मौवाखोलाबाट साना मोटर गुड्न थाल्यो

252 पटक पढिएको

प्रकाशित मिति: ९ श्रावण २०७७, शुक्रबार २१:१२

सम्पादक: Dhading News

धादिङ – बाढीले पुल भत्काएपछि अवरुद्ध हुन पुगेको पृथ्वीराजमार्गको मौवाखोलाको पुल मर्मत गरी चार दिनपछि साना सवारी साधन गुडाउन थालिएको छ। साउन ५ गते सोमबार अविरल वर्षापछि आएको बाढीपहिरोले धादिङ र चितवन जिल्लाको सिमानामा रहेको मौवाखोलाको धादिङतर्फको भाग बगाएपछि त्यहाँबाट चल्ने सवारी आवागमन ठप्प हुन पुगेको थियो ।

देशका ६७ जिल्लालाई राजधानी काठमाडौंसँग जोड्ने मुख्य सडक खण्डमा पुल बगाएपछि अवरुद्ध बनेको नौबिसे–मुग्लिन सडकखण्डमा शुक्रबार दिउँसोदेखि साना गाडी चल्न थालेका हुन् । बाढीले भत्काएको पुलको भागमा नेपाली सेनाको सहयोगमा ग्याबिन जाली भरेर सञ्चालनमा ल्याइएको हो। बाढीले बगाएको पुलको मर्मतपछि मोटरसाइकल, साना चारपांग्रे सवारी र एम्बुलेन्स लगायतका सवारी चल्न थालेको धादिङका प्रमुख जिल्ला अधिकारी अस्मान तामाङले बताउनुभयो ।

प्रजिअ तामाङका अनुसार मर्मत गरेर पुलकोे केही भाग मोटर गुड्न सक्ने बनाइएकाले साना गाडी चल्न थालेका हुन । मर्मत गरिएको भागमा राती कुनै समस्या नआए शनिवार विहान देखि ठूला गाडी पनि चल्ने गरी काम भइरहेको पनि प्रजिअ तामाङले जानकारी दिनुभयो । बागमती प्रदेश सरकारका आन्तरिक मामिला तथा कानुन मन्त्री शालिकराम जमकट्टेलले शुक्रबार बाढीले बगाएपछि मर्मत सुरु गरिएको पुलको अवलोकन गर्नु भएको थियो ।

(तस्बिर पोषनाथ अधिकारी बाट)



धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो ।

९ श्रावण २०७७, शुक्रबार २१:१२ मा प्रकाशित

समाचार

सबै

मलेखुमा बन्यो माछाको प्रतिमा

केशव अधिकारी (मलेखु)धादिङ – माछा बजारको रुपमा देशमै ख्याति कमाएको मलेखुमा शनिबारदेखि नयाँ पहिचान थपिएको छ । माछाका परिकारहरुका पारखीका लागि थप आकर्षित गर्न मलेखु चोकमा माछाको प्रतिमा निर्माण गरिएको.....

मौवाखोलाबाट साना मोटर गुड्न थाल्यो

धादिङ - बाढीले पुल भत्काएपछि अवरुद्ध हुन पुगेको पृथ्वीराजमार्गको मौवाखोलाको पुल मर्मत गरी चार दिनपछि साना.....

हट्यो लकडाउन

काठमाडौं । कोरोना भाइरस (कोभिड–१९) को रोकथाम तथा नियन्त्रणका लागि सरकारले साढे तीन महिनादेखि घोषणा गरेको लकडाउन.....

बाढी–पहिरोबाट सतर्क रहन सांसद भूमी त्रिपाठीको आग्रह

धादिङ - अविरल बर्षापछि धादिङ लगायत देशका विभिन्न भागमा बाढी पहिरोको जोखिम बढेको भन्दै विपदपूर्ण घडीमा सुरक्षित.....

बाढीेले मौवाखोलाको पुल बगायो ,राजधानी संगको सम्पर्क टुट्यो

धादिङ,५ साउन - देशका विभिन्न जिल्लाबाट राजधानी प्रवेश गर्ने पृथ्वीराजमार्गको धादिङ र चितवन जिल्लाको सिमानामा.....

Categories