गाउँ गाउँमा मनोविमर्शकर्ता तयार पार्दै उत्थान नेपाल

261 पटक पढिएको

प्रकाशित मिति: २९ बैशाख २०७६, आईतवार २१:२८

सम्पादक: Dhading News

धादिङ-मनोसामाजिक समस्यामा परेको व्यक्तिहरुलाई समयमै मनोविमर्श सेवा दिई उनिहरुको अवस्थामा सुधार ल्याउन सघाउ पु¥याउने उद्धेश्यले उत्थान नेपालले धादिङमा आफ्नो सेवा शुरु गरेको छ । धादिङ जिल्लाको नीलकण्ठ नगरपालिका वडा नम्बर ३ धादिङबेसीमा मुख्य कार्यालय रहेको उत्थान नेपालको अध्यक्षमा कृष्णप्रसाद अर्याल,उपाध्यक्षमा पेम्बा घले, सचिवमा सविता अर्याल,कोषाध्यक्षमा संगिता शाह र सदस्यहरुमा मधु परियार, इन्दिरा अर्याल र डोरप्रसाद भण्डारी रहनु भएको छ । त्यसैगरी संस्थाको सल्लाहकारमा चिकित्सा मनोविद अन्जनकुमार ढकाल, डाक्टर साकार पाण्डे,डाक्टर विजयकुमार शाह लगायत रहनु भएको छ ।

यसैक्रममा जनप्रतिनिधि तथा सवास्थ्यकर्मीहरुलाई मनोसामाजिक मनोविमर्श सम्वन्धि आधारभूत जानकारी दिने उद्धेश्यले धादिङको गंगाजमुना गाउँपालिकाको फुलखर्कमा मनोविमर्श सम्वन्धि ३ दिने तालिम सम्पन्न भएको छ ।गंगाजमुना गाउँपालिकाको आयोजनामा बैशाख २६ गते देखि २८ गते सम्म संचालन भएको मनोविमर्श सम्वन्धि ३ दिने अभिमुखिकरण तथा कर्मचारी क्षमता अभिवृद्धि तालिम मनोसामाजिक तथा मानसिक स्वास्थ्य सेवाको क्षेत्रमा काम गरिरहेको उत्थान नेपालको प्राविधिक सहयोगमा सम्पन्न भएको हो ।तालिममा २५ जना जनप्रतिनिधि र १० जना स्वास्थ्यकर्मीको सहभागिता रहेको थियो ।

तालिममा उत्थान नेपालका सल्लाहकार एवम चिकित्सा मनोविद अन्जनकुमार ढकालले मनोसामाजिक मनोविमर्श भनेको के हो ? पक्षकारसँग कसरी सम्बन्ध विस्तार गर्ने ? सही सुचना संकलन तथा विश्लेषण गर्ने तरिका, कानुुनी प्रक्रियाहरु, पक्षकारहरुसँग प्रश्न कसरी सोध्ने, पक्षकारको मुख्य समस्याहरु के हुन, पक्षकारलाई कसरी अनुभुती दिने विधि, मनको भित्री कुुरा बुझने विधि आदि विषयमा आधारभूत जानकारी गराउनु भएको थियो ।

मानसिक स्वास्थ्यका समस्याका आत्महत्या, महिला हिंसा, पारिवारिक विखण्डनका घटनाहरु बढ्दै गएकाले ती घटनाहरुलाई न्यूनीकरण गर्नका लागि समुदाय तहमा मनोसामाजिक विमर्शकर्ता तयार पार्ने लक्ष्यका साथ उत्थान नेपालले धादिङ जिल्लाको १३ वटै स्थानीय तहमा यस्ता कार्यक्रम सञ्चालनको तयारी गरिरहेको उत्थान नेपालका कार्यकारी निर्देशक विजय मुडभरीले वताउनु भयो ।गंगाजमुना गाउँपालिकाको फुलखर्कबाट शुरु भएको तालिम जिल्लााको सबै वडा तह सम्म बिस्तार गर्दै जनप्रतिनिधि र स्थानीय स्वास्थ्यकर्मीहरुलाई पछि मनोसामाजिक विमर्शकर्ताका रुपमा विकास गर्ने मुडभरीले जानकारी दिनुभयो ।



धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो ।

२९ बैशाख २०७६, आईतवार २१:२८ मा प्रकाशित

समाचार

सबै

चौँरीपालनमा युवापुस्ताको कम आकर्षण

धादिङ । धादिङ जिल्लाको हिमाली क्षेत्र रूवीभ्याली गाउँपालिकाको उच्च भेगका किसानहरुको आम्दानीको राम्रो स्रोत बनेको चौँरीपालन व्यवसायमा युवापुस्ताको आकर्षण घट्दै जान थालेको छ । दुःख गर्न सक्दा राम्रै.....

सिरानवजारमा पहिरो रोक्न सडक छेउमा वृक्षारोपण

धादिङबेसी-धादिङ जिल्लाको सदरमुकाम धादिङबेसीको सिरानवजारमा मुख्य सडक भासिएर दर्जनौं घर जोखिममा पर्ने क्रम.....

धादिङबेसीमा सिद्धार्थ बैंकको शाखा सञ्चालनमा

धादिङबेसी- धादिङ जिल्लाको सदरमुकाम धादिङबेसीमा बैक तथा वित्तिय संस्थाको शाखा स्थापना हुनेक्रम बढ्दै गएको छ ।.....

हुवासिन सिमेन्टको जग्गा भाडा सम्झौता प्रक्रिया मन्त्रिपरिषदमा

धादिङ, ३२ साउन। धादिङको वेनिघाट रोराङ गाउँपालिकाको ताल्तीमा निर्माण हुन लागेको हुवासीन सिमेण्ट उद्योगका लागि.....

हावाले उडाएको पुल मध्य बर्षामा ढलान गरिंदै

धादिङ- निर्माण कार्य शुरु भएको पाँच वर्ष विति सक्दापनि सम्पन्न हुन नसकेको नुवाकोटको केउरिनी बाट धादिङको.....

Categories