१७० वर्ष जेल सजायँ पाएका तामाङको चार वर्षपछि मृत्यु

682 पटक पढिएको

सम्पादक: धादिङ न्यूज

१७०er

मर्नुअघि आफूलाई एड्स भएको स्वास्थ्यकर्मीलाई जानकारी


काठमाडौं, मंसीर ४– चेलीबेटी बेचबिखनको अभियोगमा १७० वर्ष जेल सजायँ पाएका बजीर सिंह तामाङको गत कात्तिक १९ गते मृत्यु भएको छ ।   लामो समयदेखि बिरामी परेका उनको अस्पताल लैजाने क्रममा मृत्यु भएको झुम्का कारागार कार्यालय, सुनसरीका स्वास्थ्यकर्मी याम प्रसाद गौतमले जानकारी दिए ।   गौतमका अनुसार विगतमा क्षयरोग विरुद्धको औषधी पूरै सेवन गरेको बताउने उनको पछिल्लो समयमा क्षयरोगका लक्षणहरु देखिन थालेको थियो । यसका लागि उनको सबै प्रकारको परिक्षणहरु गरिएता पनि क्षयरोग नदेखिएको गौतमले बताए । मृत्यु हुने दुईदिन अघि तामाङले आफूलाई एचआइभी एड्स भएको गौतमलाई जानकारी दिएका थिए । उनी भन्छन्, ‘उनको मृत्युको कारण यहि नै हो भन्ने पुष्टि भएको छैन । पटक–पटक हस्पिटल लगिएपनि, एन्टिबायोटिक चलान गरिएता पनि उनको रोग निको हुन सकेन । दुईदिन अघि मात्र उनले आफूलाई एड्सको रोगी भनेता पनि यसको परिक्षण भने गरिएको थिएन । ’   २०६७ साल मंसीर २८ गते जेल चलान भएका तामाङ २०७० पुस १८ गते चितवन कारागार कार्यालयबाट झुम्का कारागार कार्यालयमा सरुवा भएका थिए । गौतमका अनुमान अनुसार उनको रोगका कारण नै उनलाई झुम्का पठाइएको हो ।   कैदी पुर्जीका अनुसार उनी ४१ वर्षका थिए । उनीमाथि ६ जना महिलाहरु बेचबिखन गरेको अभियोग लागेको थियो ।