शिक्षाशास्त्र नपढेकाले समेत शिक्षक लाइसेन्स लिन पाउने

417 पटक पढिएको

प्रकाशित मिति: ११ फाल्गुन २०७१, सोमबार ०७:२५

सम्पादक: Dhading News

teacher

काठमाडौ, फाल्गुन ११ – सरकारले शिक्षा मन्त्रालयको प्रस्तावमा शिक्षक सेवा आयोगको नियमावली संशोधन गरी शिक्षाशास्त्र नपढेकाले पनि शिक्षक अध्यापन अनुमति पत्र (लाइसेन्स) लिन पाउने व्यवस्था गरेको छ । नियमावलीमा विज्ञान, गणित, अंग्रेजी, लेखा, कम्प्युटर, सिभिल इन्जिनियरिङ, इलेक्टि्रक इन्जिनियरिङ, पशुपालन र बालीविज्ञान विषय अध्ययन गरेकाहरूले समेत शिक्षक लाइसेन्स लिन पाउने व्यवस्था गरेको हो इ कान्तिपुर डट कमले खबर लेखेको छ ।

यसअघि शिक्षाशास्त्र पढेका वा दसमहिने शिक्षक तालिम लिएकाले मात्र स्थायी लाइसेन्स लिन पाउँथे । २०५९ सालबाट लागू भएको लाइसेन्सको व्यवस्था भएको हो । प्रवेशिका -एसएलसी) परीक्षामा गणित, विज्ञान, अंग्रेजीलगायत विषयमा अधिक विद्यार्थी अनुत्तीर्ण भएपछि नयाँ व्यवस्था गर्नु परेको जनाइएको छ ।

विज्ञहरूको सुझावअनुसार शिक्षाशास्त्रबाहेक विभिन्न संकायमा पढेकालाई लाइसेन्सको अनुमति खुला गरिएको हो । यो व्यवस्थाले विषयगत शिक्षणमा प्रतिस्पर्धा बढाउन मद्दत पुग्ने ठानिएको छ । मन्त्रालयले केही दिनअघि नियमावली संशोधन गरी नयाँ व्यवस्था गरेको हो । लाइसेन्सको परीक्षामा कम्तिमा ५० अंक हासिल गर्नेले मात्र लाइसेन्स पाउनेछन् । यसअघि ४० अंक प्राप्त गर्नेले पाउँथे ।

यी विषयमा स्नातक हासिलले तालिममा सेवा आयोगबाट खोलिन शिक्षक लाइसेन्सको परीक्षा दिन पाउने न् । ‘माध्यमिक तहलाई लक्षित गरी यो व्यवस्था भएको हो,’ नयाँ व्यवस्थाले समस्या पनि निम्तिएको उल्लेख गर्दै आयोगका अध्यक्ष उदयराज सोतीले कान्तिपुरसित भने, ‘कतिपय विषय शिक्षाशास्त्रमा पनि छन् । शिक्षक बन्ने उद्देश्यले शिक्षाशास्त्र पढेका विद्यार्थीलाई बाधा पुग्नेछ ।’

अन्य संकायबाट लाइसेन्सप्राप्त शिक्षकले स्थायी पदपूर्तिमा छनोट भएपछि पाँच वर्षभित्र शिक्षाशास्त्रको तालिम लिनुपर्नेछ । नत्र बढुवामा उम्मेदवार हुन नपाउने निमावलीमा उल्लेख छ । शिक्षाविद् विद्यानाथ कोइरालाले शिक्षणपद्धति सन् १९५४ देखि आजसम्म ‘लडाइँको विषय’ बनिरहेको बताए । ‘विषयगत दक्षता भएका र तालिम पनि पाएका हुनुपर्ने हो,’ सरकारको निर्णय कार्यान्वयन हुनुपर्ने उल्लेख गर्दै उनले भने, ‘तर आफ्नो मान्छेलाई अवसर दिन राजनीतिक स्वार्थसहित ऐन, नियमावली अघि सारिएकाले शिक्षा कमजोर भयो । अब विषयगत दक्षता भएकालाई शिक्षण मौका दिन तालिम पनि सँगै दिइन जरुरी छ ।’

नियमावलीले यसअघि अस्थायी लाइसेन्स लिएकाहरुको ‘२०७१ कात्तिक २२ भित्र तालिम लिइसक्नु पर्ने’ भनेकोमा ‘२०७५ कात्तिकभित्र’ भनेर म्याद थप गरेको छ । अहिलेसम्म स्थायी दरबन्दीमा कार्यरत अस्थायी शिक्षकलाई मात्र पदपूर्ति हुँदा बढीमा ‘कार्यानुभव बापत १२ अंक’ दिइदैआएको थियो भने अहिले अनुदान/राहत कोटामा कार्यरतसमेतलाई उक्त अंक दिने व्यवस्था गरिएको छ । विज्ञापनै नगरी नियुक्ति राहत शिक्षकलाई कार्यानुभव दिनु ऐनसंगत नभएको आयोगका सदस्य सीताराम पोखरेलले बताए ।

