सुनखानीमा बोलेरो जिप दुर्घटना १२ जना घाईते

धादिङ, २६ मंसिर – सदरमुकाम धादिङबेसीबाट ज्वालामुखी गाउँपालिकाको ढोलातर्फ जाँदै गरेको बोलेरो जिप दुर्घटना भएको छ । दुर्घटनामा १२ जना घाइते भएका छन् घाईते मध्ये गम्भिर अबस्थाका २ जनालाई हेलिकप्टर मार्फत र अन्य ७ जनालाई एम्बुलेन्स मार्फत काठमाण्डौं लगिएको छ ।

दुर्घटनामा गम्भीर घाइते भएका योगेश्वर अर्याल र उहाँको श्रीमती कृष्णमाया अर्याललाई मनाङ एयरको 9N-AMV हेलिकोप्टरमार्फत काठमाडौँ लगिएको हो ।

सदरमुकाम धादिङबेसीबाट ढोला तर्फ गईरहेको बा. २० च ७२५६ नम्बरको बोलेरो जिप विहिवार विहान १० वजे तिर ज्वालामुखी गाउँ पालिका वडा नं. ४ सुनखानीमा दुर्घटना भएको हो । घाइतेहरुलाई थप उपचारको लागि ट्रमा सेन्टर लगिएको हो । यस्तै गम्भीर घाईते भएकामध्ये ७ जनालाई एम्बुलेन्समार्फत थप उपचारको लागि काठमाडौँ लगिएको छ । दुर्घटनाको खबर आउनासाथ सदरमुकाम धादिङबेसीबाट रेडक्रसकर्मी, स्वयंसेवक टोली घटनास्थल गएको थियो ।

दुर्घटना परि घाईते हुनेहरुमा योगेश्वर अर्याल, कृष्णमाया अर्याल,राधिका अर्याल,सुमन श्रेष्ठ, निकबहादुर बस्नेत, भोजबहादुर अर्याल, रामबहादुर अर्याल, दिपक श्रेष्ठ, मिथुन रम्तेल, सरोज अर्यालका साथै भारतीय नागरिक नहिन, अम्दिन अन्सारी रहेको जिल्ला प्रहरी कार्यालय धादिङले जनाएको छ । दुर्घटना हुनाको कारण अनुसन्धान भईरहेको धादिङका प्रहरी प्रवक्ता रुपक खड्काले जानकारी दिनुभयो ।