एसएलसीमा खटिनेको भत्ता बढ्यो

214 पटक पढिएको

प्रकाशित मिति: १९ फाल्गुन २०७१, मंगलवार २१:३५

सम्पादक: धादिङ न्यूज

भक्तपुर – यस बर्षको एसएलसी परीक्षामा खटिने कर्मचारीको भत्ता बढेको छ । परीक्षामा खटिने केन्द्राध्यक्ष, सहायक केन्द्राध्यक्ष, निरिक्षक, सुरक्षाकर्मी र कार्यालय सहयोगीको भत्ता बढेको परीक्षा नियन्त्रण कार्यालयले जनाएको छ ।

slc board-edukhabarदैनिक ५ सय भत्ता पाउने केन्द्राध्यक्षले यो बर्ष ८ सय रुपैंया पाउने छन् । यस्तै दैनिक ३ सय ५० पाउने सहायक केन्द्राध्यक्षले ५ सय, दैनिक २ सय पाउने नीरिक्षकले ३ सय ५०, दैनिक ५० रुपैंया पाउने सुरक्षाकर्मीले १ सय ५० रुपैंया र दैनिक १ सय पाउने कार्यालय सहयोगीले २ सय रुपैंया पाउने कार्यालयले जनाएको छ ।

समय सापेक्ष हिसाबमा भत्ता बृद्धि गरिएको नियन्त्रक विष्णुबहादुर द्धारेले बताए । ‘महँगी लगायतका कारणले भत्ता बढ्नु पर्ने माग उठिरहेको थियो, त्यहि कुरालाई सम्बोधन गरिएको हो’ उनले भने ।

कापी परिक्षणको भत्ता भने यस अघिनै बढाईसकिएको छ । प्रति कापी परिक्षणको १५ रुपैंया दिईदैँ आएकोमा यस बर्ष देखि २० रुपैंया र सम्परिक्षणको ४ बाट ५ रुपैंया पुर्याईएको छ एडु खबर डट कमले खबर लेखेको छ ।

यस बर्षको एसएलसीका लागि निर्धारण गरिएको १ हजार ८ सय ६२ केन्द्रमा एक एक जना केन्द्राध्यक्ष, २ हजार ४ सय ४० जना सहायक केन्द्राध्यक्ष, २ हजार ३ सय १४ जना निरिक्षक, ७ हजार ६ सय ९९ जना कार्यालय सहायक, २७ हजार ९ सय ३० सुरक्षाकर्मी परिचालन गरिने उनले बताए ।

परीक्षाका सबै भन्दा धेरै काठमाडौंमा ९१ र सबै भन्दा थोरै मनाङ् र मुस्ताङ्मा एक एक वटा केन्द्र निर्धारण गरिएको छ ।
गत बर्ष १ हजार ८ सय ३६ केन्द्र थियो । विद्यार्थी संख्या बढेकाले केन्द्र थप भएको बताउँदै द्धारेले यस बर्ष हरेक केन्द्रमा १५ जना सुरक्षाकर्मी परिचालन गरिने बताए । गत बर्ष एउटा केन्द्रमा १० सुरक्षाकर्मीको ब्यवस्था गरिएको थियो ।

परीक्षामा नियमित र आशिंक गरी ५ लाख ७४ हजार ६ सय ८५ विद्यार्थी सहभागि हुदैँछन । नियमित तर्फ ४ लाख २६ हजार २ सय १४ र एक्जाम्टेड तर्फ १ लाख ४५ हजार १ सय ८३ विद्यार्थी सहभागि हुने कार्यालयले जनाएको छ ।

मनाङ्मा सबै भन्दा थोरै ७४ जना र सबै भन्दा धेरै काठमाण्डौंमा ३४ हजार ५ सय ८७ विद्यार्थीले एसएलसी दिदैं छन् । यस बर्षबाट शुरु भएको प्राविधिक धार तर्फ ३ हजार २ सय ८८ विद्यार्थी सहभागि हुँदैछन् ।

 



धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो ।

१९ फाल्गुन २०७१, मंगलवार २१:३५ मा प्रकाशित

समाचार

सबै

काठमाण्डौंमा जागिरे धादिङकी महिलामा कोरोना संक्रमण

धादिङ, २३ जेठ - रोजगारीको लागि राजधानी बस्दै आएकी धादिङको धुनिबेसी नगरपालिका वडा नम्बर ३ छत्रेपाटी महेशफाँट घर भएकी एक महिलालाई कोरोना भाइरस संक्रमण भएको पुष्टि भएको छ । यो संगै कोरोना संक्रमित हुने धादिङ.....

लकडाउनलाई अवसरका रुपमा लिऔं

सानुबाबु तिमिल्सिना सिद्धलेक गाउँपालिका वडा नम्वर १ स्थित बैरेनी क्षेत्रका युवाहरुले अहिले जारी लकडाउनको.....

किन हामी फेसबुक र चटपटेप्रेमी भएको ?

मेरो सुकौरा म आजभोली सामाजिक संजाल फेसबुकमा दैनिक १० औं घण्टासम्म झुन्डिरहने मानिसहरु देखिरहेका छु । म.....

धादिङमा चौथो संक्रमित भेटिएपछि गाउँ गरियो शिल

धादिङ । धादिङको सिद्धलेक गाउँपालिका वडा नं ५ घर भएकी २३ वर्षिया महिलालाई कोरोना भाइरस संक्रमण भएको पुष्टि भएपछि.....

काेराेना संक्रमित धादिङकी महिला ३८ हप्ते गर्भवती

धादिङ-धादिङको सिद्धलेक गाउँपालिका घर भएकी २३ बर्षिया एक महिलालाई कोरोना संक्रमण भएको पुष्टि भएको छ.....

Categories