निमावलीले पदपूर्तिका निम्ति रिक्त दरबन्दीको रेकर्ड सम्बन्धित जिल्ला शिक्षा कार्यालयबाट विभागमा पठाउने र त्यसको दुईमहिनाभित्र शिक्षक सेवा आयोगमा पदपूर्ति प्रक्रियाका निम्ति जानकारी दिने भनेको छ । यसअघि शिक्षा कार्यालयबाट सिधै आयोगलाई जानकारी दिइन्थ्यो । शिक्षा ऐनमा भने सम्बन्धित शिक्षा कार्यालयबाट आयोगलाई जानकारी दिने भन्ने उल्लेख छ ।

‘घुमाउरो पाराले आयोगको कामकाजलाई अल्झो हाल्ने काम भएको छ,’ पोखरेलले भने, ‘ऐनलाई नाघेर नियमावलीमा उल्लेख हुनु युक्तिसंगत छैन ।’ । आयोगले ०५२ सालपछि गत वर्ष देशभरि एकसाथ माध्यमिक, निम्न माध्यमिक र प्राथमिक तहका गरी १३ हजार ५९ सिटको पदपूर्ति गरेको थियो । चालू आर्थिक वर्षमा करिब ७ हजार रिक्त दरबन्दीमा पदपूर्तिको तयारी गरेको जनाएको छ । तर, नियमावलीले गरेको नयाँ व्यवस्थाले पदपूर्तिमा बाधा पुग्ने देखिएको पदाधिकारीको ठम्याइ छ ।



धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो ।

११ फाल्गुन २०७१, सोमबार ०७:२५ मा प्रकाशित

धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो । आम नागरिकलाई सूचना, समाचार, विचार, विश्लेषण र विविध विषयमा सुसूचित गर्ने ध्येयका साथ संचालनमा रहेको धादिङ न्यूज डट कम निस्पक्ष सूचना र संचारको संवाहक हो । हामी स्वतन्त्र छौं, हामी कुनै पनि राजनीतिक. सामाजिक तथा अन्य किसिमका पूर्वाग्रहबाट अलग छौं । तपाईंको सूचना र संचारको हकको लागि समाजका विकृति र विसंगतिहरू बिरुद्ध हामी निरन्तर कलम चलाइरहनेछौँ । हामीलाई सूचना जानकारी उपलब्ध गराएर हाम्रो यस अभियानमा तपाईंले पनि साथ् दिन सक्नुहुनेछ ।  धादिङ जिल्लाको सूचना, समाचार, विचार र मनोरञ्जन छिटो छरितो रूपमा विश्वभर पुर्याउनु हाम्रो मुख्य उद्देश्य रहेको छ । ‘धादिङ न्यूज’ यहाँहरू सबैको डिजिटल पत्रिका हो ।व्यवसायको लागि विज्ञापन लगानी हो,धादिङ न्यूज डट कम मा कुनै पनि विज्ञापन वा सन्देश संप्रेषण गर्न  चाहनुहुन्छ भने हामीलाई सम्पर्क गर्न सक्नुहुनेछ ।

 

 

समाचार

सबै

सांसद भूमी त्रिपाठीद्वारा स्थानीय पूर्वाधार विकास साझेदारी कार्यक्रम सार्वजनिक

धादिङ । धादिङ जिल्ला निर्वाचन क्षेत्र नं १ का प्रतिनिधिसभा सदस्य भूमी त्रिपाठीले आर्थिक वर्ष २०७७/७८को स्थानीय पूर्वाधार विकास साझेदारी कार्यक्रम अन्तर्गत छनोट भएका योजना र बिनियोजित बजेट सार्वजनिक गर्नु.....

बूढीगण्डकी क्षेत्रका प्रभावित घरगोठको मुआब्जा माग्दै धर्नामा

धादिङ : राष्ट्रिय गौरवको आयोजनाको रुपमा चर्चा पाएपनि निर्माण कसरी हुने भन्ने बिषयमा गर्ने भन्ने टुंगो लाग्न.....

धादिङका पाँच स्थानीय तहमा अस्पताल शिलान्यास

धादिङ, १५ मंसिर । धादिङको पाँच वटा स्थानीय तहमा एकैदिन ५ वटा अस्पतालको शिलान्यास भएको छ । गुणस्तरीय आधारभूत.....

गोलभेँडाको दोब्बर मूल्य पाउँदा गौँथलेका किसान दङ्ग

नारायण ढुङ्गाना / (रासस) धादिङ : गत वर्ष उत्पादन कम र भाउ न्यून हुँदा धादिङ जिल्लाको सिद्धलेख गाउँपालिका वडा.....

नाबालिका बलात्कारको अभियोगमा त्रिपुरासुन्दरीका प्रकाश पक्राउ

पोखरा - नाबालिका बलात्कार गरेको अभियोगमा एक युवक पक्राउ परेका छन् । पक्राउ पर्नेमा धादिङ त्रिपुरासुन्दरी.....

Categories