काठमाडौं । सत्ता गठबन्धनका उम्मेदवारहरूलाई जिताउन गठबन्धनका र्शीष नेताहरुले अपिल गरेका छन्।

आगामी माघ ११ गते राष्ट्रियसभा सदस्य निर्वाचन हुँदै छ । आज बिहान बसेको गठबन्धनको बैठकले गठबन्धनका उम्मेदवारहरूलाई जिताउन र्शीष नेताहरुले संयुक्त अपिल गरेका हुन् ।

प्रधानमन्त्रीको सरकारी निवास बालुवाटारमा बसेको सत्ता गठबन्धनको बैठकले राष्ट्रिय सभामा गठबन्धनको तर्फबाट उठाइएका उम्मेदवारहरुलाई जिताउन संयुक्त आह्वान गरेका हुन्।

बैठकपछि सञ्चारकर्मीहरुसँग कुरा गर्दै नेपाली कांग्रेसका प्रमुख सचेतक रमेश लेखकले गठबन्धनका उम्मेदवार सबैका साझा उम्मेदवार भएकाले सबैले मतदान गरेर जिताउनका लागि शीर्ष नेताहरुले आह्वान गरेको बताउनुभयो ।

उहाँले प्रदेशहरुमा र जिल्लाहरुमा समन्वय समितिहरु गठन भएको बारेमा नेताहरुलाई ब्रिफिङ गरिएको पनि बताए।

राष्ट्रियसभा निर्वाचनमा गठबन्धनका तर्फबाट साझा उम्मेदवार र एमाले र राप्रपा छुट्टाछुट्टै उठेका छन्। १९ सिटको लागि हुने निर्वाचनका लागि ५१ जनाको उम्मेदवारी कायम रहेको छ।