नीलकण्ठ नगरप्रमुख ढुंङ्गानालाई नेकपाको खबरदारी

587 पटक पढिएको

प्रकाशित मिति: १० असार २०७७, बुधबार ०६:३५

सम्पादक: Dhading News

नीलकण्ठ नगरपालिकाका प्रमुख भिमप्रसाद ढुंङ्गानाले बहुमतको आडमा नेकपा निकटका उपप्रमुख र वडाअध्यक्षलाई पाखा लगाएर एकलौटी ढंगबाट योजना तर्जुमा गरि बजेट  विनियोजन तथा अन्य दैनिक कार्यसञ्चालन गर्ने गरेको भन्दै नेपाल कम्युनिष्ट पार्टी (नेकपा)नीलकण्ठ नगर सङ्गठन कमिटी धादिङले विरोध जनाएको छ ।

नेकपा नगरकमिटीले मङ्गलबार नगर प्रमुख ढुङ्गानालाई ज्ञापन पत्र बुझाएर सचेत गराएको छ । बहूमतको आडमा नगर प्रमुखले नेकपाबाट विजयी भएका उपप्रमुख र वडा अध्यक्षहरुलाई बाहिर राखी नगरपालिकालाई काङ्ग्रेसको शक्तिकेन्द्रका रुपमा प्रयोग गरिरहेको नेकपा निकटका वडाअध्यक्षहरुको गुनासो रहेको छ ।

आफ्ना दल निकटका वडाअध्यक्षहरुले जितेका वडामा जभाभावी बजेट विनियोजन गर्ने, नगरपालिकाको हरेक विकासका आयोजनाहरु सार्वजनिक बोलपत्रमार्फत नगरी आफ्ना कार्यकर्ता र नजिकका ठेकेदारहरुलाई आन्तरिक सहमतिमा जिम्मा लगाउने, वडा अध्यक्षको अधिकार समेत कटौति हुनेगरी नगर शिक्षा ऐन पास गरी नगरप्रमुखले हस्तक्षप गरेको, कोरोना कोषको सम्पूर्ण हिसाब सार्वजनिक गर्नुपर्ने, स्थानीय सरकार सञ्चालन ऐन विपरित एकलौटी बजेट विनियोजन गरेको जस्ता गम्भीर विषयहरु तत्काल सच्याउनु पर्ने माग राख्दै नेकपा नीलकण्ठ नगर सङ्गठन कमिटीले नगरप्रमुखलाई ज्ञापन पत्र बुझाएको हो ।

नेकपा नीलकण्ठ नगरकमिटीका अध्या दिपक विश्वकर्माको नेत्तृत्वमा गएको टोलीले नगरप्रमुख ढुंङ्गानालाई १५ वटा बुँदा समावेश गरिएको ज्ञापन पत्र बुझाउँदै १ घर १ कोरोना पिसिआर परीक्षण गर्नुपर्ने, हरेक वडामा एम्बुलेन्सको व्यवस्था गर्नुपर्ने, १ वडा १ कालोपत्रे अभियान सञ्चालन गर्नुपर्ने जस्ता मागहरु रहेका छन् ।

ज्ञापन पत्र बुझ्दै ढुङ्गानाले सुझावका रुपमा आएका मागहरुलाई स्वागत गर्दै नीति तथा कार्यक्रममा समेट्ने कोशिष गर्ने आश्वासन दिएका थिए । ढुङ्गानाले हरेक विकास निर्माणका कार्यमा नगर कार्यपालिकाको निर्णय गराएर मात्र कार्यान्वयन गर्ने गरिएको बताउदै नगर प्रमुखले कुनै पनि भ्रष्टाचार गरेको प्रमाण सहित आए तुरुन्तै राजिनामा दिन तयार रहेको बताएका थिए । ज्ञापन पत्र बुझाएपछि भएको कोणसभामा बोल्दै नेकपा नीलकण्ठ नगर सङ्गठन कमिटीका अध्यक्ष दिपक विश्वकर्माले नगर प्रमुख ढुङ्गानाले बहुमत र राजनैतिक दम्भका आडमा नगरपालिकाका विकासका योजनाहरु सञ्चालन गर्ने कार्य तत्काल नरोके भोलिबाट नै चरणबद्ध रुपमा कडा भन्दा कडा आन्दोलनका कार्यक्रममा उत्रिने चेतावनी समेत दिनुभयो । ज्ञापन पत्र बुझाउने कार्यक्रममा नेकपा धादिङका उल्लेख्य सङ्ख्यामा नेता कार्यकर्ताहरुको उपस्थिति रहेको थियो ।

