अमेरिकामा निधन भएकी धादिङकी निशा कार्कीको परिवारलाई ४५ लाख सहयोग

34 पटक पढिएको

प्रकाशित मिति: २८ माघ २०७३, शुक्रबार ११:३९

सम्पादक: Dhading News

holy-himalayan-trust-1024x659 काठमाडौ । अमेरिकाको ओक्लाहोमा मृत्यु भएकी निशा कार्कीको परिवारलाई रु ४५ लाख सहयोग गरिएको छ । नेप्लिज सोसाइटी टेक्सस, अमेरिकाबाट सङ्कलन गरिएको रु ३३ लाख ५० हजार र ओक्लाहोमा एसोसिएसन अफ नेप्लिज एण्ड द युनिभर्सिटी कम्युनिटीबाट सङ्कलित करिब रु ११ लाख २० हजार गरी जम्मा रु ४५ लाख रकम नेपालको होली हिमालय ट्रस्टमार्फत सहयोग गरिएको हो । काठमाडौँमा एक कार्यक्रमकाबीच सिँचाइमन्त्री दिपक गिरीले उक्त सहयोग रकमको चेक स्व. कार्कीकी आमा कल्पनालाई हस्तान्तरण गरेका हुन् । अमेरिकाको ओक्लाहोमा इस्ट सेन्ट्रल युनिभर्सिटीमा नर्सिङ विषय अध्ययनरत धादिङकी कार्कीको गत नोभेम्बर १६ (मङ्सिर १०) गते हृदयाघातका कारण मृत्यु भएको थियो । उनी एक मात्र छोरी हुन् । सानै उमेरमा बुबा गुमाएकी थिइन् । कार्कीको निधनलगत्तै दुई हप्ताको अवधिमा नेपाली समुदायबाट करिब ८० हजार डलर सङ्कलन गरिएको र बाँकी उनी अध्ययनरत युनिभर्सिटीका एक हजार २८४ विद्यार्थीमार्फत रकम सङ्कलन भएको सोसाइटीका अध्यक्ष कृष्ण लामिछानेले बताए । सो अवसरमा सिँचाइमन्त्री गिरीले नेप्लिज सोसाइटीले नेपालीको पीडामा सहयोगका साथै अमेरिकामा नेपाली संस्कृति संरक्षण, शैक्षिक प्रवद्र्धनमा खेलेको भूमिकाको सराहना गरे । उनले अमेरिकामा मात्र नभई धेरै मुलुकमा विभिन्न सिलसिलामा जाने नेपालीमाथि यस्ता दुःखद् र पीडादायी घटना हुने गरेको र त्यहाँस्थित नेपाली राजदूतावासले समन्वय र प्रभावकारी काम गर्न नसकेको टिप्पणी गरे ।

Nisha-Karki सोसाइटीका अध्यक्ष लामिछानेले एक वर्षको अवधिमा अमेरिकामा १२ जना नेपालीको निधन भएको र यो अवधिमा अमेरिकास्थित नेपाली राजदूतावासले कुनै समन्वय र सहयोग नगरेकामा दुःखेसो पोखे । यसैबीच, गत वर्षको भूकम्पमा परी मुत्यु भएकी सिर्जना श्रेष्ठको स्मृतिमा रु पाँच लाख अक्षय कोषको घोषणा गरिएको छ । २०७३ वैशाख १२ देखि नै कार्यान्वयनमा आएको उक्त रकमको ब्याजमार्फत धादिङकै कृषि प्राविधिक शिक्षालयमा जेहेन्दार विद्यार्थीलाई हरेक वर्ष रु ५० हजार प्रदान गरिने कोष व्यवस्थापनको जिम्मा लिएको होली हिमालयन ट्रस्टकी निर्देशक आशा गुरुङले जानकारी दिइन् । सो अवसरमा पीडित परिवारलाई सहयोग रकम जुटाउन महत्वपूर्ण भूमिका खेलेका नेप्लिज सोसाइटी टेक्ससका अध्यक्ष लामिछाने र महासचिव कमल सत्याललाई ट्रस्टको तर्फबाट सम्मान गरिएको थियो । त्यसैगरी, अक्षय कोष स्थापना गर्न सहयोग गर्नुहुने स्व. सिर्जनाकी आमा भारती श्रेष्ठ र पर्यटन व्यवसायी रामप्रसाद सापकोटालाई सम्मान गरिएको थियो यो समाचार हामीले अर्थतन्त्र डट कमबाट लिएका हौं ।


२८ माघ २०७३, शुक्रबार ११:३९ मा प्रकाशित

Dhading Galaudi mahotsav 2073

समाचार

सबै

निर्वाचनका लागि मतदान केन्द्रमा कम्तीमा नौ जना कर्मचारी

काठमाडौं-निर्वाचन आयोगले एक मतदान केन्द्रमा कम्तीमा नौ जना कर्मचारी खटाउने तयारी गरेको छ । आयोगले मतदाता संख्याका आधारमा मतदान केन्द्रमा खटाउने कर्मचारीको सूची तय गरेको छ । २ सय ५० मतदाता भएको मतदान.....

प्रकाश दाहालको पार्थिव शरीरलार्इ अन्तिम बिदाई (हेर्नुहोस् फोटोफिचर)

काठमाडौँ, मंसिर ३ । आकस्मिक हृदयघातका कारण निधन भएका माओवादी केन्द्रका केन्द्रीय सदस्य तथा अध्यक्ष पुष्पकमल.....

एमाले नेता भुमि त्रिपाठीलाई लक्षित गरि एम्बुस बिस्फोट

एमाले नेता भुमि त्रिपाठीलाई लक्षित गरि एम्बुस बिस्फोट धादिङ । धादिङ क्षेत्र नं १ बाट उम्मेद्वारी दिएका भुमि.....

धादिङमा २ लाख ३३ हजार मतदाताले मतदान गर्न पाउने

 धादिङ । मंसिर १० गते हुन गईरहेको  प्रतिनिधि सभा र प्रदेश सभा निर्वाचनमा धादिङ जिल्लाका २ लाख ३३ हजार  मतदाताले.....

डा. महतलाई लक्षित गरि एम्बुस विस्फोट

क्षेत्र १ प्रदेश ख का उम्मेदवार रमेशकुमार महतको फेसबुकबाट साभार फोटो । नुवाकोट क्षेत्र नं. १ का उम्मेदवार.....

netrawati 3x2 = 20pcs

dashai-shub-kamana