एप्पलले नयाँ संस्करणको आइफोन सार्वजनिक गरेपछि यसका विषयमा विभिन्न विश्लेषण र समाचारहरु आइरहेका छन्। यसको मूल्य, सुविधा र अरुसँगको तुलना। यसको सबै भन्दा धेरै चर्चा भएको सुविधा हो फिंगर प्रिन्ट (औंठा छाप)को। जुन आइफोन सार्वजनिक हुनु भन्दा निक्कै अघि देखी नै प्रविधि मञ्चहरुमा चर्चाको विषय बनेको थियो। आइफोनको होम बटनमा रहेको यो फिंगर प्रिन्टको सुविधाले फोन र त्यसमा रहेका डाटाको गोप्यतालाई बलियो पार्ने अपेक्षा गरिएको छ। तर सुरक्षा विज्ञ तथा अध्येताहरुले भने आइफोनमा रहेको यसखालको फिंगर प्रिन्टको सुविधाले फोन लिनेको सुरक्षामा नै खतरा पुरयाउने बताएका छन्।