पाँच सयले बढ्यो सुनको मूल्य, तोलाको कति पुग्यो ?

काठमाडौं । सुनचाँदीको मूल्य आज ५ सयले बढेको छ । यो संगै आज छापावाल सुन प्रतितोला एक लाख १२ हजार ७०० रुपैयाँमा कारोबार भइरहेको छ। मंगलबार छापावाल सुन प्रतितोला एक लाख १२ हजार २०० रुपैयाँमा कारोबार भएको थियो ।

नेपाल सुनचाँदी व्यवसायी महासंघका अनुसार यस दिन चाँदीको मूल्य पनि १० रुपैयाँ बढेर प्रतितोला एक हजार ४६५ रुपैयाँमा कारोबार भएको हो । मंगलबार चाँदी प्रतितोला एक हजार ४५५ रुपैयाँमा कारोबार भएको थियो ।

आज तेजाबी सुन प्रतितोला एक लाख १२ हजार १५० रुपैयाँमा कारोबार भएको छ । मंगलबार तेजाबी सुन प्रतितोला एक लाख ११ हजार ६५० रुपैयाँमा कारोबार भएको थियो ।