धादिङ६ मंसिर २०८१। बिद्यालयमा रिक्त रहेको गणित बिषयको शिक्षकका लागि सार्वजनिक सूचना प्रकाशित गरी शिक्षक माग गर्दा पनि पाचौं पटक सम्म कसैले दरखास्त नदिएपछि धादिङको धादिङको पिण्डेश्वरी माध्यमिक विद्यालयले छैटौँपटक गणित शिक्षकका लागि आवेदन माग गरेको छ।

गजुरी–४, गैरीगाउँमा रहेको उक्त विद्यालयले संघीय अनुदान कोटामा मंसिर ६ गते छैटौँपटक आवेदन माग गरेको हो।

विद्यालयले माध्यमिक तहका लागि एकजना शिक्षकका लागि विज्ञापन गरिएको जनाएको छ।

शिक्षकको अभावले बिद्यार्थीको पढाई प्रभावित हुंदै गएपछि बिद्यालयले छैटौं पटक प्रकाशित गरेको सूचनामा  अध्यापन अनुमति पत्र (लाइसेन्स) नभए पनि स्नातक तह उत्तीर्ण भएका जो कोहीले पनि आवेदन दिन सकिने बताएको छ। परीक्षाको किसिम लिखित र अन्तर्वार्ता हुने सूचनामा उल्लेख छ ।

दरखास्त दिने अन्तिम मिति यही मंसिर १० गतेसम्म तोकिएको छ। आवश्यक कागजातहरूमा शैक्षिक योग्यताका प्रमाण पत्रका प्रतिलिपिहरू र नेपाली नागरिकताको प्रतिलिपि भए पुग्ने विद्यालयले सूचनामा जनाएको छ।