धादिङ,-  किष्ट बैक स्थापना भएको १२ औं बर्ष प्रवेशको अवसर पारेर किष्ट बैकको धादिङबेसी शाखाले रक्तदान कार्यक्रम सम्पन्न गरेको छ ।
किष्ट बैकका धादिङबेसी शाखा प्रमुख राजेश ढकालका अनुसार सामाजिक उत्तरदायित्व कार्यक्रम अन्र्तगत आयोजना गरिएको रक्तदान कार्यक्रममा ६ जना महिला सहित ३१ जनाले रक्तदान गरेका थिए । शनिवार बैकको शाखा कार्यालय परिसरमा आयोजित रक्तदान कार्यक्रमको धादिङका समाजसेवी कृष्णप्रसाद दहालले नीलकण्ठ–५ का राजकुमार श्रेष्ठलाई व्लड व्याग हस्तान्तरण गरेर उदघाटन गरेका थिए । यस अघि १९ पटक रक्तदान गरिसकेका श्रेष्ठले शनिवार बीसौं पटकको रक्तदान गरेका थिए ।