धादिङ,१ असार ( धादिङन्युज)। सिपी कलेज तथा चिल्ड्रेनपार्क उ.मा.वि.को आयोजनामा शनिबार धादिङ्बेसीमा एस.एल.सी परीक्षा नतिजा २०६९को समिक्षा,सामुदायिक तथा संस्थागत विद्यालयबीचको सम्बन्ध विषयक अन्तरक्रिया कार्यक्रम असार १ गते सम्पन्न भएको छ । पाठ्यक्रम विद् एल.पि. शर्माको प्रमुख अतिथ्यतामा भएको कार्यक्रममा नलाङ,मैदि,ढोला,खरी,ज्यामरुङ,मुरलीञ्याङ्,साङ्कोष,खाल्टे,नीलकण्ठ,र सुनौलाबजारका सामुदायिक तथा संस्थागत विद्यालयका प्राचार्य,प्रधानाध्यापकहरुको उपस्थिति रहेको थियो । अन्तरकृया कार्यक्रमको अध्यक्षता चिल्ड्रेनपार्क उ.मा.वि.का अध्यक्ष विनोदमान श्रेष्ठले गर्नु भएको थियो । कार्यक्रममा दुबै खाले विद्यालयकोवीच विभिन्न सहयोगका माध्यमबाट गुणस्तर सुधारका निम्ती सहकार्य गर्ने प्रतिबद्धता भएको थियो ।