लिभरपुल इंग्लीश प्रिमियर लिगको शीर्ष स्थानमा

काठमाडौं । शेफिल्ड युनाइटेडलाई हराउँदै लिभरपुल इंग्लीश प्रिमियर लिग फुटबलको शीर्ष स्थानमा फर्किएको छ ।

बिहीबार राति आफ्नै मैदानमा भएको खेलमा लिभरपुलले शेफिल्ड युनाइटेडलाई ३–१ ले हरायो । लिभरपुलका लाग डार्विन नुनेज, म्याक अलिष्टर र कोडी ग्याक्पोले एक एक गोल गरे ।

शेफिल्डका ब्राड्लेले एक गोल गरेका थिए । प्रिमियर लिगकै अर्को खेलमा चेल्सीले म्यान्चेस्टर युनाइटेडलाई ४–३ ले हरायो । आफ्नै मैदानमा भएको खेलमा चेल्सीलाई विजयी गराउन कोल पाल्मरले ह्याट्रिक गर्दा गालाघारले एक गोल गरे ।

पाल्मरले इन्जुरी समयको दशौं र एघारौं मिनेटमा एक एक गोल गर्दै टोलीलाई जिताएका हुन् । म्यान्चेस्टर युनाइटेडका लागि गार्नाचोले दुई गोल गरेभने ब्रुनो फर्नान्डेजले एक गोल गरे ।

गएरातिका खेलहरुपछि प्रिमियर लिगको अंक तालिकामा ३० खेलबाट ७० अंक जोडेको लिभरपुल शिर्ष स्थानमा उक्लिँदा ६८ अंकसहित आर्सनल दोस्रो तथा ६७ अंकसहित म्यान्चेस्टर सिटी तेस्रो स्थानमा रहेका छन् ।