नेपाली काँग्रेसका नेता समेत रहेका नगरप्रमुख ढुङ्गानाले बहुमतको दम्भमा नगर कार्यपालिकाको बैठक बसाएर एकलौटी निर्णय गर्दै आईरहेको र आगामी बर्षको निती तथा कार्यक्रम र वजेट तयार पर्दा नेकपा निकटका उपप्रमुख र वडाअध्यक्षहरुलाई कुनै जानकारी नदिएको आरोप लागेको छ । नगरप्रमुखको कार्यशैली प्रति पटक पटक प्रश्न उठेपनि सुधार हुन नसकेको एक वडाअध्यक्षले वताए ।

नगरपालिकालाई आफुं निकटका व्यक्तिहरुलाई जागिर खुवाउने भर्तिकेन्द्रका रुपमा प्रयोग गर्नुका साथै अवसर वितरणमा समेत नगरप्रमुखले जहिले पनि विभेद गर्ने गरेको आरोप लाग्ने गरेको छ ।



धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो ।

१० असार २०७७, बुधबार ०६:३५ मा प्रकाशित

धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो । आम नागरिकलाई सूचना, समाचार, विचार, विश्लेषण र विविध विषयमा सुसूचित गर्ने ध्येयका साथ संचालनमा रहेको धादिङ न्यूज डट कम निस्पक्ष सूचना र संचारको संवाहक हो । हामी स्वतन्त्र छौं, हामी कुनै पनि राजनीतिक. सामाजिक तथा अन्य किसिमका पूर्वाग्रहबाट अलग छौं । तपाईंको सूचना र संचारको हकको लागि समाजका विकृति र विसंगतिहरू बिरुद्ध हामी निरन्तर कलम चलाइरहनेछौँ । हामीलाई सूचना जानकारी उपलब्ध गराएर हाम्रो यस अभियानमा तपाईंले पनि साथ् दिन सक्नुहुनेछ ।  धादिङ जिल्लाको सूचना, समाचार, विचार र मनोरञ्जन छिटो छरितो रूपमा विश्वभर पुर्याउनु हाम्रो मुख्य उद्देश्य रहेको छ । ‘धादिङ न्यूज’ यहाँहरू सबैको डिजिटल पत्रिका हो ।व्यवसायको लागि विज्ञापन लगानी हो,धादिङ न्यूज डट कम मा कुनै पनि विज्ञापन वा सन्देश संप्रेषण गर्न  चाहनुहुन्छ भने हामीलाई सम्पर्क गर्न सक्नुहुनेछ ।

 

 

समाचार

सबै

धादिङका गोकर्णमणी दुवाडी सचिवमा बढुवा

धादिङ- सरकारले  गोकर्णमणी दुवाडी सहित तीन जना सहसचिवलाई सचिवमा बढुवा गरेको छ । बुधवार बसेको मन्त्रिपरिषद् बैठकले सहसचिवहरु  दुवाडी, डा.योगेन्द्र कार्की र सुरेश आचार्यलाई सचिवमा बढुवा गरेको हो.....

आठ महिना पछि खुले धादिङका शैक्षिक संस्था

धादिङ - विश्वव्यापी महामारीको रुपमा फैलिएको कोभिड १९ ( कोरोना संक्रमण) का कारण गत बर्षको चैत महिना देखि बन्द.....

लापाका बाढी पहिरो पिडितलाई रेडक्रसको सहयोग

लापा - बाढी पहिरो लागेर घरबार विहिनभएका रुवीभ्याली गाउँपालिका वडा नम्बर ५ का  ३२ परिवारलाई नेपाल रेडक्रस.....

आज ठूलो एकादशी अर्थात् हरिबोधनी एकादशी

धादिङ - आज ठूलो एकादशी अर्थात् हरिबोधनी एकादशी । वर्षमा पर्ने चौबीसवटा एकादशीमध्ये सबैभन्दा ठूलो एवं महत्वपूर्ण.....

आयआर्जनका लागि किसानलाई वाख्रा बितरण

थांक्रे - धादिङको थाक्रे गाउँपालिकाको वडा नम्बर ८ मा २ वटा समूहका ११ जना सदस्यलाई ३/३ वटाको दरले ३३ वटा बाख्राका.....

Categories