भदौ ७, २०८०
काठमाडौं । नेपाली कांग्रेसले आज र भोलि (भदौ ७ र ८ गते) पार्टीको झण्डा आधा झुकाउने भएको छ ।
नेपाली काँग्रेसका पूर्व केन्द्रिय सदस्य डा.राजाराम कार्कीको निधनमा पार्टीको झण्डा झुकाउने निर्णय केन्द्रीय समितिको आकस्मिक बैठकले गरेको हो ।
बिहीबार बिहान बसेको बैठकले कार्कीको निधनमा शुक्रबार केन्द्रीय र जिल्ला कार्यालयहरु बन्द गर्ने निर्णय गरेको छ ।
कार्कीको आज बिहीबार नै पशुपति आर्यघाटमा दाहसंस्कार गरिने छ । ६६ वर्षका कार्कीको बुधबार निधन भएको थियो ।