धादिङ, माघ ६ । धादिङ आसपासका एमाले बृत्तमा गुरुबाका उपमाले चिनिँदै आएका पुराना कम्युनिष्ट नेता जगन्नाथ नेपालको परिचय आजभोली अगुवा किसानको रुपमा परिणत भएको छ ।
घरेलु तथा साना उद्योग विकास समितिका सञ्चालक अध्यक्ष नेपालको पछिल्लो दैनिकी समितिको काम बाहेक गाईलाई घाँस, कुँडो र दुध दोहेर बजारसम्म पु¥याउँदैमा वित्न छ । ध्रुव अधिकारीलाई साझेदारको रुपमा लिएर नेपालले सञ्चालन गरेको गाई फार्म जिल्लाकै नमुना बनेको छ ।
गोगनपानी–१ निबुवाबोटेमा एक वर्ष अघि (गत माघदेखी) सञ्चालनमा ल्याइएको छाङ्गादेवी पशुपालन तथा घाँस विकास फार्ममा १९ वटा लैना गाईहरु छन् । भारतको विहार हाजिपुरबाट ल्याइएको होलिस्टिन र जर्सीको क्रस गाईहरुट दैनिक २ सय लिटर दुध उत्पादन हुन थालेको नेपालले जानकारी दिए ।
गाईका गोठ सफा सुग्घर राखिएको छ । फार्ममा जानु अघि आगन्तुकले पालना गर्नु पर्ने नीति नियम पालना गर्नु पर्छ । ७० रोपनी जग्गा भाडामा लिएर घाँस खेती गरिएको छ । फार्ममा ६ जनाले दैनिक रोजगारी पाएका छन् । दुधबाट मासिक साँढे दुई लाख आम्दानी हुने फर्मका अर्का सञ्चालक ध्रुव अधिकारीले जानकारी दिए । स्थानीय गल्छी बजारमा दुध विक्रि गर्दै आएका उनीहरुले दुधमा लागत मुल्य कम भएको बताए ।

धादिङमा दाना तथा चोकर उद्योग छैन । बाहिरबाट दाना चोकर ल्याउनु पर्दा लागत बढ्न जान्छ अधिकारी भन्छन् कृषिमा सोचेजस्तो सजिलो छैन । आगामी दिनमा दुधबाट बन्ने परिकारहरु दही, पनिर, चिज, घ्यु लगायतका सामाग्री उत्पादन गरी आफै मार्केट विस्तार गर्ने लक्ष्य रहेको नेपाल बताउँछन् ।
०३२ तिर धादिङमा छरिएर रहेका कम्युनिष्ट विचार धाराका व्यक्तिहरु संगठित संगठित गर्दै शिक्षण पेसामा कृयाशिल नेपाल तत्कालिन नेकपा मालेको धादिङका संस्थापक मध्यका नेता हुन् । एमाले बागमती अञ्चल कमिटीका सदस्य उनी विगत एक वर्ष यता घरेलु तथा साना उद्योग विकास समितिका अध्यक्ष हुन् । आफुले गरेको कामबाट अरुलाई पनि प्रेरणा मिलोस भनेर आफ्नै अग्रसरतामा फर्म सञ्चालन गरेको नेपाल बताउँछन् ।
काठमाडौं, पोखरा र चितवनको बीचमा रहेको धादिङको राजमार्ग क्षेत्र कृषि र पशुपालनको लागि उपयुक्त स्थान हो । यहाँ उत्पादन गर्न सके बजारको कमी छैन नेपालले भने । ५० लाखको लागतमा सञ्चालन गरिएको फर्म यतिबेला जिल्लामै नमुना बन्दै गएको छ । नेपालको फर्ममा हरेक हप्ता कृषिमा रुचि भएका युवा तथा व्यवसायीहरु ऋवलोकन गर्न र जानकारी लिन आउने गरेको फर्म सञ्चालक बताउँछन् अर्थतन्त्र डट कममा खबर छ ।