले भिडभाड बढ्न गई जोखिम बढाएकोले उक्त कार्य स्थानीय तहसँग समन्वय नभएमा रोक्ने र समन्वय गरी स्वास्थ्य सम्वन्धी प्रोटोकल पालना गरी वितरण गर्न आग्रह गरिएको छ।

उपत्यकाका दुई महानगर र १६ नगरपालिकाका मेयर–उपमेयरहरुको साझा संस्था नगरपालिका फोरमको २७ वैशाखमा बसेको बैठकले पनि उपत्यका प्रवेशमा कडाई गर्न सरकासँग माग गरेको नगरपालिका फोरमका अध्यक्ष विद्यासुन्दर शाक्यले बताउनुभयो ।

निर्णय कार्यान्वयनको पत्र प्राप्त भएसंगै उपत्यकाका सबै स्थानीय तहहरुले आफ्नो स्थानीय तहभित्र रहेको प्रहरी र आफ्नो नगर प्रहरी परिचालन गरी नाका सिल गर्नुपर्ने बताइएको छ ।



धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो ।

९ जेष्ठ २०७७, शुक्रबार २१:३१ मा प्रकाशित

समाचार

सबै

रोकिराखेको ट्रकमा हायस ठोक्किंदा १२ जनाको ज्यान गयो

  बाँके जिल्लाको ठुरिया जंगल स्थित प्रूर्व पश्चिम राजमार्गमा मध्यराति भएको सवारी दुर्घटनामा परि १२ जनाको ज्यान गएको छ । २१ जना घाइते भएका छन् । भारतबाट फर्केका मानिसहरुलाई लिएर नेपालगञ्जबाट दाङ तर्फ.....

कोरोनाबाट विश्वभर १२८ नेपालीको मृत्यु

विश्वभर महामारीका रुपमा फैलिएको कोरोना भाइरस (कोभिड–१९) संक्रमणका कारण शनिवार (३० मे २०२०) साँझसम्म नेपाल बाहिर.....

सुकौराको विकासको लागि के गर्ने ?

मेरो सुकौरा आर्थिक वर्ष २०७७÷७८ को लागि त्रिपुरासुन्दरी गाउँपालिकाले समानीकरण अनुदानमाफर्त १३ करोड ८ लाख,.....

धादिङका स्थानीय तहले ४ अर्ब ३७ करोड बढी बजेट अनुदान पाउने

धादिङ- संघीय सरकारबाट धादिङका १३ स्थानीय तहले ४ अर्ब ३७ करोड बढी बजेट अनुदान पाउने भएको छ । आर्थिक वर्ष २०७७/७८ का.....

भारतबाट नेपाली ल्याउन २० नाका खोलिंदै

काठमाण्डौ । कोरोना संक्रमणले महामारीको रुप लिन थालेपछि वन्द हुन पुगेको नेपाल भारत सिमा नाका खुकुलो पारेर.....

Categories