मोरङको उर्लाबारीमा मोटरसाइकल दुर्घटना हुँदा एक जनाको मृत्यु

काठमाडौँ । मोरङको उर्लाबारीमा भएको दुर्घटनामा एक जनाको मृत्यु भएको छ ।

उर्लाबारी नगरपालिका-४ स्थित सडकमा प्र.१-०२-०५२ प ४२४१ नम्बरको मोटरसाइकललाई प्र.३-००१ क ००९५ नम्बरको टिपरले आज बिहान ठक्कर दिँदा मोटरसाइकल चालक सप्तरी तिरहुत गाउँपालिका-५ बस्ने २८ वर्षीय निरज यादवको मृत्यु भएको हो ।

दुर्घटनामा गम्भीर घाइते भएका उनको मदन भण्डारी ट्रमा सेन्टर मंगलबारेमा उपचारको क्रममा मृत्यु भएको हो । टिपर चालकलाई प्रहरीले नियन्त्रणमा लिएको हो । दुर्घटनाका सम्बन्धमा प्रहरीले थप अनुसन्धान गरिरहेको छ ।