विद्यालयमा अनौठो रोग दैनिक विद्यार्थी बेहोस

धादिङ-विद्यार्थीहरू विद्यालयमा आउँछन् । बेन्चमा बस्न नपाउँदै भुइँमा ढलिहाल्छन् । भुइँमा ढलेपछि चिच्याउने, कराउने, घाँटीमा न्याक्ने, हाँस्ने, काँप्नेजस्ता फरक फरक लक्षण देखाउँछन् । भुइँमा ढलेर बर्बराउँदै बचाऊबचाऊसमेत भन्छन् । यो धादिङको सिद्धलेक गाउँपालिका–४ स्थित आरुबासमा रहेको कालीदेवी माविका विद्यार्थीमा देखिएको अनौठो रोग हो । यस्तो समस्या पहिलोपटक देखिएको होइन । अघिल्लो वर्ष पनि दुई जना विद्यार्थीमा यस्तै लक्षण देखिएको थियो तर त्यो मासमा फैलन पाएन । यसपटक अहिलेसम्म ३५ जनामा यस्तो लक्षण देखिसकेको राजधानी दैनिकमा खबर छ ।