वागेश्वरी माविका विद्यार्थीमा ‘कन्भर्सन डिसअर्डर’को समस्या-एक साताका लागि बिद्यालय वन्द

धादिङ, ४ असार -गल्छी गाउँपालिका–६ बैरेनी वजारमा रहेको वागेश्वरी माध्यमिक बिद्यालयका केही बिद्यार्थीमा अनौँठो समस्या देखा परेको छ। बिद्यार्थी बेहोस हुने, चिच्याउने, लड्ने जस्ता समस्या निरन्तर देखिएपछि आगामी आईतबार सम्मका लागि बिद्यालय वन्द गरिएको छ ।  विद्यालयमा  केही दिनदेखि एउटा छात्रा चिच्याएर कराउने र अर्ध बेहोस अवस्थामा लडेपछि एकपछि अर्को गर्दै अन्य विद्यार्थीमा पनि यस किसिमको समस्या आएको विद्यालयका प्रधानाध्यापक राजनप्रसाद अधिकारीले वताउनु भयो ।