एकको मृत्यु ५१ अस्पताल भर्ना, ‘फुड पोइजन’को महामारी फैलिएको अनुमान

मंगलवारको एक सामुहिक भोज खाएका नुवाकोटको काहुले गाउँ विकास समितिका नागरिकहरुमा महामारी सुरु भएको छ । एक जनाको मृत्यु भइसकेको छ भने ५२ जनाको अस्पतालमा उपचार भइरहेको छ । अन्य विरामीहरुलाई उपचारका लागि सदरमुकाम ल्याउने क्रम पनि जारी रहेको छ ।

मंगलवार काहुले वडा नं. ८ मा जन्मदिनको भोज खाएका सोही गाविसको वडा नं. ८ र ६ का नागरिकहरु हिजोदेखि विरामी पर्न थालेका हुन् । हिजो दिउँसोभरी गाउँमै जडिबुटी प्रयोग गरेर गाउँलेहरु बसेकोमा प्रत्येक घरमा रोग फैलन थालेपछि गएरातीबाट विरामीलाई सदरमुकाम ल्याउन थालिएको छ । अहिले जिल्ला अस्पताल त्रिशुलीमा ४१ जनाको उपचार भइरहेको छ भने विदुर स्थित सिटी अस्पतालमा ११ जनाको उपचार भइरहेको जिल्ला प्रहरी कार्यालय नुवाकोटले जनाएको छ ।