कोराक (चितवन), माघ २४ – यहाँ मलेखु-भण्डारा चेपाङ मार्गको ट्रयाक खुलेपछि पहाडी गाविसका बासिन्दाको यातायात पहुँच बढेको छ । उक्त मार्गको कात्तिक २२ बाट ट्रयाक खोल्ने काम पूरा भएको हो । अहिले उक्त सडक खण्डमा दैनिक साना सवारी सञ्चालनमा छन् । स्थानीय निकायबाट सुरुमा १९ किमि ट्रयाक खोलिएको थियो । पछि सडक डिभिजन कार्यालय भरतपुरले निर्माणलाई तीव्रता दिएको थियो । सडक निर्माणमा अहिलेसम्म निर्माणमा १९ करोड खर्च भइसकेको छ ।