नयाँ स्थानीय विकास अधिकारीको जिविसमा स्वागत

           २०५३ सालमा निजामति सेवामा प्रवेश गर्नुभएका स्थानीय विकास अधिकारी २०६६ सालमा खुला प्रतिष्पर्धावाट राजपत्रांकित द्धितिय श्रेणीमा पदोन्नती हुनु भएको थियो । स्थानीय विकास अधिकारीको रुपमा प्यूठान जिल्ला विकास समितिको कार्यालयमा कामको अनुभव संगाल्नु भएका अर्यालसंग राष्ट्रिय योजना आयोगमा समेत काम गरेको अनुभव रहेको छ ।      कार्यालयवाट आयोजना भएको स्वागत कार्यक्रममा बोल्दै स्थानीय विकास अधिकारीले आफ्नो कार्यकालमा जिल्ला विकास समितिको हालको भूमिका र मर्यादालाई कायम राख्दै अझ उचो बनाउन आफुले सक्दो प्रयास गर्ने बताउनु भयो । स्थानीय सरकारको रुपमा जिल्ला विकास समितिसंग सवैले अपेक्षा राख्नु स्वाभाविक भएका तर सवै अपेक्षाहरुलाई एकैपटक पुरा गर्न नसकिने भएकोले आवधिक जिल्ला विकास योजनाको लक्ष र प्राथमिकताको आधारमा योजना तर्जुमा र कार्यान्वयन गर्दै जान सकिएमा नागरिकका अपेक्षा क्रमशः पुरा हुँदै जाने बताउनु भयो । राजनैतिक दल, विषयगत सरकारी कार्यालय लगायत अन्य सरोकारवालाहरुसंगको समन्वयकाका साथै कार्यालयको नेतृत्वदायी भूमिकामा स्थानीय विकास अधिकारी रहने र संस्थागत उद्देश्य हासिल गर्न शाखा प्रमुख तथा कर्मचारीहरुले आ–आफ्नो जिम्मेवारी पुरा गर्ने विश्वास व्यक्त गर्नुभयो । यसअघि स्थानीय विकास अधिकारीलाई प्रमुख जिल्ला ईन्जिनियर  भरत अर्यालले कार्यालयको तर्फवाट स्वागत गर्नुभएको थियो । स्थानीय विकास अधिकारीको स्वागतको अवसरमा बोल्दै प्रमुख जिल्ला ईन्जिनियरले कार्यालयको विगतको समिक्षा, वर्तमान अवस्थाको बारेमा जानकारी पेश गर्नुभएको थियो । योजना अनुगमन तथा प्रशासकीय अधिकृत युवराज अर्यालले कार्यक्रम संचालन गर्नुभएको थियो ।

नेपाल सरकारको मिति २०७२ को निर्णय अनुसार जिल्ला विकास समितिको कार्यालय धादिङमा सरुवा भई आउनु भएको स्थानीय विकास अधिकारी भगवान अर्यालज्यूलाई कार्यालयले बुधवार एक कार्यक्रम गरी स्वागत गरेको छ । स्थानीय विकास अधिकारी अर्याल यसअघि हेटौंडा उमपहानगरपालिकाको कार्यकारी अधिकृतको रुपमा कार्यरत हुनुहुन्थ्यो ।