• धादिङ/आसन्न संविधान सभा निर्वाचनका लागि पार्टीका सबै तहमा निकै लामो छलफल र तयारी पछि प्रमुख दलहरुले आ–आफ्नो तर्फवाट उम्मेदवारको टुङगो लगाएका छन । प्रमुख चारवटा दलले धादिङ जिल्लाको तीन वटै निर्वाचन क्षेत्रका लागि उम्मेदवारहरुको नाम सार्वजनिक गरेपछि कार्यत्रकर्ताहरुका बिचमा विभिन्न किसिमका अडकलहरु हुन थालेका छन ।
  नेकपा एमालेले मंगलवार सांझमात्र तीन वटै क्षेत्रवाट उम्मेदवारहरुको नाम सार्वजनिक गरेको छ । नेकपा एमालेको तर्फवाट धादिङको क्षेत्र नम्बर १ मा धनवहादुर घले,क्षेत्र नम्बर २ वाट गुरुप्रसाद बुर्लाकोटी र क्षेत्र नम्बर ३ मा राजेन्द्रप्रसाद पाण्डेको नाम सार्वजनिक भएको छ । एकीकृत नेकपा माओवादीले धादिङ जिल्लाको तीन वटै क्षेत्रमा अघिल्लो संविधान सभामा निर्वाचित पुष्पविक्रम मल्ल–१,कल्पना धमला–२ र शालिकराम जमकट्टेललाई उम्मेदवार घोषणा गरेको छ । यसै गरी अर्को प्रमुख दल नेपाली कांग्रेसले पनि दुई जना नयां अनुहारलाई मैदानमा उतारेको छ । नेपालीको कांग्रेसको तर्फवाट क्षेत्र नम्बर १ मा तिलक रुवाली, क्षेत्र नम्बर २ मा रामनाथ अधिकारी, क्षेत्र नम्बर ३ मा बुद्धलक्ष्मी लामाको नाम आएको छ । नेपाली कांग्रेसवाट दुईजना र नेकपा एमालेको तर्फवाट एक जना नयां अनुहारहरु मैदानमा उत्रिएका छन । नेकपा एमालेका पोलिटव्युरो सदस्य समेत रहेका राजेन्द्र पाण्डे २०६४ सालमा चुनाव प्रचार प्रसारका लागि गाउंमा जानेक्रममा विपक्षी कार्यकर्ताले पटक पटक अवरोध सिर्जना गर्दै हमला गरेका कारण शुभचिन्तक र कार्यकर्ताहरुसंग सम्पर्क विस्तार गर्नै नसकेर पराजित हुनु परेको थियो । पार्टीका पुर्व जिल्ला अध्यक्ष समेत रहनुभएका गुरुसाद बुलाकोटी धादिङ क्षेत्र नम्बर १ वाट दुई पटक प्रतिनिधी सभा सदस्यका लागि उम्मेदवार वनेपनि पराजीत हुनुपरेको थियो । विगतमा क्षेत्र नम्बर १ वाट चुनावी मैदानमा ष्डिेपनि बुर्लाकोटीले यस पटक आफ्नै निर्वाचन क्षेत्रमा उम्मेदवारी पाउनु भएको छ । यसैगरी क्षेत्र नम्बर १ मा एमालेले युवा उम्मेदवारलाई मैदानमा उतारेको छ । नेकपा एमाले धादिङ क्षेत्र नम्बर १ का अध्यक्ष समेत रहेका धनवहादुर घले यस पटक क्षेत्र नम्बर १ वाट चुनावी मैदानमा उत्रनु भएको हो । नेपाली कांगेस धादिङका सभापती समेत रहेका अधिकारी २०६४ को संविधान सभामा पराजित हुनुभएको थियो । क्षेत्र नम्बर १ का रुवाली र क्षेत्र नम्बर ३ का लामा भने पहिलो पटक मैदानमा उत्रिएका हुन ।
  यसै गरी राष्ट्रिय प्रजातन्त्र पार्टीले धादिङ क्षेत्र नम्बर १ मा पुर्व मन्त्री बुद्धिमान तामाङलाई क्षेत्र नम्बर २ मा नन्दसाद काप्रीलाई र क्षेत्र नम्बर ३ मा जीतवहादुर भण्डारीलाई उम्मेदवार वनाएको छ । यी प्रमुख चार दल वाहेक अन्य दलको तर्फवाट पनि धादिङ जिल्लामा उम्मेदवारी पर्ने भएको छ ।

 नेकपा एमालेको तर्फवाट देशै भरिका उम्मेदवारहरुको नामावली र चुनाव उठन लागेको निर्वाचन क्षेत्र