पृथ्वी जयन्ती तथा राष्ट्रिय एकता दिवस देशैभर मनाईदै

174 पटक पढिएको

प्रकाशित मिति: २७ पुष २०७७, सोमबार १०:२६

सम्पादक: धादिङ न्यूज

धादिङ न्यूज समाचारदाता

काठमाडौं । राष्ट्र निर्माता पृथ्वीनारायण शाहको २ सय ९९ औँ जन्मजयन्ती तथा राष्ट्रिय एकता दिवस आज देशभर नेपाल एकीकरणका अभियन्ता पृथ्वी नारायण शाहको योगदान लाई सम्झंदै विभिन्न कार्यक्रमका साथ  मनाइँदैछ । सरकारी तहबाट पृथ्वी जयन्ती तथा एकता दिवसका अवसरमा कुनै औपचरिक कार्यक्रम आयोजना नगरिएको भएपनि सामाजिक संघ संस्था र नागरिक तहबाट भने छुट्टाछुट्टै कार्यक्रम गरि देशैभरी मनाईदैछ ।विस २०६३ देखि पृथ्वी जयन्ती तथा राष्ट्रिय एकता दिवसमा सरकारले बिदा दिन कटौती गरेको हो । यस अघि पुस २७ गतेलाई सार्वजनिक बिदा दिने गरिएको थियो ।

राष्ट्रिय एकता दिवसको अवसर पारेर गोरखाबाट धादिङ, नुवाकोट हुंदै काठमाण्डौं सम्म नेपाली सेनाले ऐतिहासिक पदमार्गमा एकीकरण पदयात्रा सम्पन्न गरेको छ ।
पृथ्वीनारायण शाहले नेपाल एकीकरणका क्रममा प्रयोग गरेको पदमार्गलाई संरक्षण गरी राष्ट्रिय एकताको सन्देश प्रवाह गर्न नेपाली सेनाले गत बर्षबाट एकीकरण पदयात्रा गर्न थालेको हो ।

सिंहदरबार पश्चिम मूलद्वारमा अवस्थित राष्ट्र निर्माताको शालिकमा पुष्पहार अर्पण गरी नेपालको एकीकरणमा उनको योगदानको स्मरण गरिएको छ । नेपाली सेनाले पनि सैनिक मुख्यालय जङ्गी अड्डामा अवस्थित राष्ट्र निर्माताको शालिकमा माल्यार्पण गरेको छ ।

पृथ्वीनारायण शाहको जन्मथलो तथा शाह वंशका राजाहरुको मुख्य दरवार रहेको गोरखा नगरपालिाकाले  र  नुवाकोटको विदुर नगरपालिकाले पृथ्वीजयन्तीको अवसरमा आज आफ्नो स्थानीय तहमा सार्वजनिक विदा दिएका छन् ।नुवाकोट बाट नेपाल एकीकरणको शुरुवात गर्दै एक पछि अर्को विजय हासिल गरी नुवाकोटको सात तले दरवारबाट राज्यसत्ता सञ्चालन गर्नुका साथै देहावसान समेत नगरपालिका भित्रै भएको भन्दै विदुर नगरपालिकाले स्थानीय पहिचान झल्काउन राष्ट्रिय एकता दिवसका दिन सार्वजनिक विदा दिने निर्णय गरेको हो ।

विक्रम सम्वत् १७७९ मा आजकै दिन अर्थात् पौष २७ मा पिता राजा नरभुपाल शाह र माता कौशल्यावति देवीका प्रथम पुत्रका रुपमा पृथ्वी नारायण शाहको जन्म भएको थियो । गोरखामा सिमित राज्यलाई विस्तार गरी एकीकृत नेपाल निर्माण गर्न पृथ्वीनारायण शाहको ठूलो योगदान रहेको छ । शाहले आफ्नो शासनकालमा चार दर्जनबढी साना–साना राज्यलाई जोडेर नेपालको एकीकरण गरेका थिए । भौगोलिक रुपमा नेपाल एकीकरण गरेकाले शाहलाई राष्ट्र निर्माताको उपमा समेत दिने गरिएको छ ।



धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो ।

२७ पुष २०७७, सोमबार १०:२६ मा प्रकाशित

धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो । आम नागरिकलाई सूचना, समाचार, विचार, विश्लेषण र विविध विषयमा सुसूचित गर्ने ध्येयका साथ संचालनमा रहेको धादिङ न्यूज डट कम निस्पक्ष सूचना र संचारको संवाहक हो । हामी स्वतन्त्र छौं, हामी कुनै पनि राजनीतिक. सामाजिक तथा अन्य किसिमका पूर्वाग्रहबाट अलग छौं । तपाईंको सूचना र संचारको हकको लागि समाजका विकृति र विसंगतिहरू बिरुद्ध हामी निरन्तर कलम चलाइरहनेछौँ । हामीलाई सूचना जानकारी उपलब्ध गराएर हाम्रो यस अभियानमा तपाईंले पनि साथ् दिन सक्नुहुनेछ ।  धादिङ जिल्लाको सूचना, समाचार, विचार र मनोरञ्जन छिटो छरितो रूपमा विश्वभर पुर्याउनु हाम्रो मुख्य उद्देश्य रहेको छ । ‘धादिङ न्यूज’ यहाँहरू सबैको डिजिटल पत्रिका हो ।व्यवसायको लागि विज्ञापन लगानी हो,धादिङ न्यूज डट कम मा कुनै पनि विज्ञापन वा सन्देश संप्रेषण गर्न  चाहनुहुन्छ भने हामीलाई सम्पर्क गर्न सक्नुहुनेछ ।

 

 

समाचार

सबै

नेकपा वाग्मती प्रदेश कमिटी अध्यक्षमा आनन्द पोखरेल, सचिवमा खेम लोहनी

धादिङ ६ माघ - प्रधानमन्त्री केपी शर्मा ओली नेतृत्वको नेपाल कम्युनिष्ट पार्टी (नेकपा)ले वागमती प्रदेश कमिटीको अध्यक्षमा आनन्द पोखरेललाई चयन गरेको छ । यसअघिका अध्यक्ष नारायण दाहाललाई कारबाही गर्दै पोखरेललाई.....

सहुलियत कर्जाका लागि बेनिघाटरोराङ र मेगा बैंक बिच सम्झौता

बेनिघाटरोराङ- मेगा बैंक नेपाल लिमिटेडले वेनिघाटरोराङ गाउँपालिकाका विपन्नवर्ग, लघु, घरेलु, साना तथा मझौला.....

सुतिरहेका मान्छेमाथि ट्रक दौड्दा १३ को मृत्यु

धादिङ- मध्यरातमा सुतिरहेका मान्छेलाई पेल्दै ट्रक दौड्दा १३ जनाको एकै टाउँमा ज्यान गएको छ । सुन्दै निकै.....

प्रेस सङ्गठन नेपालको दोश्रो राष्ट्रिय भेला माघ ८ गते काठमाडौँमा हुने

धादिङ, ५ माघ - प्रेस सङ्गठन नेपालको दोश्रो राष्ट्रिय भेला हुने भएको छ । सोमबार काठमाण्डौंमा सम्पन्न केन्द्रीय.....

बेलायतबाट आएका तीन नेपालीमा भेटियो नयाँ प्रकारको कोरोना भाईरस

काठमाडौं– विश्वव्यापी महामारीको रुपमा फैलिरहेको कोरोना भाईरस अझै पनि नियन्त्रणमा आउन सकेको छैन । विश्वलाईनै.....

Categories