एजेन्सी । चेक गणतन्त्रको राजधानी प्रागस्थित एउटा विश्वविद्यालयमा एक व्यक्तीले अन्धाधुन्ध गोली हानी कम्तिमा १४ जनाको हत्या गरेका छन् । घटनामा अन्य २५ जना घाइते भएका छन् । यो घटनालाई आधुनिक चेक इतिहासको सबैभन्दा घातक आक्रमण मानिएको छ ।

राजधानीको ऐतिहासिक चार्ल्स विश्वविद्यालयमा भएको गोलीकाण्डपछि २४ वर्षीय बन्दुकधारी पनि मारिएको प्रहरीले जनाएको छ । प्रधानमन्त्री पेत्रा फियालाले यो दुःखद घटनापछि आफ्ना आगामी भेटघाट र कार्यक्रम रद्द गर्नुभएको छ । प्रहरी प्रमुख र आन्तरिक मन्त्रीले बन्दुकधारी सोही विश्वविद्यालयका विद्यार्थी भएको बताएका छन् ।

आक्रमणकारी प्राग शहरभन्दा २१ किलोमिटर टाढाको गाउँका स्थानीय वासिन्दा भएको जनाइएको छ । उनको बाबु पनि बिहीबार मृत फेला परेका थिए । आक्रमणको उद्देश्य तत्काल बुझिएको छैन ।

प्रहरीले प्राग नजिकैको जंगलमा गत हप्ता दुई जनाको मृत्यु पनि उनलेनै गरेको हुनसक्ने जनाएको छ ।